1 Timoce 4:7 - Mbede Lə Luba Kone Gə Sigi

⁷ Əw rɔ-i kunda mə-i dɔ tar gə baa gə gə ɓuga jeneje d-aw tura rad-rad. May kar ꞌi ja ila kuji dɔ ne gə lə Luba.

Testament ke Siki 1960 (Kabba Laka)

⁷ A mbeté tar ke gatang, ke tar kòrou sou lo bouka dènèdjé.

1 Timoce 4:7 ပူးပေါင်းရင်းမြစ်များ

Koula 24:16

Gəl-e gə nee ɓa ꞌma kara m-ula rɔ-m ndubu gə dɔ karje tɔ̰y mba kar dəw ila tar dɔ kəji gə lə-m no Luba gə ngaɓa no dəwje gə ang.

1 Timoce 1:4

Ulaje ar d-ḭya̰ kɔr suje ose gə tura gəl kuji dəwje mba to ne gə a ɗe gə tar ma̰y ja baa horo-je gə ɓo a kɔsə kudu kula lə Luba gə go ɗəw takagə ang baa.

1 Timoce 1:9

ngaɓa j-a gərə-je to gə Luba un torondu le mba dəw gə gadə-gadə ang. Ngaa n-un torondu nee le mba njekal tarje, nje dɔ ngangəje, njeməndulje gə njeneɗaje gə kṵra̰y, dəwje gə ꞌɓəəl Luba ang, dəwje gə ꞌɓəəl ne le Luba ang, nje tɔl bɔ-jeje gə ko̰je-je ngaɓa gə nje tɔl dəwje,

1 Timoce 2:10

Ngaa d-a tɔji mandə lə-je gə go ɗəw kula ɗa-je gə gə maj-ɛ. Ye ɓa to gə ndu kun lə jeneje gə d-ila kuji dɔ Luba gə.

1 Timoce 3:16

Cibi, ne gə to kəm kar ja gərə-je ɓa nee, negərə gə to ɓəəl ya̰ gə to lokiya ɓa takagə tɔji-si le ɓa nee: N-təl tɔji rɔ-ɛ gə dəw, N-tɔji rɔ-ɛ gə dəw gə gadə-gadə mə Njil gə, N-tɔji rɔ-ɛ n-ar anjije, D-ila mbərə lə-a horo dəwje gə ꞌgərə Luba ang Ta kag-ɛ gə dɔ nangə gə nee D-ila riɓar dɔ-ɛ gə.

1 Timoce 4:8

May kḭya̰ rɔ-i mə ji Luba gə, mba kula rɔ ndubu may ja ngaa, kila kuji dɔ ne gə lə Luba may unda neje tɔ̰y, be ɓa Luba gɔl təbə gə ɓogəne gə ye gə bara ar dəw gə ḭya̰ rɔ-ɛ mə ji-a gə.

1 Timoce 6:11

ꞋI dəw lə Luba le, may kar a̰y neje nee le. May kar ꞌsangə ne gə gadə-gadə, ɗəw kila kuji dɔ ne gə lə Luba, takagə, njigi, kuwa gədərə ngaɓa gə mə gə kul lom.

1 Timoce 6:20

ꞋI Timoce, ngom neje tɔ̰y gə d-um ji-i gə, iya̰ go tar gə baa, gə tar gə aw naa gə gə tar lə Luba ang, gə tar ma̰y kar negərə gə baa.

1 Timoce 6:3

To gə dəw gə ɗa-ɗa ɓa tɔji ne gə dang baa ose nja mə tar gə lə Mbayɓe Jeju Kirisi, ose nja gə go nendo gə ɔji kila kuji dɔ ne gə lə Luba ang nama,

1 Timoce 6:5

ma̰y tar gə sṵra̰ godo horo dəwje gə kəji negərə lə-je uy mbudugu, ar tar gə tɔgərɔ godo mə-je gə, ngaɓa d-o tar kila kuji dɔ ne gə lə Luba to gə ɗəw nekuga dɔ ji lə-je.

2 Timoce 2:16

Ɔsə tar gə ɗəgərə gə tarje gə baa rəw gə ɗangə, mba nje pa tar gə ɗəgərəje d-a kila kuji dɔ ne gə lə Luba ang dɔ-je gə kede-kede.

2 Timoce 2:23

Ɔsə tar ma̰y mbə rəw gə ɗangə, mba ꞌgərə to gə tar ma̰y mbə ce ɓɛlɛ gə ce.

2 Timoce 3:12

Be ɓa dəwje tɔ̰y gə njigi kila kuji dɔ ne gə lə Luba gə mba kaw ne kəm baa gə Kirisi Jeju le d-a kula kəm-je ndoo.

2 Timoce 3:5

d-a tɔji ndaji kila kuji dɔ ne gə lə Luba kəm dəwje gə ɗaga baa, ngaa mə-je gə ɗaa ꞌmbadə singamong-e. Kəm kar-i mbɔbə dəwje gə be ang.

2 Timoce 4:4

ngaɓa d-a kudu mbi-je jigi dɔ tar gə tɔgərɔ gə ɗaa tarje gə baa ɓa d-a tuga mbi-je gə kəne.

Tite 1:14

cibi ɓa gə mba kar d-ɔsəje tar gə baa lə Jiibije ngərəng nəm ɓa mba kar d-udu ne mbi-je jigi dɔ torondu dəwje gə ꞌmbadə tar gə tɔgərɔ.

Tite 2:12

Mənuji lə Luba le tɔji-si ɗəw kila kuji dɔ ne gə lə Luba ngaɓa mba kar ɓo neje gə dɔ nangə nee tɔ-si ang, be ɓa kar-si j-a njaje ne gə kəm karə gə neɗa gə gadə-gadə dɔ ndɔje gə ɓogəne, gə kila ne kɔji dɔ ne gə lə Luba nəm tɔ,

Tite 3:9

Ngaa ɔsə ma̰y tar mbə, gə tura gəl kuji, gə ma̰y tar gə ɔji dɔ torondu lə Moyiji rəw gə ɗangə, mba to neje gə baa gə asə la gə dəw ang.

Ebərəje 5:14

Ngaa dəw gə tɔgə nama nekusa tɔgə ja tɔ ɓa to ɔji dɔ-ɛ, mba n-gərə kɔr kəm ne gə kṵra̰y gə ne gə may.