1 Timoce 4:16 - Mbede Lə Luba Kone Gə Sigi

¹⁶ May kar-i ngom rɔ-i ngaɓa ngom nendo lə-i. Ore kəm-i kəne. Ngaa ɓo, ꞌɗa be nama, ꞌi a kaji rɔ-i nəm ngaɓa nje gə d-o tar ta-i gə nəm tɔ.

Testament ke Siki 1960 (Kabba Laka)

¹⁶ Ngem ròi ndja, ke tar ke i tòdjou, eda né nèn ke ndò toï, mbata ke koula té nèn i a kadji ròi ndja ke ndjè ke wo tai tò.

1 Timoce 4:16 ပူးပေါင်းရင်းမြစ်များ

Marəke 13:9

Unda-je kəm karə dɔ darɔ-sisəy gə ja; D-a kaw gə si no ngɔ gangə tarje gə, ngaɓa d-a kunda-si gə kɔb mə kəy nendo gə, d-a kaw gə si no njeko̰ ɓeje gə, no mbayje gə mba tar lə-m kar to tar naji no-je gə.

Lugu 21:34

Undaje kəm karə dɔ rɔ-si gə, ɓo ar-je mə-si to gə dɔ gə nekay mbə gə, gə nekusa gə gə ka guru gə ja kara baa ang, mba kar uwa-si ɓərə ang, ngaɓa gə tar kəjije gə ɔji dɔ kisi kəm baa gə mba kar ndo-ɛ nee le uba-si nangə bus ang.

Koula 26:22

Ngaa mbɔr dɔ Luba gə ngom-m ɓa saar ɓogəne m-ɗa tar naji lə ne gə Pajambərəje, gə Moyiji ꞌpa tar-ɛ kede to gə a ɗe le, no nganje gə no bubaje gə, lal pa tar gə ɗangə.

Koula 6:4

Be ɓa sijee ɗaa, j-a kore kəm-si dɔ dəji Luba gə, gə dɔ kula pa tar gə lə-a.

Romaindjé 11:14

mba kar ɗəw to nama nje gə horo gəl kuji-m gə d-ḭ ꞌnər mə ngaɓa gə mba kaji ne nje gə kara-kara horo-je gə.

Romaindjé 16:17

Ngan ko̰-mje, m-ndəji-si mba kar undaje kəm karə dɔ rɔ-si gə, mba nje kɔsə kudu kay naaje ngaɓa ꞌpa tar ꞌtuji ne neje gə ꞌtɔji-si d-ar njetakagəje d-uba ne netɔji nee le d-ḭya̰. May kar ɔrəje rɔ-si rɔ-je gə gugu.

Romaindjé 2:7

n-a kar təbə gə gə ndɔ gə ndɔ nje gə d-uwa gədərə ɗəw ɗa may gə, ꞌsangə ne rɔɓila, ɗɔy ngaɓa ne gə a ndum ang;

1 Corinthiendjé 1:21

Mba dəwje gə dɔ nangə nee gə kəm karə lə-je ꞌgərə ne Luba gə kəm karə lə-a ang ɗaa, gə go mə njigi Luba ja aji ne nje gə ꞌta kagə ɗəw kila mbərə tar kagə dəsə gə d-o gə tar mbə baa le ja.

1 Corinthiendjé 9:22

M-ɗa rɔ-m gə nje tɔgə godo horo nje tɔgə godoje gə mba kinga ne nje tɔgə godoje. M-ɗa rɔ-m to to gə dəwje tɔ̰y mba kinga ɗəw kaji ne nje gə kɛm.

1 Corinthiendjé 9:27

M-o̰ dɔ darɔ-m gə singa ya̰, ngaɓa m-uwa darɔ-m gə ɓərə, ɓo be ang nama ꞌma gə m-ila mbərə m-ar nje gə kɛm le, go-e gə ɗaa, d-a kḭ kɔr ꞌma ja gə gugu.

Ephésiendjé 4:14

Mba kar-sijee j-a to ne gə nganje gə kasə ang ngaa, mba nganje gə kasə le, ꞌpagəm ləngə-je ngaɓa ꞌbil-je aw gə je yo gə nee ɔji dɔ netɔjije ɓədə-ɓədə gə d-ula-je ne gore, d-ar-je ꞌndəm ɗəw nekərə gə, gə ɗəw kula ɗaje gə lə dəwje;

Colossiendjé 4:17

Be ɓa ꞌpaje ar-je Arəsipə: ꞌTɔsə kəm-i dɔ kula gə Mbayɓe um ji-i gə le gə maj-ɛ gə mba ɗa.

1 Thessaloniciendjé 2:16

D-ɔgə si ɗəw kar j-a pa tar j-ar dəwje gə ꞌgərə Luba ang d-inga ne kaji ngaɓa ꞌɗaje ne neɗaje gə kṵra̰y lə-je gə kede-kede. Ngaa lo tɔl t-ɛ ɗaa wungu lə Luba ubaje nangə.

1 Timoce 1:3

To gə m-pa nee m-ar-i, isi mə ɓe gə Epɛs mba kɔgə dəwje gə kɛm ɗəw tɔji nendo gə ɗangə ang, to gə m-pa nee m-ar-i kede nam ɓa kar m-ɔdə m-aw ne dɔ nangə gə Masedowan le.

1 Timoce 4:15

Iya̰ rɔ-i yag mə kula gə nee mba kar dəwje d-o kand-e

1 Timoce 4:6

To gə ɓo ꞌi tɔji tar nee le no ngan ko̰-ḭje ɗaa, ꞌi a to njekula lə Jeju Kirisi gə horo njetakagə gə gə maj-ɛ, Ye ɓa ꞌi a tɔji to gə tar takagə gə nendo gə tɔgərɔ gə ꞌi ndoo le ɗusu mə-i.

2 Timoce 2:10

Gəl-e gə ne ɓa m-uwa ne gədərə dan ne gə tɔ̰y mba kar nje gə Luba mbərə-je le d-inga ne kaji gə ḭ rɔ Kirisi Jeju gə, gə riɓar gə a to gə ndɔ gə ndɔ.

2 Timoce 3:14

Be ɓa ꞌi le, ula rɔ-i mbiriri dan ne gə ꞌndo gə unja-i ngadə, ngaɓa ꞌgərə dəw gə nje ndo-i le gə maj-ɛ tɔ.

2 Timoce 4:2

Dɔ ndɔ gə may ose may ang kara, ꞌpa tar lə Luba dɔ-i gə kede, ḭ gə je, ꞌndangə-je ɓo ꞌndəji-je gə kore ur, ngaɓa ꞌtɔji-je ne.

Tite 1:9

tar gə tɔgərɔ gə kəm ta ji joo gə ꞌtɔj-ɛ le n-a ngom to gə ngon kəm-e be, to gə be ɓa n-a kasə mba kula ne jingaw mə nje gə kɛm gə gə ɗəw netɔji gə gə dɔ gɔl-ɛ ngaɓa gə mba ndangə ne njema̰y tarje kila-je ne dana.

Tite 2:15

Be ɓa gə go tarje gə m-pa m-ar-i le ɗaa n-ndəji-je ne nəm gə ndangə-je gə singamongə. Ar dəw o-i gə ne gə baa ang.

Tite 2:7

dan neje gə tɔ̰y le, ꞌi ja un rɔ-i gə ne kɔji mar-ɛ ɗəw ɗa kulaje gə may gə, ngaɓa ꞌtɔji tar gə tɔgərɔ ja, gə a kasə kəm ta ji joo

Pilimo 1:19

ꞌMa Pɔl ja m-ɗa mbede nee gə ji-m mba pa nee kar-i to gə ꞌma ja m-a kunga-i, ꞌma ɗaa m-njigi mba kole mə-i dɔ ɓangə gə lə-m gə to dɔ-i gə le ang, mba to darɔ-i ja.

Ebərəje 12:15

May kar-si oje gə maj-ɛ mba kar mənuji lə Luba lal dəw kara ang, mba kar dəw təl to riya gə adə, mba riya gə adə le oso mə mar-ɛ gə nama a tuji mar-eje tɔ̰y ɗaa dəw a kusa ang.

Ebərəje 13:9

May kar ḭya̰je ɗəw ar netɔjije dang-dang gə dəw gərə gəl-e ang baa ja turu dɔ-si ang. Mba may kar mənuji ɓa ula jingaw mə-si gə, ɓo nekusa le asə ɗa ne kara kar njekusa-je ang.

Jacques 5:20

ꞌgərəje to gə dəw gə nje təl gə njeneɗa gə kṵra̰y ɗəw ndəəm gə lə-a ɗe sə-a le, a t-ɛ ta yo gə, ngaɓa a kudu dɔ neɗaje gə kṵra̰y bula tɔ.