1 Timoce 4:12 - Mbede Lə Luba Kone Gə Sigi

¹² May kar dəw dab-i dasəra dɔ basa̰ gə lə-i ang; ngaa may kar-i ꞌto ne kɔji mar-ɛ mba tar lə njetakagəje, ɗəw tar pa gə, ɗəw pa nja gə, ɗəw njigi gə, ɗəw takagə gə, gə ɗəw ngom rɔ gə.

Testament ke Siki 1960 (Kabba Laka)

¹² Are doou kada mbeti ang mbata i nai basä bai, a edé to né tòdjou lo dèdè ke do mèdè té, ke tar ke i pa, ke ngem rò, ke ndiki, ke ko mè té ke mè ke éh ke madjang kada ang.

1 Timoce 4:12 ပူးပေါင်းရင်းမြစ်များ

Matiye 18:10

Oje gə maj-ɛ, əwje rɔ-si dabəje ngon kara dasəra horo nje gə d-o-je gə ne ang gə mba m-pa m-ar-si to gə, anjije lə-je gə dara d-a lo gə kəm Bɔy gə isi mə dara jaga ja.

1 Corinthiendjé 11:1

ꞌNdajije kəm-m to to gə ꞌma ja kara m-ndaji kəm Kirisi be.

Philippiendjé 4:8

Ɗudu tar ɗaa, ngan ko̰-mje, may kar ne gə tɔgərɔ, ne gə kəm ɗɔy, ne tɔ̰y gə gadə-gadə, ne tɔ̰y gə arə ngadə, ne gə kəm njigi, ne tɔ̰y gə kar dəw njigi go-e gə, ne tɔ̰y gə may ta kəm dəwje gə ngaɓa asə pidi, kar ye ɓa to mə kəjije gə lə-si.

1 Thessaloniciendjé 1:6

Sisəy ꞌndəjije kəm sijee gə kəm Mbayɓe ɗaa, dan neməko̰je gə bula ja ꞌtaje Tar lə Luba gə rɔləl lə Njil Njerɔsangə.

1 Thessaloniciendjé 2:10

Sisəy ꞌtoje nje tar naj-ɛje ngaɓa Luba nəm, to gə pa nja sijee to gə losang-ɛ, gə dɔ gɔl-ɛ ngaɓa gə bar-ɛ yaw horo-sisəy njetakagəje gə.

1 Timoce 1:14

Ngaa mənuji lə Mbayɓe lə-si gə ɔji dɔ-m le al dɔ-m, m-ta kag-e ngaɓa m-inga njigi ḭ rɔ Kirisi Jeju gə nəm tɔ.

2 Timoce 2:15

Ɔsə rɔ-i ɓad gə dəw gə Luba n-ɛ nam, ꞌto dəw gə ɗa kula tɔji ne tar gə tɔgərɔ gə dɔ gɔl-ɛ.

2 Timoce 2:22

Ar ɓo neɗa gə kṵra̰y gə dɔ basa̰ gə o̰ dɔ-i ang, ɗaa sangə go neɗa gə gadə-gadə, gə takagə, gə njigi, ngaɓa ar mə-i to ɗɛgɛgɛ gə dəwje tɔ̰y gə d-aw no ꞌɓar ne Mbayɓe gə mə gə arə ngadə.

2 Timoce 2:7

ꞌTuga mbi-i gə maj-ɛ o ne tar gə m-pa, mba Mbayɓe a kar-i kəji negərə dan ne gə tɔ̰y.

Tite 2:15

Be ɓa gə go tarje gə m-pa m-ar-i le ɗaa n-ndəji-je ne nəm gə ndangə-je gə singamongə. Ar dəw o-i gə ne gə baa ang.

Tite 2:7

dan neje gə tɔ̰y le, ꞌi ja un rɔ-i gə ne kɔji mar-ɛ ɗəw ɗa kulaje gə may gə, ngaɓa ꞌtɔji tar gə tɔgərɔ ja, gə a kasə kəm ta ji joo

Jacques 3:13

Na ɓa horo-si gə nee, to gə nje kəm karə ose to gə nje negərə wa? May kar, gə go pa nja lə-a gə may le, tɔji ne kula ɗ-ɛje gə ɗəw kaw yururu gə kəm karə lə-a gə ɗaga.

Jacques 3:17

Ngaa, kəm karə gə ḭ dara le, kede dɔngɔr, to arə ngadə, ngaɓa kul lom, aw yururu, gɔl nuji, kəmtondoo ɗusu m-e, ngaɓa kandə neje gə may gə ɔr kəm dəw ang nəm, pa tar mula ang nəm tɔ.

1 Piyɛr 5:3

Ngaɓa nje gə d-um-je mə ji-si gə le, kar o̰je dɔ-je gə ko̰ ang, ngaa kar ꞌtoje nekɔji mar-ɛ ar-je kuduɓe badəmje;