1 Timoce 3:16 - Mbede Lə Luba Kone Gə Sigi

¹⁶ Cibi, ne gə to kəm kar ja gərə-je ɓa nee, negərə gə to ɓəəl ya̰ gə to lokiya ɓa takagə tɔji-si le ɓa nee: N-təl tɔji rɔ-ɛ gə dəw, N-tɔji rɔ-ɛ gə dəw gə gadə-gadə mə Njil gə, N-tɔji rɔ-ɛ n-ar anjije, D-ila mbərə lə-a horo dəwje gə ꞌgərə Luba ang Ta kag-ɛ gə dɔ nangə gə nee D-ila riɓar dɔ-ɛ gə.

Testament ke Siki 1960 (Kabba Laka)

¹⁶ Ke maitar kada ang, tar ke yarè lo tar ke madji lo Allah lodjè, ke to bo, Nè ntéh da rò té, nè nto gaté gaté mè Ndil té, angedjé woè, ntòdjou tar la horo Gentildjé té, do mèdè té sa nange nèn, dwèè ke tarr ke ndokoo.

1 Timoce 3:16 ပူးပေါင်းရင်းမြစ်များ

Matiye 1:23

Oje ꞌmbakum a kḭ kɛm ɗaa, a kuji ngon gə jingaw Ngaɓa d-a kunda ri-a na Emanuyɛl, Kɔr gəl-e na: Luba ga̰ gə si.

Matiye 13:11

Jeju ila-je kəne na: Luba ar-sisəy ꞌgərəje tar ɓeko̰ gə dara gə to lokiya gə, ngaa n-ar ꞌjeje ꞌgərə ang,

Matiye 28:2

Logə d-aw ɗaa dɔ nangə yəgə to gə boy, mba anji lə Mbayɓe kara ḭ dara uru nangə, ɗe nduburu pil ər gə d-ila ta buwa gə le isi dɔ-ɛ gə.

Matiye 3:16

Logə Ja̰ ɗa Jeju batɛm, ngaɓa Jeju aw ce mə man gə gə ɗaga ɗaa kəm dara cɛ̰ bərərə, ar n-o Njil Luba ɗisi to to gə dər kuul be isi dɔ-ɛ gə.

Matiye 4:11

Be ɓa ꞌSɛ̰ngərɛ̰ ɔdə ḭya̰ Jeju, ɗaa anjije ꞌɗe gə nekusa d-ar Jeju.

Marəke 1:13

Jeju ɗa ndɔ dɔg sɔɔ ndag lo, ɗaa ꞌSu n-ɛ. N-ga̰ horo daje gə muu, ngaɓa anjije ɗe la sə-a.

Marəke 16:19

Logə Mbayɓe Jeju pa gə je tar tɔ̰y ɗaa d-un-e d-aw sə-a dara, ɗaa n-isi dɔ ji kɔl Luba gə.

Marəke 16:5

D-andə mə buwa yo gə ɗaa, d-o ngon basa̰ isi dɔ kɔl, ula kubu gə ngal gə nda kələw-kələw, ɗaa ɓəəl unda-je badə gangə-je.

Lugu 2:32

Kaji nee le to lokarə gə a tɔji dəwje gə ꞌgərə Luba ang tɔ̰y mba kar gər-i nee A to ne riɓar lə Ijirayɛl, dəwje lə-i.

Lugu 20:44

To gə ɓo Dabidi ɓar-ɛ Mbayɓe nama, n-a təl to ngon-e to gə ban cibi wa?

Lugu 22:43

Be ɓa anji gə dara kara ce ula njingaw m-e gə.

Lugu 24:4

To gə be ɓa, lo tar igi-je sɛl ɔji dɔ nee le, ngaa a oje, gə lo-e gə əng ja dəwje joo d-ula kubu gə ndo̰y mələg-mələg ꞌce dɔ-je gə təsərə.

Lugu 24:51

Logə n-aw n-tɔr ndu dɔ-je gə bənəng ɗaa, n-uba-je n-ḭya̰-je, ngaɓa ne un-e aw sə-a dara.

Jean 1:14

Tar le təl rɔ-ɛ gə dəw, cibi ɓa isi horo-si gə mənuji gə tar gə tɔgərɔ ɗusu m-e tub-tub, ngaɓa sijee j-o rɔnduba lə-a, to to gə rɔnduba kar Ngon kara gə inga rɔ Bɔ-ɛje gə.

Jean 13:3

Jeju gərə to gə Bɔ dəwje ḭya̰ neje tɔ̰y mə ji-a gə, ngaɓa n-ḭ rɔ Luba gə ɗaa n-aw gə rɔ Luba gə tɔ.

Jean 15:26

Logə njekuul mə dəwje gə m-a kar a kḭ rɔ Bɔy gə ɗe ye to gə njil tar gə tɔgərɔ gə m-a kula-a a kḭ rɔ Bɔy gə ɗe ɗaa, ꞌne ja gə dɔ-ɛ n-a pa tar naji lə-m.

Jean 16:28

M-ḭ ɓə lə Bɔ dəwje ɗaa m-ɗe dɔ nangə gə nee; nga ɓisine m-uba dɔ nangə m-ḭya̰ ɗaa m-aw gə ɓə lə Bɔ dəwje.

Jean 17:5

Ɓisine ɗaa, Bɔ dəwje, ꞌɗɔy-m gə rɔnduba gə m-inga rɔ-i kede nam ɓa dɔ nangə to le.

Jean 20:12

Be ɓa n-o anjije joo d-ula kubu gə nda d-isi lo gə d-ila nin Jeju kəne, dəw gə kara gə əər dɔ gə, ngaɓa dəw gə kara əər gɔl gə tɔ.

Jean 6:62

Ngaa to gə ɓo sisəy oje Ngon lə dəw uba nangə ḭ aw lo gə ye ga̰ kəne kede le a paje na ɗi ngaa wa?

Koula 1:19

Tar gə nee le dəw mə ɓeje gə Jerujalɛm tɔ̰y ja ꞌgərə gəl-e gə nee ɓa ꞌɓar ne lo ndɔ le gə ndo̰ tar lə-je na: Hakɛlədama, kɔr m-e na, ndɔ məsə.

Koula 10:34

Be ɓa Piyɛr cɛ̰ t-ɛ pa na: Tɔgərɔ m-gərə to gə Luba ɔr kəm dəwje ang.

Koula 14:27

Logə ꞌɗe ɗaa, ꞌmbo̰ bar kəm Mbo̰ naa lə njetakagəje, d-ɔr gəl ne tɔ̰y gə Luba ɗa gə je d-ar-je ngaɓa ɗəw gə n-ɔr ne ta ɗəw takagə n-ar dəwje gə ꞌgərə Luba ang.

Koula 20:28

Undaje kəm karə dɔ rɔ-si gə ngaɓa dɔ nekuulje tɔ̰y gə Njil Njerɔsangə unda-si gə nje ka dɔ-ɛje, mba kar uulje ne mbo̰ naa lə njetakagəje lə Luba, gə ye ja ta gə məs-e.

Romaindjé 10:12

Mba kɔr kəm dəw godo horo Jiibije gə dəw gə to Jiibi ang gə, mba Mbayɓe lə-je kara baa, gə nebaw lə-a to ɔji dɔ dəwje gə d-ila ndu-je nangə ꞌɓar-ɛ ne.

Romaindjé 10:18

Ngaa m-pa na: Ko ɓa d-o ang wa? Ngaa gə Ndu-je ta lo dɔ nangə nee tɔ̰y le, Ngaɓa tarje gə ꞌpa le ɔr sṵra̰ dɔ nangə njal.

Romaindjé 16:25

Dəw gə asə kar-sisəy singa gə go Tar gə May lə-m ngaɓa gə go tar lə Jeju Kirisi gə m-ila mbər-e, ngaɓa gə go ne gə to lokiya gə ləw baa gə ꞌkila gə ɗaga,

Romaindjé 16:26

ngaa ɓisine kila rɔ-ɛ gə ɗaga gə go mbedeje gə pajambərəje ꞌɗa, gə go ndu Luba gə nje kisi saar-saar gə no le, ꞌkila d-ar gəl kujije tɔ̰y ꞌgərə mba kar d-ila ne kɔji gə go takagə,

Romaindjé 3:4

Be ang baa! May gərə ngadə to gə Luba ɗa ne gə tɔgərɔ, ngaa dəw gə ɗa-ɗa kara to nje ɗəgərə, to gə ꞌɗa ne mə mbede gə na: Mba kar d-o-i ne gə dəw gə gadə-gadə gə go tarje gə ce ta-i gə, ngaɓa gə kar tar uwa-i ne lo gangə tar gə ang.

Romaindjé 8:3

Ne gə torondu asə ɗa ang, mba mbɔr-ɛ lə darɔ ɓa Luba ɗa, ula Ngon-e ja ar-ɛ un darɔ gə ta naa gə njeneɗa gə kṵra̰y be, ila ne tar dɔ neɗa gə kṵra̰y gə darɔ gə,

Romaindjé 9:5

gə bɔ-sijee-je, ngaɓa ɗəw gə lə-je gə darɔ gə ɓa Kirisi gə to dəw dɔ neje tɔ̰y ɗe ne, may kar ndu tɔr to dɔ Luba gə gə ndɔ gə ndɔ. Oyo!

1 Corinthiendjé 15:47

Dɔngɔr dəw gə d-ɔr-ɛ nangə le, to dəw gə nangə nee. Njekum gə joo le ḭ dara.

1 Corinthiendjé 2:7

Ngaa j-a pa tar kəm karə lə Luba, gə to ne gə to lokiya gə, gə d-iya gə kiya, gə Luba uwa dɔ gɔl-ɛ kede ləw-ləw baa mba riɓar lə-sijee,

2 Corinthiendjé 1:19

Be ɓa, Ngon lə Luba Kirisi Jeju gə ꞌma, gə Silibɛ̰ gə Timoce j-ila mbərə lə-a horo-si gə le to oyo gə ə̰ə̰ə̰ ang baa, ngaa n-to oyo ja kara baa.

Galatedjé 2:8

mba Luba ja ɓa ɗa-m gə njeka̰ykula lə dəwje gə ꞌgərə Luba ang, to gə n-ɗa ne Piyɛr gə njekula lə Jiibije.

Galatedjé 4:4

Ngaa logə dɔ kar gə d-ɔji asə ɗaa, Luba ula ngon-e. Jene ɓa uji-e, ɗaa n-tɔgə gəl torondu gə.

Ephésiendjé 1:9

ꞌNe ɓa n-ɗa n-ar-sijee j-a gərə ne gə to lo kiya-a gə ɔji dɔ mə njigi lə-a nəm, ne gə m-e ɔji gə n-uwa dɔ gɔl-ɛ ɗəw gə lə Kirisi,

Ephésiendjé 6:19

ngaɓa mba ꞌma gə mba kar lo gə ɓo m-cɛ̰ ta-m ja̰ nama Luba um tar lə-a kəne ar-m m-pa gə ɓəəl ang m-ar dəwje ꞌgərə ne ne gə to lo kiya-a gə ɔji dɔ Tar gə May.

Colossiendjé 1:23

Ne kara baa le ɗaa, may kar ar-je dɔ takagə gə, ꞌɓərəje ngira-si kəne, gə ar-je njang, awje əw gə kunda mə gə Tar gə May pa tar-ɛ ar-si le ang. Tar gə May gə ꞌpa d-ar nekundaje tɔ̰y gəl dara gə, ngaɓa ꞌma Pɔl m-təl m-to nje kul-ɛ tɔ.

Colossiendjé 1:27

Sijee gə Luba njigi kila kar-si ja gərə ne riɓar gə nebaw gə nee, gə iya rɔ-ɛ horo dəwje gə ꞌgərə Luba ang gə, Kirisi ga̰ horo-si gə, to nekunda mə kar riɓar!

Colossiendjé 1:6

Tar gə May gə nee le aw ce ɓə lə-si, ɗəw kara baa to gə kand-e to ngaɓa ta dɔ nangə tɔ̰y ja to to gə to ne horo-sisəy gə kede ləw dɔ ndɔ gə oje ne tar mənuji lə Luba gə dɔgɔr-ɛ ja ngaɓa ꞌgərəje tar mənuji nee le to gə tar gə tɔgərɔ ja,

Colossiendjé 2:2

mba kar d-uba ne singa mə-je gə, kar kəji lə-je to ne kara baa dɔ njigi gə ngaɓa kar negərə ɗusu mə-je ar ꞌgərə ne ne lə Luba gə lo kiya-a gə, gə to Kirisi le,

2 Thessaloniciendjé 1:10

logə n-a ɗe dɔ ndɔ-ɛ əng mba kar ꞌɗɔy-ɛ, ngaɓa njeka-ɛje gə nje ta kag-ɛje d-a ko-e ɗaa lo tar a kigi-je sɛl, sisəy kara a ga̰ horo-je gə tɔ mba ꞌtaje kagə tar naji gə j-ila mbər-e j-ar-si le.

2 Thessaloniciendjé 2:7

Singamongə lə njeneɗa gə dɔ buguru gə to lo kiya-a gə le, un kudu kula nam ngaa. Logə gə nje kuwa-a nangə le a godo ɓa n-a ɗa kula lə-a gadəmagay gə.

1 Timoce 3:9

D-a to dəwje gə d-a ngom takagə gə iya rɔ-ɛ mə kəji negərə gə arə ngadə.

Ebərəje 1:3

ꞌNe gə n-to ndogo rɔnduba lə-a, n-tɔji lo kunda rɔ lə-a, n-ɗa neje tɔ̰y gə singamongə tar gə t-ɛ gə, logə n-togo neɗaje gə kṵra̰y tɔ̰y ɗaa, n-aw n-isi dɔ ji kɔl Luba gə dara,

Ebərəje 12:2

kəm-si gə dɔ Jeju gə, gə ye ja to ngira takagə lə-si le, mba kar-ɛ gədə-si saar tɔl t-ɛ. N-gərə rɔləl gə to ngina-a ɗaa, n-o ko̰ kagə dəsə gə, n-o rɔ kul gə ne ang, be ɓa n-isi ne dɔ ji kɔl Luba gə.

Ebərəje 7:7

Ma̰y-e godo, dəw gə tɔgə ɓa a tɔr ndu-e dɔ dəw gə naa gə.

Ebərəje 8:1

Tar gə to ɓəəl ya̰ gə j-a pa ɓa nee: Buba njekapolo lə-si isi dɔ ji kɔl ngəndəng mbay gə lə Yejeje dɔ dara gə taar.

1 Piyɛr 1:12

Be ɓa ꞌkila gəl-e d-ar-je to gə neje nee le ɔji dɔ ꞌjejee ang, ngaa ɔji dɔ sisəy, ɓa ꞌto ne nje kula-ɛje. Ɓisine ɗaa nje gə d-aw d-ila mbərə Tar gə May ꞌpa tar neje nee le d-ar-si ɗəw gə lə Njil Njerɔsangə gə ḭ dara ngaɓa anjije ja kara ꞌsangə mba gərə tɔ.

1 Piyɛr 1:20

ꞌmbər-e kede nam ɓa d-unda dara gə dɔ nangə ngaa ɓisine ꞌkila gə ɗaga dɔ ɗudu ndɔ gə nee mba tar lə-si.

1 Piyɛr 1:21

ꞌTaje kag-e to gə Luba ar n-ce buwa yo gə horo nje gə d-uy gə ngaɓa ula rɔnduba dɔ-ɛ gə, mba kar gə go takagə lə-si ɗaa undaje ne mə-si dɔ Luba gə.

1 Piyɛr 3:18

Mba Kirisi kara o ꞌməsərə gɔl kara gə dɔbo̰ ja mba neɗaje gə kṵra̰y, ꞌne gə to dəw gə gadə-gadə ja, n-o ꞌməsərə mba sisəy gə tar uwa dɔ-si, mba kɔr ne no-si kaw ne gə si ɓə lə Luba. ꞌTɔl-ɛ ɗəw darɔ gə, ngaa d-ar n-təl n-aw kəm baa ɗəw Njil gə.

1 Piyɛr 3:22

Jeju Kirisi gə ḭ aw dara, isi dɔ ji kɔl Luba gə, o̰ dɔ anjije, gə njeko̰ dɔ loje gə dɔ njesingamongəje gə dara tɔ.

1 Jean 1:2

Təbə le tɔji rɔ-ɛ ar j-o, ngaɓa sijee j-a to njetar naj-ɛje, ɗaa j-ila mbərə təbə gə to ndɔ gə ndɔ j-ar-si, ngaɓa təbə nee le ga̰ naa gə kara baa gə Bɔ dəwje, ꞌne gə tɔji rɔ-ɛ gə ɗaga kəm sijee gə.

1 Jean 3:5

Cibi sisəy ꞌgərəje som, dəw gə ɗe tɔji rɔ-ɛ gə ɗaga mba kɔr ne tar neɗa gə kṵra̰y lə dəwje le, neɗa gə kṵra̰y ɔr rɔ-ɛ ang.

1 Jean 3:8

Dəw gə nje ɗa neɗa gə kṵra̰y le to nje kar ꞌSɛ̰ngərɛ̰, mba ꞌSɛ̰ngərɛ̰ ɗa neɗa gə kṵra̰y ləw baa lo kuma kudu neje gə, Ngon lə Luba ɗe mba tuji kula ɗa lə ꞌSɛ̰ngərɛ̰.

Apocalypse 17:5

ꞌƊa ri misi kara ɓida no-ɛ gə na: Babilon gə boy ko̰ jene kayaje gə nje ɗa nekɔbəje gə dɔ nangə gə.

Apocalypse 17:7

Ngaɓa anji pa ar-m na: Mba ɗi ɓa lo tar igi-i sɛl wa? M-a pa tar nemisi lə jene je gə da gə dɔ-ɛ siri gə gaji-ɛ dɔg nee kar-i o.

Apocalypse 7:9

Go-e gə gugu, m-a lo m-o ɗaa, a o, bula dəwje gə bo ya̰ gə dəw kara kara a kasə tura-je ang, d-ḭ gə gəl kuji tɔ̰y, gə gəl kuji dəwje, dəw mə ɓeje bula ya̰, gə ndo̰ tarje d-ar no ngəndəng mbay gə gə no ngon badəm gə, d-ula-je kubuje gə ngal yududu gə nda. D-uwa kam kagə ji-je gə,