1 Timoce 2:8 - Mbede Lə Luba Kone Gə Sigi

⁸ Be ɓa, m-njigi kar dəwje pa tar gə Luba gə lo tɔ̰y, d-odo nee ji-je gə may tɔ̰y gə dara. D-a ɗa gə wungu ang nəm ngaɓa d-a kaw gə kəji tɔsə tar ang nəm tɔ.

Testament ke Siki 1960 (Kabba Laka)

⁸ Tokou ban mam ndiki ta kare dingaodjé ndja doudjou Allah loou té toï, ta kare doula djidè ke madji toï ke tarr, ke ongou ke maitar goto.

1 Timoce 2:8 ပူးပေါင်းရင်းမြစ်များ

Matiye 21:21

Jeju ila-je kəne na: Tar gə tɔgərɔ ja, m-pa m-ar-si, to gə ɓo ꞌtaje kagə Luba to gə tɔgərɔ ngaɓa ɓo ꞌɗəgəje tar mə-si ang nama, ne gə ce dɔ kagə tungu gə nee baa ɓa a ɗaje ang, ngaa logə a paje karəje dɔ ər gə nee na: Ɔdə lo gə nee gə aw oso mə babo gə nama, a ɗa to gə be ja tɔ.

Matiye 5:44

Ngaa ꞌma, ɗaa m-pa m-ar-si: ꞌNjigije njeba̰a̰je lə-si, ꞌtɔrəje ndu-si dɔ nje gə d-ugu ne d-ar-si, ꞌɗaje may gə nje gə ꞌnjigi-si ang gə kɔrɔ ja ꞌdəjije Luba mba nje gə d-ula kəm-si ndoo nəm tɔ.

Matiye 6:12

Kɔgərɔ ja ɔr tar neɗa gə kṵra̰y dɔ si gə, to gə sijee kara j-ɔr tar-ɛ dɔ nje gə ɗa gə sijee kṵra̰y be tɔ.

Lugu 23:34

Cibi Jeju pa na: Bɔy, ɔr tar dɔ-je gə, mba ne gə ꞌɗa le ꞌgərə ang baa. ꞌƊa ꞌya̰a̰ ꞌkay ne naa kubuje lə-a.

Lugu 24:50

Cibi n-ce gə je n-aw gə je ɗaga əər ɓe gə Ɓetani ɗaa, n-odo ji-a gə taar, n-tɔr ne ndu dɔ-je gə.

Jean 4:21

Jeju pa ar-ɛ na: Jene, ꞌta kagə-m, kar ɗe nama, a polo-je Bɔ dəwje dɔ mbal gə nee ang nəm Jerujalɛm ang nəm tɔ.

Koula 10:2

Dəw nee le ila kuji dɔ ne gə lə Luba ngaɓa gə njeməkəyje lə-a tɔ̰y ꞌɓəəl Luba nəm, gə n-la gə dəw mə ɓeje ya̰ nəm ngaɓa n-aw dəji Luba gə dɔ karje tɔ̰y.

Koula 10:31

Kɔrənəy, d-o ndu dəji lə-i nəm ngaɓa mə Luba uy dɔ la gə ꞌla gə dəwje ang nəm.

Koula 10:4

N-ore kəm-e dɔ-ɛ gə ndəng gə ɓəəl ɗaa n-pa na: Ɗi wa Mbayɓe? Anji le ila kəne na: Dəjije lə-i gə la gə ꞌla gə dəwje le ce to no Luba gə ɓo m-e uy dɔ-ɛ gə ang.

Koula 21:5

Ngaa logə ndɔje nee nday ɗaa j-un ɗəw ngaɓa ꞌdan-si tɔ̰y gə jeneje lə-je gə nganje, d-aw gə si saar gir ɓebo gə ɗaga. Cibi j-um takəji-si nangə dɔ kungu gə j-a dəji Luba.

Koula 7:60

Cibi, n-um məkəji ngaɓa n-uru ꞌkuwi gə ndu-a gə boy ɓolong na: Mbayɓe, ila tar neɗa gə kṵra̰y nee le dɔ-je gə ang. Logə n-pa to gə be ɗaa n-uy tɔ.

1 Corinthiendjé 1:2

J-a ɗa mbede nee j-ar Mbo̰ naa lə njetakagəje lə Luba gə to Kɔrɛnt, nje gə d-unda-je gə losang-ɛ gəl Kirisi Jeju gə, mba kar-je ꞌto njerɔsangəje gə go ɓar gə ꞌɓar-je, naa gə kara baa gə sijee tɔ̰y, gə lo tɔ̰y gə ꞌɓar ri Mbayɓe Jeju Kirisi gə to Mbayɓe lə-sijee gə lə-ꞌjejee tɔ.

1 Corinthiendjé 7:7

M-njigi kar dəwje tɔ̰y ja d-aw to gə ꞌma be, ngaa na-na kara Luba ar-ɛ gusu gə ɔji dɔ-ɛ ye ja, gə go mənuji lə-a. Be ɓa dəw gə nee to gə be, dəw gə kən to gə bənəng.

2 Corinthiendjé 2:14

Oyo ar Luba gə ar-sijee ja cɛdə ɗɔ mə Kirisi gə gə ndɔje tɔ̰y, ngaɓa ɗəw gə lə-sijee ɗaa, ba̰y kəndə mambo̰ negərə lə Kirisi sagə pə-pə gə lo tɔ̰y.

Philippiendjé 1:12

Ngan ko̰-mje, m-njigi mba kar ꞌgərəje to gə ne gə ce dɔ-m gə le, ɔsə kudu Tar gə May ar-ɛ aw gə kede.

1 Thessaloniciendjé 1:8

Mba Tar lə Mbayɓe ɓar kagə ɓə lə-si, ce Masedowan gə Akayi ja kara baa ang ngaa dəwje ꞌgərə takagə Luba lə-si gə lo tɔ̰y, ar al dɔ lo sula.

1 Timoce 5:14

Gəl-e nee ɓa, m-njigi kar jene ndubaje gə ꞌnay mandə ɓi ꞌta ngaw, d-uji nganje, ꞌngom-je mə kəy lə-je mba kar njeba̰a̰ inga ɗəw tuji ri-je ang.

Tite 3:8

Tar gə m-pa nee le to tar gə tɔgərɔ, ɗaa may kar ore kəm-i kəne ndəng mba ndəji ne nje gə d-unda mə-je dɔ Luba gə mba kar ꞌɗa ne kulaje gə may gə kede-kede. Ye ɓa to ne gə may gə to kəm kar njetakagə ꞌɗa!

Ebərəje 10:22

Gəl-e gə nee ɓa, j-ulaje kudu-si gə kede gə mə gə tɔ joo ang, ngaa gə takagə gə tɔgərɔ, gə mə gə ꞌtogo kəji gə kṵra̰y kəne ngaɓa gə darɔ gə ꞌtogo gə man gə arə ngadə tɔ.

Jacques 4:8

ꞌƊəmje gə rɔ Luba gə nama Luba kara a ɗəm gə rɔ-si gə tɔ. Njeneɗaje gə kṵra̰y, ꞌtogoje ji-si ngaɓa ar-je dɔ ɓəngərə-si arə ngadə tɔ, sisəy gə ꞌtoje gə ꞌpandəmje.

1 Piyɛr 3:7

Ɗəw kara baa, sisəy ngaw jeneje kara, may kar na-na gə isi gə jene lə-a nama may kar-ɛ gərə to gə jeneje le darɔ-je mbɔr-ɛ unda-si. May kar ꞌɗɔyje-je mba d-inga gə si təbə naa gə kara baa ɗəw mənuji gə, be ɓa mba kar ne kara kara ɗe bəngərə̰ no dəji Luba lə-si ang.