1 Timoce 2:7 - Mbede Lə Luba Kone Gə Sigi

⁷ Kudu tar-ɛ gə nee le ɓa, Luba təl-m ne to gə njetɔji tar ngaɓa to njeka̰ykula, mba kar m-tɔji tar dəwje gə ꞌgərə Luba ang ɗəw takagə gə ɗəw tar gə tɔgərɔ gə. M-pa tar gə tɔgərɔ ɓo m-ɗəgərə ang.

Testament ke Siki 1960 (Kabba Laka)

⁷ Mbata tar nèn, mmarem ke daka to ndjè tòdjou tar, ke ndjè koula, ma mpa tar ke tokoro, mere ngem ang, ndjè tòdjou tar lo Gentildjé ke ko mè té ke tar ke tokoro.

1 Timoce 2:7 ပူးပေါင်းရင်းမြစ်များ

Jean 7:35

Lo-e gə əng ɗaa, Jiibije ꞌpa tar horo naa gə na: Logə ɗa ngaɓa n-a kaw gə kəne ɓa j-a kinga-a ang magə wa? N-a kaw kinga nje gə ꞌsɛ̰rɛ̰ naa horo Gərɛgəje gə mba tɔji Gərɛgəje ne wa?

Koula 14:27

Logə ꞌɗe ɗaa, ꞌmbo̰ bar kəm Mbo̰ naa lə njetakagəje, d-ɔr gəl ne tɔ̰y gə Luba ɗa gə je d-ar-je ngaɓa ɗəw gə n-ɔr ne ta ɗəw takagə n-ar dəwje gə ꞌgərə Luba ang.

Koula 22:21

Be ɓa n-pa n-ar-m na: Aw, mba m-a kula-i əw dɔ-i gə ɓe lə dəwje gə ꞌgərə Luba ang.

Koula 26:20

ngaa m-pa tar turu kəji gə mbəl kəji təl gə rɔ Luba gə, gə ɗa kul-ɛ gə dana gadə m-ar nje gə Damasə kede ngaɓa nje gə Jerujalɛm, gə nje gə dɔ nangə gə Jude tɔ̰y, ngaɓa dəwje gə ꞌgərə Luba ang nəm tɔ.

Koula 9:15

Ngaa Mbayɓe təl pa ar-ɛ na: Aw, mba dəw nee le ꞌma ja m-mbər-e gə neɗa kula lə-m, mba kar n-un ri-m n-aw ne no dəwje gə ꞌgərə Luba ang gə, gə no mbayje gə, ɓa no ngan Ijirayɛlje gə;

Romaindjé 1:9

Luba gə m-aw m-pol-e mə njil gə tɔgərɔ ɗəw kila mbərə Tar gə May gə lə Ngon-e le, to njetar naji lə-m, to gə gə ndɔ-ndɔ ja,

Romaindjé 10:14

Dəw gə ꞌta kag-ɛ ang ja baa d-a kila ndu-je nangə ɓar-ɛ ne to gə ban wa? Ngaɓa dəw gə ꞌpa tar lə-a d-ar-je ang ja baa, d-a ta kag-ɛ to gə ban wa? Ngaɓa nje pa tar-ɛ godo ngaa d-a ko to gə ban wa?

Romaindjé 11:13

M-pa m-ar-sisəy tɔ̰y ja, sisəy gə ꞌtoje Jiibije ang le, ꞌma gə m-to njeka̰ykula lə dəwje gə ꞌgərə Luba ang, to gə m-ɔsə gaji rɔ-m dɔ kula gə lə-m,

Romaindjé 15:16

ar m-to njekula lə Kirisi Jeju horo dəwje gə ꞌgərə Luba ang gə; kula gə to gə losang-ɛ gə to kila mbərə Tar gə May lə Luba le m-ɗa, mba kar dəwje gə ꞌgərə Luba ang le ꞌto ne nenuji gə Njil Njerɔsangə unda gə losang-ɛ gə may ta kəm Luba gə.

Romaindjé 9:1

M-pa tar gə tɔgərɔ mə Kirisi gə, m-ɗəgərə ang, Njil Njerɔsangə pa tar naj-ɛ mə kəji gə lə-m,

1 Corinthiendjé 9:1

Dɔ-m to doy ang wa? M-to njeka̰ykula ang wa? M-o Mbayɓe lə-sijee Jeju ang wa? ꞌToje nduji kula lə-m ɗəw gə lə Mbayɓe ang wa?

2 Corinthiendjé 11:31

Luba gə to Bɔ Mbayɓe Jeju je ngaɓa ndu tɔr to k-ɛ gə ndɔ gə ndɔ le, gərə to gə m-pa tar gə negərə ang!

Galatedjé 1:16

ꞌNe ja n-tɔji-m ngon-e mba kar-m m-ila mbərə lə-a m-ar dəwje gə ꞌgərə Luba ang, be ɓa, m-dəji tar ndəji dəw ang;

Galatedjé 1:20

Tar gə m-aw pa m-ar-si nee le, no Luba gə ja, to tar gə ɗəgərə ang.

Galatedjé 2:16

To gə be ɓa, Luba o dəw gə dəw gə gadə-gadə ɔji dɔ kuji gə kila dɔ torondu gə ang ngaa ɔji dɔ takagə Jeju Kirisi. Sijee kara j-a ta kagə Jeju Kirisi mba kar Luba o ne si gə dəwje gə gadə-gadə ɗəw ta kagə Kirisi gə, ɓo dəw a to gadə-gadə ɗəw kila kuji dɔ torondu gə ang, mba dəw kara gə Luba a ko-e gə dəw gadə-gadə gə go kuji gə kila dɔ torondu le godo.

Galatedjé 2:9

Jagə je Sepas gə Ja̰ gə nay to dubu Mbo̰ naa lə njetakagəje ꞌgərə to gə Luba uwa sə-m nuji, ɗaa d-uwa ji kɔl je gə Barənabas tɔji ne mə kara mba kar-sijee gə j-a kaw ɓə lə dəwje gə ꞌgərə Luba ang, ɗaa ꞌjeje d-a kaw bə lə Jiibije.

Galatedjé 3:9

To gə be ɓa, njetakagəje d-inga ndu tɔr naa gə Abəraham, njetakagə.

2 Timoce 1:11

Mba Tar gə May nee le ɓa Luba unda-m ne gə nje pa tar lə-a nəm, gə njeka̰ykula ngaɓa gə nje tɔji ne nəm tɔ.

2 Piyɛr 2:5

to gə ɓo nekundaje gə dɔ ndɔ gə kede ləw kara n-ɔr kəm-je ang, dɔ ndɔ gə n-ar man bələm ta ne nekundaje gə ta kəm-e ang. Ngaa dəwje ji nay jo baa ɓa n-gom-je, gə dəw kara horo-je gə ri-a na Nowe, njekila mbərə ne gə gadə-gadə.