1 Timoce 2:6 - Mbede Lə Luba Kone Gə Sigi

⁶ gə iya̰ rɔ-ɛ to nekuga dɔ dəwje. Ye ɓa to tar naji gə Luba tɔji dɔ kar gə Luba ɔji.

Testament ke Siki 1960 (Kabba Laka)

⁶ Nè ke noun rè ndja tokou lo andé ta kouka né dooudjé toï, tar nadji lo tar nèn dé ndò té la ndja.

1 Timoce 2:6 ပူးပေါင်းရင်းမြစ်များ

Matiye 20:28

Be ɓa ꞌma gə Ngon lə dəw m-ɗe mba kar ꞌɗa kula d-ar-m ang, ngaa mba to ngon njekula, gə kun təbə lə-m gə nekuga dɔ dəwje bula.

Marəke 1:15

N-pa na: Dɔ kar asə nam, ɓeko̰ lə Luba le nay əw ang baa. ꞌTuruje kəji lə-si, ɓo ꞌtaje kagə Tar gə May.

Marəke 10:45

Mba ꞌma gə Ngon lə dəw m-ɗe mba kar ꞌɗa kula d-ar-m ang, ngaa m-ɗe mba to ngon njekula, gə kun təbə lə-m gə nekuga dɔ dəwje bula.

Jean 10:15

ɗəw kara baa to gə Bɔ dəwje gərə-m ꞌma ngaɓa ꞌma kara m-gərə Bɔ dəwje tɔ; ɗaa m-ḭya̰ rɔ-m m-ar yo mba badəmje lə-m.

Jean 6:51

ꞌMa le, m-to mbə gə to kəm baa gə ḭ dara. To gə ɓo dəw usa mbə gə nee le nama a kaw kəm baa gə ndɔ gə ndɔ; ngaɓa mbə gə ꞌma m-a kar le, to gə darɔ-m gə m-ar mba təbə lə dəwje gə dɔ nangə gə nee.

Romaindjé 16:26

ngaa ɓisine kila rɔ-ɛ gə ɗaga gə go mbedeje gə pajambərəje ꞌɗa, gə go ndu Luba gə nje kisi saar-saar gə no le, ꞌkila d-ar gəl kujije tɔ̰y ꞌgərə mba kar d-ila ne kɔji gə go takagə,

Romaindjé 5:6

Mba, logə sijee j-a to nje tɔgə godoje ɓi ja, dɔ kar asə ɗaa Kirisi uy mba nje ɓəəl Luba angje.

1 Corinthiendjé 1:6

mba tar naji lə Kirisi gə ɓar mii mə-si gə.

2 Corinthiendjé 5:21

Kirisi gə ɗa neɗa gə kṵra̰y ang, ngaa Luba odo neɗaje gə kṵra̰y lə-si um dɔ-ɛ gə mba kar-sijee ja təl ja to ne dəwje gə gadə-gadə no Luba.

Galatedjé 1:4

Mbayɓe Jeju Kirisi gə un rɔ-ɛ uga ne neɗa gə kṵra̰y lə-si, mba kɔr-si ne dɔ ndɔje gə ɓogəne gə may ang gə go mənjigi lə Bɔ-sijee Luba.

Galatedjé 4:4

Ngaa logə dɔ kar gə d-ɔji asə ɗaa, Luba ula ngon-e. Jene ɓa uji-e, ɗaa n-tɔgə gəl torondu gə.

Ephésiendjé 1:17

mba kar Luba lə Mbayɓe lə-sijee Jeju Kirisi, Bɔ dəwje gə njeriɓar, ar-sisəy njil kəm karə gə njil kila dɔ ne mba kar-si ꞌgər-eje ne.

Ephésiendjé 1:7

Gə ɗəw gə lə-a gə mbɔr dɔ məs-e ɓa uga dɔ sijee, ɔr tar neɗaje gə kṵra̰y lə-si dɔ-si gə, gə go mənuji lə-a gə ɗusu lo njḭ-njḭ,

Ephésiendjé 3:5

Ne gə to lo kiya-a gə nee le, Luba ar kəm nje gə kede ləw unja dɔ-ɛ gə, to gə n-kila ne dɔ-ɛ ɓisine ɗəw njil gə n-ar njeka̰ykulaje gə ꞌto gə losang-ɛ gə pajambərəje lə-a be ang baa:

Ephésiendjé 5:2

ngaɓa ꞌnja-je dan njigi gə ɗəw kara baa to gə Kirisi kara njigi sijee ɗaa ye ja un rɔ-ɛ ila mə ji Luba gə uga ne dɔ sijee gə nenuji, gə nekunja məsə, asə naa gə ba̰y kəndə mambo̰ gə ba̰y-e əndə ləl tɔ.

2 Thessaloniciendjé 1:10

logə n-a ɗe dɔ ndɔ-ɛ əng mba kar ꞌɗɔy-ɛ, ngaɓa njeka-ɛje gə nje ta kag-ɛje d-a ko-e ɗaa lo tar a kigi-je sɛl, sisəy kara a ga̰ horo-je gə tɔ mba ꞌtaje kagə tar naji gə j-ila mbər-e j-ar-si le.

1 Timoce 6:15

dɔ kar gə Luba ɓa a kɔji. ꞌNe gə kəm kɔsə gaji-ɛ cibi to gə dəw dɔ rɔ-ɛ gə a kɔji kar-ɛ baa, Mbay lə mbayje, gə Mbayɓe lə mbayɓeje,

2 Timoce 1:8

Əw rɔ-i ɗa rɔ kul dɔ pa tar naji gə lə Mbayɓe lə-si nəm, ɓa dɔ-m ꞌma gə d-uwa-m d-ila-m kəy kula gə mba tar lə-a nəm tɔ. Ngaa o sə-m məsərə mba Tar gə May gə go singamongə lə Luba.

Tite 1:3

Tar gə Luba gə njekaji-si um ji-m gə le dɔ kar-ɛ asə ɗaa ye ja un ndu-e ar-m mba kar-m m-pa gə ɗaga.

Tite 2:14

Kirisi ja un rɔ-ɛ uga ne dɔ-si, ɓa ɔr ne si dan neɗa gə kṵra̰y gə. N-ɗa to gə be mba mbo̰ ne si gə dəwje lə-a gə n-mbərə-je n-togo-je ngaɓa mba kar ɓo ɗa kulaje gə may-may to ne mə-si gə.

Ebərəje 9:12

ngaɓa n-andə no ngɔ losangə gə gɔl kara ja gə dɔbo̰, n-andə gə məsə bɔ badəm ang nəm gə məsə ngon mangə ang nəm ngaa gə məs-e ja. Be ɓa n-inga ne ɗəw kuga dɔ dəwje gə dɔbo̰ ja.

1 Piyɛr 2:24

ꞌne gə n-unda dɔ-ɛ kede n-ta ne neɗaje gə kṵra̰y lə-si, n-uy ne dɔ kagə gə, mba kar-sijee gə ja to dəwje gə j-uy ɗəw neɗa gə kṵra̰y gə le, j-aw ne kəm baa ɔji dɔ neɗa gə dana gadə, ngaɓa do gə ninga le ɓa ajije ne kəbərə.

1 Piyɛr 3:18

Mba Kirisi kara o ꞌməsərə gɔl kara gə dɔbo̰ ja mba neɗaje gə kṵra̰y, ꞌne gə to dəw gə gadə-gadə ja, n-o ꞌməsərə mba sisəy gə tar uwa dɔ-si, mba kɔr ne no-si kaw ne gə si ɓə lə Luba. ꞌTɔl-ɛ ɗəw darɔ gə, ngaa d-ar n-təl n-aw kəm baa ɗəw Njil gə.

1 Jean 4:10

Ɗəw njigi gə Luba njigi-si le, to gə sijee ɓa j-a njigi-e kede ang baa, ngaa ꞌne ja ɓa n-njigi-si dɔngɔr ngaɓa n-ula Ngon-e to gə nekuga dɔ neɗa gə kṵra̰y lə-si.

Apocalypse 1:5

gə rɔ Jeju Kirisi gə nje pa tar naji lə Luba gə gədə, ꞌne n-to ngon dəər, gə dəw gə dɔngɔr gə ndol horo nje gə d-uy gə, gə dəw dɔ mbayje tɔ̰y gə dɔ nangə nee! ꞌNe gə n-njigi sijee gə ꞌne gə mbɔr dɔ məs-e ɓa n-ɔr ne sijee dan neɗa gə kṵra̰y gə,

Apocalypse 5:9

D-ɔsə pa gə sigi kara ꞌpa na: ꞌI asə mba ta mbede le nəm, gə mba kɔr t-ɛ gə rɛ̰ gə bəngə ji-je gə to kəne nəm tɔ, mba d-unja gɔb-i gə ne məsə, ɗaa məs-i ɓa ꞌi uga ne dɔ gəl kuji tɔ̰y, ndo̰ tar tɔ̰y, dəw mə ɓeje tɔ̰y gə gəl kuji dəwje ar Luba.