1 Timoce 2:15 - Mbede Lə Luba Kone Gə Sigi

¹⁵ Be ja kara, n-a kinga kaji ɗəw gə lə nganje gə n-a kujije, to gə n-ngom takagə gə n-njigi dəwje, sangə rɔ-ɛ ngaɓa n-ɗa ne gə mə Luba njigi.

Testament ke Siki 1960 (Kabba Laka)

¹⁵ A dènè a kinga kadji deo koudjou ngon té, tokou nè nisi ke ko mè té ke ndiki, ke ngem rè mbata Allah, deo ndoi rè té ang.

1 Timoce 2:15 ပူးပေါင်းရင်းမြစ်များ

Lugu 2:7

ɗaa n-uji ngon dər-e gə jingaw. N-ɓiri-e gə ta kubu ngaɓa n-ila-a mə bəgərə kusa ne gə lə mangəje mba lo to godo mə kəy to mbaje gə.

1 Corinthiendjé 12:23

ngaɓa nje gə j-oje kula ɗa-je gə sɔrɔgə darɔ gə ang ɓa, j-a ɗɔy-je ya̰. Be ɓa bar kəm rɔ-sijee gə j-oje gə lo rɔ kul ɓa, j-a tɔsə-je kəm-si dɔ-je baw-baw,

1 Timoce 1:14

Ngaa mənuji lə Mbayɓe lə-si gə ɔji dɔ-m le al dɔ-m, m-ta kag-e ngaɓa m-inga njigi ḭ rɔ Kirisi Jeju gə nəm tɔ.

1 Timoce 1:5

ꞌI a kun ndu nee le mba kar dəwje njigi naa gə yoo gə nee, njigi gə ḭ mə gə arə ngadə, kəji gə to gə maj-ɛ ngaɓa gə takagə gə tɔgərɔ.

1 Timoce 2:9

Ɗəw kara baa, may kar jeneje d-ula kubu lə-je gə maj-ɛ. D-a kula kubu gə a kila kuji dɔ-je gə, cibi d-a kuwa dɔ gə bar-ɛ yaw ɓo d-a kula ne mbi maa ang nəm gə d-a kum mər ngɔbəje gə ang, ngaɓa d-a kula kubuje gə gə go ɗəb-e ɓa.

Tite 2:12

Mənuji lə Luba le tɔji-si ɗəw kila kuji dɔ ne gə lə Luba ngaɓa mba kar ɓo neje gə dɔ nangə nee tɔ-si ang, be ɓa kar-si j-a njaje ne gə kəm karə gə neɗa gə gadə-gadə dɔ ndɔje gə ɓogəne, gə kila ne kɔji dɔ ne gə lə Luba nəm tɔ,

1 Piyɛr 4:7

Ɗudu neje nay njɛ̰ baa, ɗaa ꞌcibije dɔ rɔ-si gə ang ngaɓa undaje kəm karə dɔ rɔ-si gə ɗəw dəji Luba gə.