1 Timoce 1:9 - Mbede Lə Luba Kone Gə Sigi

⁹ ngaɓa j-a gərə-je to gə Luba un torondu le mba dəw gə gadə-gadə ang. Ngaa n-un torondu nee le mba njekal tarje, nje dɔ ngangəje, njeməndulje gə njeneɗaje gə kṵra̰y, dəwje gə ꞌɓəəl Luba ang, dəwje gə ꞌɓəəl ne le Luba ang, nje tɔl bɔ-jeje gə ko̰je-je ngaɓa gə nje tɔl dəwje,

Testament ke Siki 1960 (Kabba Laka)

⁹ Ngeré yèn, tar ndedji to mbata dooudjé ke gaté gaté ang, a mbata dooudjé ke mbeté Allah ke dooudjé ke ndjè né da ke madjang, mbata ndjè ke madjidjé ang, ke dooudjé ke bar ri Allah to né ke gatang, mbata dooudjé ke tòl bòdèdè ke ködèdè, ke mbata dooudjé ke ndjè tòl doou.

1 Timoce 1:9 ပူးပေါင်းရင်းမြစ်များ

Matiye 10:21

Dəw a kun dɔ ngon ko̰-ɛ kar d-a tɔl-ɛ, bɔ ngon-je a kun dɔ ngon-e, nganje d-a təl nje kəm tarje lə nje kuji-jeje, ngaɓa d-a ɗa kar d-a tɔl-je.

Romaindjé 1:30

pa tar gə kṵra̰y dɔ naa gə, ꞌto njeba̰a̰je lə Luba, ɗa gasəra, kunda kar, kɔsə rɔ, kəji ɗa kṵra̰y, gə ɗa dɔ ngang gə nje kuji-jeje,

Romaindjé 4:13

Mba gə go ɗəw gə lə torondu ang, ngaa gə go ɗəw gə to gadə-gadə ɗəw takagə gə ɓa d-uwa ne dɔ gɔl dɔ nangə ja tɔ̰y gə nenduba d-ar Abəraham ose d-ar gəl kuji lə-a.

Romaindjé 5:20

Torondu ce mba kar kal tar ba̰y ne gə kede, ngaa lo gə neɗa gə kṵra̰y ba̰y kəne nama mənuji bula kəne al dɔ lo.

Romaindjé 6:14

Neɗa gə kṵra̰y a dum dɔ-si ang, mba isije gəl torondu gə ang, ngaa gəl mənuji gə.

Galatedjé 3:19

Torondu to mba ɗi wa? D-ar torondu or-e dɔ ndu kun gə d-uwa dɔ gɔl-ɛ mba kar kal tar kila ne rɔ-ɛ gə ɗaga saar mba kar gəl kuji gə d-uwa dɔ gɔl-ɛ le ɗe ne. Torondu gə d-ar anjije pa tar-ɛ gə ɗaga ɗəw gə lə nje gɔl tar.

Galatedjé 5:18

Ngaa to gə ɓo Njil ɔr no-si nama, torondu o̰ dɔ-si ang.

Galatedjé 5:21

ɗa kəm kə̰y, to mbə kodo, to ka guru, ngaɓa neje gə ɗangə gə ta gə je naa be. M-təl m-pa m-ar-si to gə m-ndəji-si ne kede le; dəwje gə nje ɗa neje gə to gə be le, d-a kandə ɓeko̰ gə lə Luba ang yom ja.

Galatedjé 5:23

kaw yururu, kuwa mə ngangə; neje gə nee le, torondu ila tar dɔ-ɛ gə ang.

2 Thessaloniciendjé 2:8

Be ɓa, njeneɗa gə dɔ buguru a kila rɔ-ɛ gə ɗaga ɗaa Mbayɓe Jeju a tɔl-ɛ gə kundu t-ɛ, n-a tuj-e pugudu gə singamongə ndɔ təl gə lə-a.

1 Timoce 4:7

Əw rɔ-i kunda mə-i dɔ tar gə baa gə gə ɓuga jeneje d-aw tura rad-rad. May kar ꞌi ja ila kuji dɔ ne gə lə Luba.

1 Timoce 6:20

ꞋI Timoce, ngom neje tɔ̰y gə d-um ji-i gə, iya̰ go tar gə baa, gə tar gə aw naa gə gə tar lə Luba ang, gə tar ma̰y kar negərə gə baa.

2 Timoce 2:16

Ɔsə tar gə ɗəgərə gə tarje gə baa rəw gə ɗangə, mba nje pa tar gə ɗəgərəje d-a kila kuji dɔ ne gə lə Luba ang dɔ-je gə kede-kede.

2 Timoce 3:2

Mba dəwje d-a njigi darɔ-je ɓa ya̰, ngaɓa d-a njigi lar ya̰, d-a to gə nje kɔsə rɔ-jeje, njekunda kar-jeje, njetaji Lubaje, d-a mbadə koso kul no njekuji-sijee gə, d-a kar oyo ang, d-a ɓəəl ne lə Luba ang,

Tite 1:10

Tɔgərɔ ja, dəwje bula ꞌto njekula dɔje-je ang, ꞌto nje pa tar gə baaje gə nje kərə dəwje horo Jiibije gə.

Tite 1:16

ꞌƊa rɔ-je to to gə dəwje gə gərə Luba be ngaa kula ɗa-je gə kṵra̰y ja d-a gərə-je ne. ꞌToje yɛm gə nje dɔ ngangəje ngaɓa d-asə ɗa ne gə may kara ang.

Tite 1:6

dəw gə a to ngatɔgə le tar a kuwa dɔ-ɛ ang gə a ta jene kara baa ngaɓa ngan-ɛ d-a to njetakagəje gə pa nja-je a to gə maj-ɛ gə d-ila kuji ɓa.

Tite 3:3

Mba kede ləw le sijee ja kara j-a gərə ne kara ang. J-a mbadə koso kul no Luba gə nəm, j-a ndəəm nəm, j-a to ɓərəje lə ɓoje gə darɔ gə gə mal neje dang-dang. Ja to gə njeməngo̰yje, gə nje ɗa məje, kəm njigi-si ang ngaɓa ja njigi naa ang gə yo gə nee tɔ.

Ebərəje 11:31

Gə go takagə ɓa Rahabə gə to jene kaya inga ne tuji gə nje məkədərəje ang mba kuwa gə uwa nje tən loje gə rɔ-ɛ gə gə rɔləl.

Ebərəje 12:16

Oje gə maj-ɛ mba kar dəw kara ja kara aw gə bula njagəda ang nəm, gə dəw gə njedabə ne lə Luba dasəra to to gə Esaw be ang, mba n-to ngon dəər ngaa n-uwa mbəl ne nekusa.

1 Piyɛr 2:7

Ɗɔy to kar-sisəy gə ꞌtaje kagə. Ngaa kar nje gə ta kagə ang ɗaa, Kɔr ər gə njekunda kəyje d-un d-ila kɔrɔ le ja Ye ja təl to kɔr ər gə kil kəy gə Ngaɓa kɔr ər le təl to jigi tuga gɔl To kɔr ər gə təl to ɗəw koso.

1 Piyɛr 3:20

nje gə ꞌɗa dɔ ngang gə Luba kede ləw, ngaa Luba ila m-e dɔ mar-ɛ gə, dɔ ndɔ gə Nowe ɗa ne to gə boy, ar dəwje njɛɓərɛ baa ja d-al, dəwje ji nay joo gə man uwa-je ang.

1 Piyɛr 4:18

Ngaa ɓo dəw gə gadə-gadə ja ɓi ɗa ya̰ ɓa ta rɔ-ɛ ngaa, kar dəw gə nje gərə Luba ang ngaɓa gə njeneɗa gə kṵra̰y a to to gə ban wa?

Jude 1:15

mba gangə ne tar dɔ dəwje gə tɔ̰y ngaɓa gə mba kila ne tar dɔ dəwje gə ꞌgərə Luba ang ɗəw kula ɗaje gə may ang gə nəm, gə tarje gə baa-baa gə njeneɗaje gə kṵra̰y nee le ꞌpa dɔ Luba gə.

Apocalypse 21:8

Ngaa njeɓəəlje, nje məkədərəje, dəwje gə ngabula, nje tɔl dəwje, jərje, njembɛ̰je, nje polo magəje, gə nje tar gə ɗəgərəje tɔ̰y le, kar-je to dang pər gə o̰ bilim-bilim, gə dan sori gə: ye gə ne le to gə yo gə njekum gə joo.

Apocalypse 22:15

Bisije, njembɛ̰je, njekayaje, nje tɔl dəwje, nje polo magəje ngaɓa na-na ɓa gə njigi tar gə ɗəgərə ngaɓa to gə nje p-ɛ le, d-a tɔbə-je kum-je ɗaga.