1 Timoce 1:5 - Mbede Lə Luba Kone Gə Sigi

⁵ ꞌI a kun ndu nee le mba kar dəwje njigi naa gə yoo gə nee, njigi gə ḭ mə gə arə ngadə, kəji gə to gə maj-ɛ ngaɓa gə takagə gə tɔgərɔ.

Testament ke Siki 1960 (Kabba Laka)

⁵ A gel ndedji lodjè to ndiki ke téh ke mè ke éh ke madjang kada ang, mè kedji né geré té ke madji, ke ko mè té ke tokoro.

1 Timoce 1:5 ပူးပေါင်းရင်းမြစ်များ

Matiye 12:35

Dəw gə may nama ne gə may ja tɔ ɓa a kḭ m-e gə, ngaa ɓo dəw gə kṵra̰y nama ne gə kṵra̰y ja tɔ ɓa a kḭ m-e gə tɔ.

Matiye 5:8

Nokarə to mba nje gə mə-je arə ngadə, Mba d-a ko kəm Luba!

Koula 15:9

ꞌNe n-ɔr kəm-je dang gə sijee ang mba n-togo mə-je n-ar arə ngadə ɗəw takagə gə.

Koula 23:1

Kəm Pɔl to gə dɔ nje gə no ngɔ gə nda̰a̰ ngaɓa pa na: Ngan ko̰-mje, m-nja no Luba gə gə kəji gə may ja saar ce ɓogəne.

Koula 24:16

Gəl-e gə nee ɓa ꞌma kara m-ula rɔ-m ndubu gə dɔ karje tɔ̰y mba kar dəw ila tar dɔ kəji gə lə-m no Luba gə ngaɓa no dəwje gə ang.

Romaindjé 10:4

mba Kirisi ja tɔl ta torondu mba kar dəw gə ɗa-ɗa gə takagə to ne dəw gə gadə-gadə.

Romaindjé 12:9

May kar njigi to njigi gə tɔgərɔ, ɔsəje ne gə kṵra̰y ngərəng, oreje kəm-si ndəng dɔ ne gə may gə.

Romaindjé 14:15

To gə ɓo mba nekusa ɓa kəm ngon ko̰-i ɗa ne ndoo nama njigi godo mə-i gə. Dəw gə Kirisi uy mba tar lə-a le, ar-ɛ tuji mba nekusa baa ang.

Romaindjé 9:1

M-pa tar gə tɔgərɔ mə Kirisi gə, m-ɗəgərə ang, Njil Njerɔsangə pa tar naj-ɛ mə kəji gə lə-m,

1 Corinthiendjé 13:1

To gə ɓo m-gərə pa ndo̰ tar lə dəwje ngaɓa lə anjije ja ɓa, to gə ɓo njigi godo mə-m gə nama, m-to to gə ngaw lar gə ɓar be ose m-to to gə kɔr nekɛmje gə ɓar be.

2 Corinthiendjé 1:12

Mba gəl ne gə sijee j-unda ne kar-si le, to gə tar naji gə mə kəji lə-si gə to nee: sijee ja nja pa nja gə horo dəwje gə dɔ nangə gə nee, ngaɓa horo-sisəy gə ja dɔ ngɔ, gə kɔsə rɔ ang, ngaɓa gə karə ngadə gə ḭ rɔ Luba gə; ɗaa mənuji lə Luba ɓa ɔr no-si ɓo kəm karə gə darɔ gə ang

Galatedjé 5:22

Ngaa kandə Njil le ɓa nee: Njigi, rɔləl, ɗɛgɛgɛ, kore ur, məmay, ɗa may, takagə,

Galatedjé 5:6

Mba dəw gə um naa gə Kirisi Jeju nam le, kunja bərə ose kunja bərə ang ɓa to gə ne ang, ngaa takagə gə tɔji rɔ-ɛ, gə njigi ɓa to gə ne.

1 Timoce 1:18

Ngon-m Timoce, tar ndəji gə m-a pa kar-i ɓa nee, to tar ndəji gə aw ɗəw kara baa gə tar gə pajambərəje pa ɔji dɔ ndo-ɛ gə kede le. Ye ɓa a kula jingaw mə-i gə kar ꞌɗa nee ɗɔ kəm ngon gə jingaw,

1 Timoce 1:19

kar uwa nee takagə ji joo ngaɓa aw nee gə kəji gə gə maj-ɛ. Kəji gə nee le ɓa nje gə kɛm ꞌtusu d-iya̰, ɗaa d-oso ɗəw takagə gə lə-je to gə to gə njuyi man be.

1 Timoce 3:9

D-a to dəwje gə d-a ngom takagə gə iya rɔ-ɛ mə kəji negərə gə arə ngadə.

2 Timoce 1:3

M-təl gə oyo m-ar Luba gə m-pol-e gə kəji gə arə ngadə to to gə ka-mje gə kede le, ngaɓa logə m-aw m-dəji Luba taar-taar ja nama m-ila ri kəne, cil gə kar;

2 Timoce 1:5

Mə-m ole dɔ takagə lə-i gə gadə-gadə, takagə gə arə ngadə gə nee le to mə ka-ije gə jene gə ri-a na Loyis cibi ɓa to mə ko̰-ije gə ri-a na Ənis gə kede le, ye ja tɔ ɓa to mə-i ꞌi gə.

2 Timoce 2:22

Ar ɓo neɗa gə kṵra̰y gə dɔ basa̰ gə o̰ dɔ-i ang, ɗaa sangə go neɗa gə gadə-gadə, gə takagə, gə njigi, ngaɓa ar mə-i to ɗɛgɛgɛ gə dəwje tɔ̰y gə d-aw no ꞌɓar ne Mbayɓe gə mə gə arə ngadə.

Tite 1:15

Ne tɔ̰y arə ngadə mba dəwje gə d-ar ngadə tɔ ngaa njeminaje gə nje məkədərəje le negərə lə-je gə kəji lə-je kara mina tɔ.

Ebərəje 10:22

Gəl-e gə nee ɓa, j-ulaje kudu-si gə kede gə mə gə tɔ joo ang, ngaa gə takagə gə tɔgərɔ, gə mə gə ꞌtogo kəji gə kṵra̰y kəne ngaɓa gə darɔ gə ꞌtogo gə man gə arə ngadə tɔ.

Ebərəje 13:18

ꞌDəjije Luba mba sijee, mba j-a gərə to gə kəji lə-sijee to gə maj-ɛ, gə mə-si gə njigi mba nja gə maj-ɛ dan neje gə tɔ̰y.

Ebərəje 9:14

ɓədə ɓa məsə Kirisi gə to ɓəəl ya̰, ngaɓa un rɔ-ɛ gə arə ngadə ar Luba ɗəw gə lə Njil gə a to gə no le, a togo kəji lə si kɔr-si ta yo gə mba kar ja ɗa kula lə Luba gə nje kisi kəm baa!

Jacques 4:8

ꞌƊəmje gə rɔ Luba gə nama Luba kara a ɗəm gə rɔ-si gə tɔ. Njeneɗaje gə kṵra̰y, ꞌtogoje ji-si ngaɓa ar-je dɔ ɓəngərə-si arə ngadə tɔ, sisəy gə ꞌtoje gə ꞌpandəmje.

1 Piyɛr 1:22

Mba ꞌtogoje mə-si ɗəw kila kuji dɔ tar gə tɔgərɔ gə, ɓa mba kar ꞌnjigije naa gə maj-ɛ gə ngan ko̰ naaje le ɗaa, may kar uwaje ji njigi naa lə-si nee le kɛgə, gə mə gə arə ngadə,

1 Piyɛr 3:16

ɗaa ꞌpaje gə ndu gɔsə gə kul yururu gə kila kuji, ar-je kəji gə may ɓa uwa mə-si, mba kar lo gə d-aw ꞌpa gə si kəne nama, rɔ kul ɗa ne nje pa tarje gə kṵra̰y dɔ pa nja-si gə may gə ɗəw gə lə Kirisi.

1 Piyɛr 3:21

To ndaji batɛm gə aji-si ɓogəne, gə to ɗəw gə ꞌtogo ne neje gə mina darɔ dəw gə ɗaga ang, ngaa, to kun gə dəw un rɔ-ɛ gə kəji gə may ar Luba, ɗəw ce buwa yo gə lə Jeju Kirisi.

1 Piyɛr 4:8

Ne gə may ya̰ ja, njigije naa gə yo gə nee jaga-jaga, mba njigi on dɔ neɗaje gə kṵra̰y bula.

2 Piyɛr 1:7

nuji gə kuwa gə horo ngan ko̰ naaje gə ɔsə kudu kila kuji dɔ ne gə lə Luba, njigi naa ɔsə kudu nuji gə kuwa horo ngan ko̰ naaje gə.

1 Jean 3:10

Ye ɓa tɔji to gə nganje lə Luba ꞌto dang gə nganje lə ꞌSɛ̰ngərɛ̰. Dəw gə ɗa-ɗa gə ɗa ne gə gadə-gadə ang le, to kar lə Luba ang, ɗəw kara baa to gə dəw gə njigi ngon ko̰-ɛ ang nama to dəw lə Luba ang tɔ.

1 Jean 3:23

Oje ndu-e le ɓa nee: May kar j-a ta kagə gə ri ngon-e Jeju Kirisi, cibi j-a njigije naa gə yo gə nee gə go ndu gə n-un n-ar-si.

1 Jean 3:3

Dəw gə ɗa-ɗa ɓa unda m-e dɔ-ɛ gə nama a karə ngadə to gə ꞌne n-arə ngadə bənəng tɔ.