1 Timoce 1:17 - Mbede Lə Luba Kone Gə Sigi

¹⁷ May kar dəwje tɔ̰y gə dɔ nangə nee d-ila kuji dɔ Luba gə, ngaɓa d-ila riɓar dɔ-ɛ gə gə ndɔ gə ndɔ. N-to Mbay gə Njeko̰ ɓe gə isi kəm baa, gə uy ang, gə dəw o-e ndɔ kara ang, N-to Luba gə kara baa ɗəgədə! Oyo.

Testament ke Siki 1960 (Kabba Laka)

¹⁷ Mbaibé ke ke ndò ke ndò ke ase ta kwoei ang, ke kem woè ang, Allah ke kadaba, piti ke ndokoo to ngë ke ndò ke ndò. Amen.

1 Timoce 1:17 ပူးပေါင်းရင်းမြစ်များ

Matiye 25:34

Be ɓa ꞌma gə mbay le m-a pa kar nje gə dɔ ji kɔl-m gə na: ꞌƊeje, sisəy gə Bɔy tɔr ndu-e dɔ si gə; ingaje ɓeko̰ gə to nenduba gə Luba gɔl ləw baa, un kud-e lo kunda dɔ nangə gə.

Matiye 28:20

ɗaa ndo-jeje ar-je ɗa neje tɔ̰y gə m-un ndu-m kəne m-ar-si le. Oje m-ga̰ gə si naa gə gə ndɔje tɔ̰y saar ndɔ gə nangə nee a kunda ne ngang-ɛ.

Matiye 6:13

ꞌTa-si ji Njekṵra̰y gə, ɓo iya̰ si ar j-oso dan nekərə gə ang. Mba ꞌi ja ɓa ɓeko̰, gə singamongə gə rɔnduba, To kar-i gə ɓal-ɓal, saar gə no. Oyo!

Jean 1:18

Dəw kara gə o Luba gə kəm-e le godo; ngaa, Ngon kara gə to Luba gə ga̰ naa gə kara baa gə bɔ-ɛje ɓa ɗe riba dɔ-ɛ ar-si ja gər-e.

Jean 5:44

Sisəy gə ilaje riɓar dɔ naa gə gə yo gə nee ngaɓa ꞌsangəje riɓar gə ḭ rɔ Luba gə ja gə kar-ɛ baa ang nee le, na ban ɓa a taje kagə-m wa?

Romaindjé 1:20

Mba neje gə ɔji dɔ Luba gə kəm dəw o ang, singamongə lə-a gə to saar gə no ngaɓa lo kunda rɔ lə-a le, un kud-e lo kunda dara gə nangə gə ja, n-tɔji gə ɗaga ɗang-ɗang kəm dəwje gə, gə go neɗa-ɛje, ɗaa ɗəw gə tar a kuwa ne dɔ-je ang godo.

Romaindjé 1:23

ngaɓa d-uwa ndaji neje gə tɔji dəw gə a kuy, ꞌtaje ne toro rɔnduba lə Luba gə njekuy ang, əlje, daje gə gɔl-je sɔɔ sɔɔ ngaɓa daje gə d-agə nangə.

Romaindjé 11:36

Ne tɔ̰y ḭ mə ji-a gə, ne tɔ̰y ɗe ɗəw gə lə-a ngaɓa to mb-ɛ ꞌne ja! Rɔnduba to k-ɛ ja gə ɓal-ɓal. Oyo!

Romaindjé 16:27

May kar rɔnduba to kar Luba gə nje kəm karə gə kar-ɛ baa ja gə ɓal-ɓal ɗəw gə lə Jeju Kirisi! Oyo!

Romaindjé 2:10

Ngaa rɔɓila, ɗɔy gə ɗɛgɛgɛ a to mba dəw gə ɗa-ɗa gə ɗa ne gə may, mba Jiibi ja dɔngɔr ngaɓa mba Dəw gə to Jiibi ang ɓi!

Romaindjé 2:7

n-a kar təbə gə gə ndɔ gə ndɔ nje gə d-uwa gədərə ɗəw ɗa may gə, ꞌsangə ne rɔɓila, ɗɔy ngaɓa ne gə a ndum ang;

Colossiendjé 1:15

N-to ndaji Luba gə kəm dəw o-e ang, ngaɓa n-to dər nekundaje tɔ̰y.

Ebərəje 11:27

Gə go takagə ɓa Moyiji ɓəəl ne wungu lə mbay ang, n-ɔdə ne Ejipətə; mba n-uwa ngəng, to to gə n-o ne gə kəm dəw o ang be.

Ebərəje 2:7

ꞌI ar-ɛ n-oso kul no anjije gə kur-e əw ɓəəl baa be, Ula rɔnduba dɔ-ɛ gə ngaɓa ꞌɗɔy-ɛ,

1 Piyɛr 5:11

Singamongə to k-ɛ ja gə ɓal-ɓal! Oyo!

2 Piyɛr 3:18

ngaa may kar-si ꞌtɔgəje dɔ mənuji gə gə dɔ gərə Mbayɓe gə Njekaji-si Jeju Kirisi gə gə kede-kede. May kar riɓar to k-ɛ, ɓisine ngaɓa saar-saar gə no! Oyo.

1 Jean 4:12

Dəw gə o Luba ja kara kara godo. To gə ɓo j-a njigi naa gə yo gə nee nama, Luba isi mə-si gə, ngaɓa njigi lə-a kara may ɔr njal mə-si gə tɔ.

Jude 1:25

ꞌne gə Luba gə gə kar-ɛ baa gə n-to njekaji-si ɗəw gə lə Jeju Kirisi, Mbayɓe lə-si, may kar riɓar, gə ri mbay, gə singa ko̰ɓe gə singamongə to k-ɛ lo kuma kudu ne gə, ɓisine ngaɓa gə, gə ndɔ gə ndɔ! Oyo!

Apocalypse 15:3

D-ɔsə pa lə Moyiji, ngon njekula lə Luba nəm ɓa d-osə pa lə Ngon badəm na: Mbayɓe Luba gə Njesingamongə, kula ɗa-i bo ngaɓa to ɓəəl ya̰! Mbay gə njeko̰ dɔ dəwje tɔ̰y, ɗəw lə-i to gadə-gadə ngaɓa to tɔgərɔ!

Apocalypse 17:14

D-a ɗa ɗɔ gə ngon badəm ɗaa, ngon badəm a cɛdə-je ɗɔ, mba n-to Mbayɓe lə mbayɓeje ngaɓa Mbay lə mbayje. Ɗaa nje gə ꞌɓar-je, gə nje gə ꞌmbərə-je ngaɓa gə nje gə ꞌto ngon kuji d-a cɛdə sə-a ɗɔ naa gə kara baa tɔ.

Apocalypse 19:1

Go-e gə ɗaa, m-o ndu ɓar mbi-m gə boy ta naa gə ndu bula dəwje gə mə dara gə na: Aleluyia! Kaji gə rɔnduba gə singamongə to kar Luba lə-sijee,

Apocalypse 19:16

ꞌƊa ri kara kubu gə lə-a ngaɓa dɔ bingi-e gə na: Mbay lə mbayje ngaɓa Mbayɓe lə mbayɓeje.

Apocalypse 19:6

Ɗaa m-o ndu gə ta naa gə ndu bula dəwje gə dig-dig nəm gə kɔr manje gə bo, gə kɔr nji gə ndangə gə mong-e be, pa na: Aleluyia! Mba Mbayɓe, Luba lə-sijee gə njesingamongə, kila ɓeko̰ gə lə-a gə ɗaga ngaa.

Apocalypse 7:12

ꞌpa na: Oyo! Kɔsə gaji, riɓar, kəm karə, ɗa oyo, ɗɔy, singamongə gə tɔgə to kar Luba lə-sijee gə ndɔ gə ndɔ! Oyo.