1 Timoce 1:16 - Mbede Lə Luba Kone Gə Sigi

¹⁶ Ngaa Ye gə be ɓa, Luba ɗa sə-m məmay mba kar ꞌma gə to dəw gə dɔngɔr le, Jeju Kirisi tɔji kore mə ndəng lə-a dɔ-m gə. Ye ɓa a to ne kɔji mar-ɛ kar nje gə d-a ta kag-ɛ mba kinga nee təbə gə gə ndɔ gə ndɔ.

Testament ke Siki 1960 (Kabba Laka)

¹⁶ A mbata tar nèn minga mè madji, mbata deo té lom ke to ndjè né da ke madjang ke dongor, Jésus Christ ase ta tòdjou ke daka mèa ke madji toï ke enge ang, tokou né tòdjou mbata dèdè ke gè té ke da ko mèdè té sa, mbata tébe ke ke ndò ke ndò.

1 Timoce 1:16 ပူးပေါင်းရင်းမြစ်များ

Lugu 15:10

Ɗəw kara baa, m-pa m-ar-si, logə njeneɗa gə kṵra̰y turu kəji lə-a nama, rɔ anjije lə Luba ləl-je.

Lugu 23:43

Jeju ila kəne na: Tɔgərɔ, m-pa m-ar-i, ɓogəne ja a ga̰ sə-m naa gə kara baa mə dara gə.

Lugu 7:47

Gəl-e gə nee ɓa, m-pa m-ar-i, neɗaje gə kṵra̰y lə-a gə bula le Luba ɔr tar-ɛ dɔ-ɛ gə, mba n-tɔji njigi gə to m-e gə. Ngaa to gə ɓo Luba ɔr tar neɗa gə kṵra̰y dɔ dəw gə njɛ̰ baa nama dəbe nee le tɔji njigi gə to m-e gə njɛ̰ baa ja tɔ.

Jean 20:31

Ɗaa, neje gə nee le, ꞌɗa mba kar-si ꞌtaje ne kagə to gə Jeju to Kirisi, Ngon lə Luba, ngaɓa gə ɗəw takagə gə nee tɔ ɗaa ingaje ne təbə gə ri-a tɔ.

Jean 3:36

Dəw gə ta kagə Ngon nama inga təbə gə to gə ndɔ gə ndɔ; dəw gə ta kagə Ngon ang nama kinga təbə lə-a gə gə ndɔ gə ndɔ a godo, ngaa wungu lə Luba nay dɔ-ɛ gə.

Jean 5:24

Tar gə tɔgərɔ ja, m-pa m-ar-si, dəw gə o tar lə-m ɓa ɓo ta kagə ye gə ula-m nama, inga təbə gə gə ndɔ gə ndɔ; a kaw lo gangə tar gə ang, ngaa ce ta yo gə mba kisi kəm baa.

Jean 6:37

Dəwje tɔ̰y gə Bɔ dəwje um-je ji-m gə le, d-a ɗe rɔ-m gə, ngaɓa dəw gə ɗe rɔ-m gə nama, m-a tɔb-ɛ kila-a ɗaga ang ja saar,

Jean 6:40

Mə njigi lə Bɔy le ja ɓi ɓa nee: kar na-na ɓa o Ngon ngaɓa ta kag-ɛ nama inga təbə gə to gə no, ɗaa ꞌma m-a ndol-e dɔ ɗudu ndɔ gə.

Jean 6:54

Dəw gə usa darɔ-m gə ay məsə-m nama inga təbə gə to gə no, ɗaa ꞌma, m-a ndol-e dɔ ɗudu ndɔ gə.

Koula 13:39

Dəw gə ta kag-ɛ nama tar neɗaje gə kṵra̰y gə torondu Moyiji asə kɔr tar-ɛ dɔ-ɛ gə ang le a kɔr dɔ-ɛ gə.

Romaindjé 15:4

Be ɓa neje gə ꞌɗa mbede gə kede ləw le, ꞌɗa mba tɔji-si ne ne, mba kar ɗəw gə lə kuwa gədərə gə kul-mə gə mbede lə Luba a tɔji-si le, j-a kisi nee gə məkunda.

Romaindjé 6:23

Mba kuga lə neɗa gə kṵra̰y to yo; ngaa nekarə baa lə Luba to təbə gə gə ndɔ gə ndɔ ɗəw gə lə Mbayɓe lə-sijee Kirisi Jeju.

1 Corinthiendjé 7:25

Tar gə ɔji dɔ ngaw baje le, ꞌma m-inga ndu gə Mbayɓe un ar-m ɔji dɔ-ɛ ang; ngaa gə go ɗəw gə Mbayɓe o ne kəmtondoo lə-m, ɓa turu-m ne gə dəw gə gadə-gadə le ɗaa, kəji lə-m ɓa nee.

2 Corinthiendjé 4:1

Gəl-e gə nee ɓa, kula gə Luba um ji-si gə go məmay gə lə-a le, sijee j-ila ne kasə ang.

Ephésiendjé 1:12

mba kar-sijee gə j-unda mə-si dɔ Kirisi gə kede nam le, j-ila ne riɓar dɔ-ɛ ꞌne gə Luba gə.

Ephésiendjé 1:6

mba kila ne riɓar ɔji dɔ njigi gə lə-a gə n-unda ne sijee dan may gə ɗəw gə lə ngon-e gə n-ɓol-e.

Ephésiendjé 2:7

mba kar dɔ ndɔ gə bara nama, tɔji ne gadə mənuji lə-a gə unda kubu ɗəw məmay gə lə-a ɔji dɔ sijee gəl Kirisi Jeju gə.

2 Thessaloniciendjé 1:10

logə n-a ɗe dɔ ndɔ-ɛ əng mba kar ꞌɗɔy-ɛ, ngaɓa njeka-ɛje gə nje ta kag-ɛje d-a ko-e ɗaa lo tar a kigi-je sɛl, sisəy kara a ga̰ horo-je gə tɔ mba ꞌtaje kagə tar naji gə j-ila mbər-e j-ar-si le.

1 Timoce 1:13

dɔ ndɔ gə kede le, ꞌma, m-to njetaji Luba, m-to nje ɗa singa gə njetakagəje ngaɓa m-to nje kula kəm-je ndoo nəm tɔ. Ɗaa Luba ɗa sə-m məmay nəm mba m-ɗa ne dɔ mbə gə baa, gə məkədərə baa ja tɔ.

Ebərəje 7:25

Be ɓa dəwje gə ꞌce gə ɗəw gə rɔ-ɛ gə mba kaw ɓe lə Luba nama n-asə kar d-inga kaji gə gə ndɔ gə ndɔ, mba n-aw kəm baa gə ɓal-ɓal ɗaa n-aw n-dəji Luba taar-taar mba je.

1 Piyɛr 3:20

nje gə ꞌɗa dɔ ngang gə Luba kede ləw, ngaa Luba ila m-e dɔ mar-ɛ gə, dɔ ndɔ gə Nowe ɗa ne to gə boy, ar dəwje njɛɓərɛ baa ja d-al, dəwje ji nay joo gə man uwa-je ang.

2 Piyɛr 3:15

To gə ngon ko̰-si gə m-njig-e ya̰, Pɔl ɗa ne mbede gə go kəm karə gə d-ar-ɛ le, may kar oje kila mə dɔ mar-ɛ gə lə Mbayɓe le gə ɗəw kaji lə-si.

2 Piyɛr 3:9

To ngə̰y ɓa Mbayɓe ngə̰y dɔ tar təl gə lə-a le to to gə nje gə kɛm d-əji ne ang. Ngaa n-ila m-e dɔ mar-ɛ gə ɔji dɔ sisəy ja, mba n-njigi kar dəw kara horo-si gə uba tuji ang, ngaa kar dəwje tɔ̰y ja ꞌturu kəji lə-je.