1 Timoce 1:15 - Mbede Lə Luba Kone Gə Sigi

¹⁵ Tar gə tɔgərɔ gə kəm ta ji joo le ɓa nee: Jeju Kirisi le ɗe dɔ nangə gə nee mba kaji njeneɗaje gə kṵra̰y, ɗaa ꞌma ja m-to dɔngɔr dəw to gə tɔgərɔ.

Testament ke Siki 1960 (Kabba Laka)

¹⁵ Tar nèn to tar ke tokoro ke ase kare dooudjé wo toï, Christ Jésus dé nange nèn mbata kadji ndjè né da ke madjang, ke horodè té mam nto ndjè né da ke madjang ke dongor.

1 Timoce 1:15 ပူးပေါင်းရင်းမြစ်များ

Matiye 1:21

N-a kuji ngon gə jingaw ɗaa, a kunda ri-a na Jeju mba ꞌne ja ɓa n-a kaji dəwje lə-a dɔ neɗa gə kṵra̰y gə.

Matiye 18:10

Oje gə maj-ɛ, əwje rɔ-si dabəje ngon kara dasəra horo nje gə d-o-je gə ne ang gə mba m-pa m-ar-si to gə, anjije lə-je gə dara d-a lo gə kəm Bɔy gə isi mə dara jaga ja.

Matiye 18:11

Mba ꞌma gə Ngon lə dəw m-ɗe mba kaji nje gə d-igi.

Matiye 20:28

Be ɓa ꞌma gə Ngon lə dəw m-ɗe mba kar ꞌɗa kula d-ar-m ang, ngaa mba to ngon njekula, gə kun təbə lə-m gə nekuga dɔ dəwje bula.

Matiye 9:13

Aw-je aw sangəje mə tar gə na: Ko kəmtondoo ɓa m-njigi ɓo nepolo ang mba m-ɗe mba ɓar dəwje gə d-o rɔ-je gə dəwje gə gadə-gadə ang, ngaa m-ɗe mba njeneɗaje gə kṵra̰y.

Marəke 2:17

Logə tar-ɛ oso mbi Jeju gə ɗaa, pa ar-je na: Dəwje gə rɔ-je to gə maj-ɛ le ꞌsangə dɔgətoro ang, ngaa njerɔtoje ɓa. M-ɗe mba ɓar dəwje gə gadə-gadə ang, ngaa mba njeneɗaje gə kṵra̰y.

Lugu 15:2

Parijiyɛ̰je gə njekɔr gəl toronduje ꞌyṵrṵ tar horo naa ngaɓa ꞌpa na: Dəw gə nee le uwa njeneɗaje gə kṵra̰y gə rɔ-ɛ gə, ngaɓa usa gə je ne nəm səmə!

Lugu 19:10

Mba ꞌma gə Ngon lə dəw m-ɗe mba sangə gə kaji nje gə d-igi.

Lugu 5:32

M-ɗe mba ɓar dəwje gə gadə-gadə ang, ngaa m-ɗe mba ɓar dəwje gə njeneɗaje gə kṵra̰y kar ꞌturu kəji lə-je.

Jean 1:12

Ngaa dəwje tɔ̰y gə d-uwa-a gə rɔ-je gə ngaɓa nje gə ꞌta kagə gə ri-a ɗaa, n-ar-je singamongə ar ꞌtəl ꞌto ne gə nganje lə Luba.

Jean 1:29

Lokar-ɛ ɗaa, Ja̰ o Jeju aw ɗe gə ɓə lə-a ɗaa, pa na: Oje Ngon badəm lə Luba gə a kɔr neɗa gə kṵra̰y lə dəwje gə dɔ nangə gə nee.

Jean 12:47

To gə ɓo dəw gə o tar lə-m ɓa ngom ang nama, ꞌma m-gangə tar dɔ-ɛ gə ang, mba m-ɗe mba gangə tar dɔ dəwje gə dɔ nangə gə nee ang baa, ngaa m-ɗe mba kaji dəwje gə dɔ nangə gə nee.

Jean 3:36

Dəw gə ta kagə Ngon nama inga təbə gə to gə ndɔ gə ndɔ; dəw gə ta kagə Ngon ang nama kinga təbə lə-a gə gə ndɔ gə ndɔ a godo, ngaa wungu lə Luba nay dɔ-ɛ gə.

Koula 11:1

Njeka̰ykulaje gə ngan ko̰ naaje gə d-isi Jude d-o tar-ɛ to gə dəwje gə ꞌgərə Luba ang kara ta tar lə Luba tɔ.

Koula 11:18

Logə d-o-je tar le to gə be ɗaa məko̰ lə-jə unda nangə bɛm ar d-ɔsə gaji Luba na: Be ɓa dəwje gə ꞌgərə Luba ang kara Luba ar-je ɗəw mbəl kəji mba kar d-inga ne təbə tɔ.

Koula 3:26

Luba ɔr ngon njekula lə-a ula ɓe lə-sisəy ja dɔngɔr, mba kar n-tɔr ndu dɔ si gə, gə mba kar na-na kara mbadə ne go neɗaje gə kṵra̰y lə-a.

Romaindjé 11:14

mba kar ɗəw to nama nje gə horo gəl kuji-m gə d-ḭ ꞌnər mə ngaɓa gə mba kaji ne nje gə kara-kara horo-je gə.

Romaindjé 5:6

Mba, logə sijee j-a to nje tɔgə godoje ɓi ja, dɔ kar asə ɗaa Kirisi uy mba nje ɓəəl Luba angje.

1 Corinthiendjé 15:9

mba ꞌma gə m-to dəw gə njɛ̰ baa horo njeka̰ykulaje gə; m-asə kar ꞌɓar-m njeka̰ykula ang, mba m-ula kəm Mbo̰ naa lə njetakagəje lə Luba ndoo.

Ephésiendjé 3:8

ꞌMa gə m-to gə dəw gə m-to gə ne ang baa horo njerɔsangəje gə le, d-ar-m m-inga mənuji gə nee le m-ila ne mbərə nebaw lə Kirisi gə gar-ɛ godo, m-ar nje gə ꞌto gə Jiibije ang,

1 Timoce 1:13

dɔ ndɔ gə kede le, ꞌma, m-to njetaji Luba, m-to nje ɗa singa gə njetakagəje ngaɓa m-to nje kula kəm-je ndoo nəm tɔ. Ɗaa Luba ɗa sə-m məmay nəm mba m-ɗa ne dɔ mbə gə baa, gə məkədərə baa ja tɔ.

1 Timoce 1:19

kar uwa nee takagə ji joo ngaɓa aw nee gə kəji gə gə maj-ɛ. Kəji gə nee le ɓa nje gə kɛm ꞌtusu d-iya̰, ɗaa d-oso ɗəw takagə gə lə-je to gə to gə njuyi man be.

1 Timoce 3:1

Oje tar gə tɔgərɔ le ɓa nee, to gə dəw gɔl m-e gə mba kun dɔ kula nama, nj-ɛ njigi kula gə may.

1 Timoce 4:9

Tar nee le to tar gə tɔgərɔ ja ɗaa may ta kum mə dɔ gə:

1 Timoce 6:13

ꞌMa, m-un ndu-m m-ar-i no Luba gə to nje kar neje tɔ̰y, təbə ngaɓa no Jeju Kirisi gə pa tar naji lə-a no Po̰s Pilad gə,

2 Timoce 2:11

Tar gə tɔgərɔ gə kəm ta ne kagə ɓa nee: To gə ɓo j-uyje gə Jeju Kirisi nama J-a kisije sə-a kəm baa tɔ

Tite 3:8

Tar gə m-pa nee le to tar gə tɔgərɔ, ɗaa may kar ore kəm-i kəne ndəng mba ndəji ne nje gə d-unda mə-je dɔ Luba gə mba kar ꞌɗa ne kulaje gə may gə kede-kede. Ye ɓa to ne gə may gə to kəm kar njetakagə ꞌɗa!

Ebərəje 7:25

Be ɓa dəwje gə ꞌce gə ɗəw gə rɔ-ɛ gə mba kaw ɓe lə Luba nama n-asə kar d-inga kaji gə gə ndɔ gə ndɔ, mba n-aw kəm baa gə ɓal-ɓal ɗaa n-aw n-dəji Luba taar-taar mba je.

1 Jean 3:5

Cibi sisəy ꞌgərəje som, dəw gə ɗe tɔji rɔ-ɛ gə ɗaga mba kɔr ne tar neɗa gə kṵra̰y lə dəwje le, neɗa gə kṵra̰y ɔr rɔ-ɛ ang.

1 Jean 3:8

Dəw gə nje ɗa neɗa gə kṵra̰y le to nje kar ꞌSɛ̰ngərɛ̰, mba ꞌSɛ̰ngərɛ̰ ɗa neɗa gə kṵra̰y ləw baa lo kuma kudu neje gə, Ngon lə Luba ɗe mba tuji kula ɗa lə ꞌSɛ̰ngərɛ̰.

1 Jean 5:11

Ɗaa oje tar naji nee le ɓa nee: Luba ar-si təbə gə ndɔ gə ndɔ, təbə nee le ḭ rɔ Ngon-e gə.

Apocalypse 21:5

Ye gə isi dɔ ngəndəng mbay gə le pa na: A o, m-ɗa neje tɔ̰y to gə sigi. Cibi n-pa na: ꞌƊa mbede gə, mba tarje gə nee le, to gə tarje gə gadə gə tɔgərɔ.

Apocalypse 22:6

Anji n-pa n-ar-m na: Tarje gə nee le to gə tarje gə gadə ngaɓa tɔgərɔ nəm tɔ; Mbayɓe, Luba gə ar njil lə-a pajambərəje le, ula anji lə-a mba kar tɔji ngan njekulaje lə-a ne gə a ɗe ɓisine baa.

Apocalypse 5:9

D-ɔsə pa gə sigi kara ꞌpa na: ꞌI asə mba ta mbede le nəm, gə mba kɔr t-ɛ gə rɛ̰ gə bəngə ji-je gə to kəne nəm tɔ, mba d-unja gɔb-i gə ne məsə, ɗaa məs-i ɓa ꞌi uga ne dɔ gəl kuji tɔ̰y, ndo̰ tar tɔ̰y, dəw mə ɓeje tɔ̰y gə gəl kuji dəwje ar Luba.