1 Timoce 1:12 - Mbede Lə Luba Kone Gə Sigi

¹² M-ar oyo Kirisi Jeju, Mbayɓe lə-si gə ar-m singa ngaɓa tura-m gə dəw gə gadə-gadə ɓa ɓar-m mə kula gə lə-a,

Testament ke Siki 1960 (Kabba Laka)

¹² Mam nda woio nè ke narem singa mbata yèn, Christ Jésus Mbaibé lodjè, mbata nè nom to doou ke mèa ndaa kaï, mbata nè mmarem koula té la.

1 Timoce 1:12 ပူးပေါင်းရင်းမြစ်များ

Matiye 20:4

be ɓa n-təl pa n-ar-je na: Sisəy kara awje ndɔ bḭyə̰ gə lə-m aw ɗaje kula nama, m-a kuga dɔ ji-si gə dɔ gɔl-ɛ ja.

Jean 5:23

Mba kar dəwje tɔ̰y ja d-ila ne kɔji dɔ Ngon gə to to gə d-ila ne kɔji dɔ Bɔ gə be tɔ. Dəw gə ila kuji dɔ Ngon gə ang nama ila kuji dɔ Bɔ-ɛje gə ula-a le ang tɔ.

Koula 16:15

Logə ꞌɗ-ɛ batɛm gə njeməkəyje lə-a ɗaa n-ɗa-si kɔgərɔ na: To gə ɓo o-mje gə njetakagə Mbayɓe to gə tɔgərɔ nama ꞌɗe andəje kəy lə-m isije kəne. Ɗaa n-ɗa n-ar j-a njigi go-e.

Koula 9:15

Ngaa Mbayɓe təl pa ar-ɛ na: Aw, mba dəw nee le ꞌma ja m-mbər-e gə neɗa kula lə-m, mba kar n-un ri-m n-aw ne no dəwje gə ꞌgərə Luba ang gə, gə no mbayje gə, ɓa no ngan Ijirayɛlje gə;

Koula 9:22

Ngaa Sɔl inga singa gə kede-kede m-e gə ngaɓa logə tɔji to gə Jeju to Kirisi ɗaa lo tar igi Jiibije gə ɗa ɓe Damasə le sɛl.

1 Corinthiendjé 15:10

Ngaa gə go mənuji lə Luba ɓa m-to ne ne gə m-to ɓogəne, ngaɓa mənuji gə m-inga le to ne gə baa ang, m-ɗa kula m-unda-je tɔ̰y, gə go singa-m ꞌma ang ngaa gə go mənuji gə Luba ɓa nay sə-m.

1 Corinthiendjé 3:5

Apolos ɓa to gə ɗi wa? Pɔl ɓa to gə ɗi wa? ꞌTo gə njekulaje gə ɗəw gə lə-je ɓa ꞌta-je ne kagə, gə go ɗəw gə Mbayɓe ar-je ne ne kara kara.

1 Corinthiendjé 7:25

Tar gə ɔji dɔ ngaw baje le, ꞌma m-inga ndu gə Mbayɓe un ar-m ɔji dɔ-ɛ ang; ngaa gə go ɗəw gə Mbayɓe o ne kəmtondoo lə-m, ɓa turu-m ne gə dəw gə gadə-gadə le ɗaa, kəji lə-m ɓa nee.

2 Corinthiendjé 4:1

Gəl-e gə nee ɓa, kula gə Luba um ji-si gə go məmay gə lə-a le, sijee j-ila ne kasə ang.

Galatedjé 3:26

ꞌToje nganje lə Luba ja tɔ̰y mba ꞌtaje kagə Kirisi Jeju,

Galatedjé 3:28

Jiibi ang nəm Gərɛk ang nəm, ɓərə ang nəm, ngon kuji ang nəm, jingaw ang nəm jene ang nəm, mba sisəy tɔ̰y ꞌtoje dəwje gə kara baa gəl Kirisi Jeju.

Philippiendjé 2:11

ngaɓa ndo̰ tar gə ɗa-ɗa kara a pa gə taar ɓolong to gə Jeju Kirisi to Mbayɓe, mba kila ne riɓar dɔ Luba gə Bɔ gə.

Philippiendjé 4:13

M-asə kar dan neje gə tɔ̰y ɗəw gə lə nje kar-m singa.

Colossiendjé 1:25

Mbo̰ naa le njetakagəje nee le ja m-təl m-to njekula kəne. Luba um kula ji-m gə mba kar m-ila mbərə tar lə-a gə n-pa n-ar-si.

1 Timoce 1:1

ꞌMa, Pɔl gə Kirisi Jeju ɗa-m gə njeka̰ykula lə-a, gə go ndu lə Luba Njekaji-si je gə Kirisi Jeju gə to ne kunda mə dɔ gə lə-si,

1 Timoce 1:11

Nendo nee le to Tar gə May kar riɓar lə Luba, gə kɔsə gaji to dɔ-ɛ gə, Luba um ji-m gə to gə tɔgərɔ.

1 Timoce 1:2

ɓa m-ɗa mbede nee m-ar-i, Timoce, ꞌi gə m-o-i to gə ngon njigi lə-m gə tɔgərɔ gə ɗəw takagə gə. M-dəji Luba gə Bɔ je gə Kirisi Jeju gə to Mbayɓe lə-si mba kar d-ar-i mənuji, ꞌɗa sə-i məmay ngaɓa d-ar-i ɗɛgɛgɛ tɔ.

1 Timoce 6:13

ꞌMa, m-un ndu-m m-ar-i no Luba gə to nje kar neje tɔ̰y, təbə ngaɓa no Jeju Kirisi gə pa tar naji lə-a no Po̰s Pilad gə,

2 Timoce 2:2

Ngaɓa ne gə o ta-m gə nje tar naj-ɛje bula le, um mə ji dəwje gə gadə-gadə gə, d-a kasə mba tɔji nje gə kɛm tɔ.

2 Timoce 4:17

Ngaa Mbayɓe ja to dər gəl-m ngaɓa ar-m singa m-pa ne tar lə-a m-ar gəl kuji dəwje gə ꞌgərə Luba ang d-o mba kar aw ne lo-e gə. Mbɔr dɔ singamongə lə Luba ɓa m-ce ne ta tobḭ gə.

Tite 1:4

Titə, ngon mə-m gə ɗəw takagə le-si naa gə kara baa: may kar Luba gə Bɔ je gə Jeju Kirisi gə njekaji-si d-ar-i mənuji gə ɗɛgɛgɛ.

Pilimo 1:9

m-njigi koso kul no-i gə ri njigi, m-dəji ne kara. ꞌMa Pɔl, gə m-tɔgə ngaɓa mə kar gə ne ɗaa m-to kəy kula gə lə Kirisi Jeju,