1 Thessaloniciendjé 4:3 - Mbede Lə Luba Kone Gə Sigi

³ Ne gə Luba njigi le, to sangə rɔ lə-si, kar ɔsəje kaya ngərəng,

Testament ke Siki 1960 (Kabba Laka)

³ Mbata yèn to né ke Allah ndiki, ta karesè téh daka mbata Allah ke ta mbeté to loou to madjang.

1 Thessaloniciendjé 4:3 ပူးပေါင်းရင်းမြစ်များ

Matiye 12:50

Mba, dəw gə ɗa-ɗa gə ɗa mə njigi lə Bɔ-mje gə isi mə dara gə nama, nj-ɛ nee ɓa to ngon ko̰-m, ko̰ nan-m gə ko̰-mje.

Matiye 15:19

Mba mə dəw ja ɓa kəjije gə kṵra̰y, tɔl dəw, ɓogo lo to, kaya, ɓogo, gangə tar kunda ta dəw gə, taji Luba ḭ kəne.

Matiye 5:32

Ngaa ꞌma, m-pa m-ar-si to gə: Na-na ɓa tɔbə jene lə-a, ɔji dɔ kila kuji ang ja baa nama ɔs-ɛ ila-a ɓogo lo to gə; ngaɓa dəb-e nee le təl ta jene gə ɗangə nama ɓogo lo to.

Matiye 7:21

Dəw gə pa t-ɛ gə na: Mbayɓe, Mbayɓe baa ɓa a kandə ne mə ɓeko̰ gə dara ang, ngaa dəw gə ɗa mə njigi lə Bɔy gə isi mə dara gə ja ɓa a kandə ɓeko̰ gə lə-a.

Marəke 3:35

Dəw gə ɗa-ɗa gə ɗa mə njigi lə Luba ɗaa, nj-ɛ əng le ɓa to ngon ko̰-m, ko̰ nan-m gə ko̰-mje.

Jean 4:34

Jeju pa ar-je na: Nekusa ta-m to gə ɗa mə njigi lə dəw gə njekula-m, ngaɓa ɗa kula lə-a tɔl t-ɛ bɛm nəm tɔ.

Jean 7:17

To gə ɓo dəw njigi mba ɗa mə njigi lə Luba nama, a gərə to gə netɔji gə nee le ḭ rɔ Luba gə ose, to ꞌma ɓa m-pa tar gə dɔ rɔ-m wa?

Koula 15:20

Ngaa kəm ɗa mbede ndəji-je ne kar d-a rɔ-je dɔ neje gə uwa yoro gə: magəje, gə kaya, gə daje gə ꞌmundu-je ꞌtɔl-je gə kusa məsə.

Koula 15:29

Da gə ꞌtɔl-ɛ ꞌpolo ne magəje, kusa məsə, daje gə ꞌmundu-je ꞌtɔl-je ngaɓa kaya. May kar aje rɔ-si gə maj-ɛ dɔ neje gə nee le. Isije gə maj-ɛ.

Koula 20:32

Ngaɓa ɓogəne m-iya̰ si mə ji Luba gə, gə tar mənuji gə lə-a, gə a kar-si singa kar tɔgə dɔ takagə gə ngaɓa gə go tar lə-a ja na kar-si ne neduba horo dəwje tɔ̰y gə ꞌto gə losang-ɛ.

Koula 26:18

mba kar-i ꞌcɛ̰ kəm-je ar-je d-uba londul d-ḭya̰ ꞌturu kəm-je gə lokarə gə ngaɓa kar ꞌce lo gə ꞌSu o̰ ɓe kəne ɓo ꞌɗəm gə rɔ Luba gə, ɓo d-ar tar neɗa gə kṵra̰y ɔr dɔ-je gə, ngaɓa d-inga nenduba naa gə gə nje gə to gə losang-ɛ ɗəw ta kagə-m gə.

Romaindjé 1:29

neɗaje gə dɔ buguru dang-dang ja ɗusu mə-je njḭ, məndul, ɓo lar, ɗa məyɛr, mal neje ɗusu mə-je, tɔl naa, tɔsə tar, kərə naa, məngo̰y; tuji riɓar lə naa,

Romaindjé 12:2

May kar-si ꞌndajije pa neɗa lə dəwje gə d-aw ɗa dɔ nangə nee ɓisine ang ngaa ḭya̰je rɔ-si yag arje kəji negərə lə-si turu to gə sigi, mba kar-si ꞌgərəje ne mə njigi lə Luba, ne gə may, gə ta kəm-e ngaɓa may pɛdə.

Romaindjé 6:22

Ngaa ɓisine, d-ɔr-si ji neɗa gə kṵra̰y gə ɗaa ꞌtoje ɓərəje lə Luba, kula ɗa sisəy ce gə sangə rɔ ngaɓa a ce dɔ təbə gə gə ndɔ gə ndɔ gə.

1 Corinthiendjé 1:30

Ngaa to gə ꞌne ja ɓa n-um ne sisəy ne naa gə gə Kirisi Jeju, gə to kəm karə lə-sijee gə ḭ rɔ Luba gə, ngaɓa Kirisi təl-si gə dəwje gə gadə-gadə, unda-si gə losang-ɛ ngaɓa ɔr ne tar neɗa gə kṵra̰y dɔ-si gə.

1 Corinthiendjé 7:2

Ngaa mba kar dəw ḭ oso ne dan kaya gə ang le ɗaa, may kar jingaw gə ɗa-ɗa kara ta jene lə-a ngaɓa jene gə ɗa-ɗa kara ta ngab-ɛje.

2 Corinthiendjé 12:21

M-ɓəəl mba logə m-a ce ɓə lə-si nama Luba a kḭ kila rɔ kul dɔ-m gə mba sisəy, kar man no a ndogo-m ɔji dəwje bula gə kede ꞌto nje gə ɗa neɗaje gə kṵra̰y, ɗaa ꞌturu kəji lə-je dɔ ne gə mina gə ang nəm, gə dɔ kaya gə ang nəm ngaɓa dɔ to bula njagəda gə ang nəm tɔ.

Galatedjé 5:19

Neje gə darɔ njigi le to ɗaga ɗang-ɗang. Neje le ɓa nee: Kaya, wə̰rə̰ neɗa gə kṵra̰y, bula jagəda,

Ephésiendjé 5:17

Be ɓa, ꞌnjaje dɔ mbə gə baa ang, ngaa ꞌgərəje se ɗi ɓa to gə mə njigi lə Mbayɓe wa?

Ephésiendjé 6:6

ɓo ꞌɗaje gə mba ta kəm-je baa ang, ngaɓa to gə gə mba may ne ta kəm dəwje gə, ngaa asə naa gə ngan lokisije lə Kirisi, gə ꞌɗa mə njigi lə Luba gə dɔ ɓəngərə-je tɔ̰y ja.

Colossiendjé 1:9

Gəl-e gə nee ɓa sijee kara, un kud-e dɔ ndɔ gə j-o ne tar-ɛ ja, j-a dəji Luba ngɔɔgɔ-ngɔɔgɔ mba sisəy ngaɓa j-a dəji-e mba kar n-ar gərə mə njigi lə-a ɗusu mə-si, gə kəm karə gə negərə tɔ̰y gə ɗəw Njil gə,

Colossiendjé 3:5

Ar-je ɓo neje gə nangə nee uy mə-si gə: ɗa kaya, wə̰rə̰ kaya, ɓo neje gə uwa darɔ ɓərə, ɓo neje gə kṵra̰y ngaɓa ɓo lar gə to polo magəje.

Colossiendjé 4:12

Epapəras gə to nje baa ɓe lə-si kara na m-o-si m-ar ꞌne tɔ. N-to njekula lə Kirisi Jeju, n-ɗa ɗɔ mba tar lə-si ngɔɔgɔ-ngɔɔgɔ ɗəw dəji gə, mba kar uwaje ne gədərə ꞌmayje ne pɛdə ꞌɗaje ne ne gə mə Luba njigi ja tɔ̰y.

1 Thessaloniciendjé 4:2

Be ɓa nduje gə j-un j-ar-si ɗəw gə lə Mbayɓe Jeju le, sisəy ꞌgərəje.

1 Thessaloniciendjé 4:4

kar na-na kara gərə sangə rɔ-ɛ ngaɓa ila kuji dɔ darɔ-ɛ gə,

1 Thessaloniciendjé 5:18

Dan neje gə tɔ̰y le, ꞌɗaje oyo; mba to gə mə njigi lə Luba gə ɔji dɔ-si ɗəw gə lə Kirisi Jeju.

1 Thessaloniciendjé 5:23

May kar Luba gə nje gəl ɗɛgɛgɛ gə darɔ-ɛ ja unda-si gə losang-ɛ, may kar lo kunda rɔ lə-si tɔ̰y, gə njil-si, kəm gə darɔ le ꞌto gə lo-e mɔgɔgɔ kar tar uwa ne dɔ-je ndɔ ɗe gə lə Mbayɓe lə-si Jeju Kirisi ang!

2 Thessaloniciendjé 2:13

Sijee le ɗaa, may kar j-ar oyo Luba gə dɔ karje tɔ̰y ɔji dɔ sisəy, ngan ko̰-sijee gə Mbayɓe njigi-si. Mba Luba mbərə-si lo kun kudu neje gə ləw baa mba kar-si ingaje kaji gə go ɗəw Njil unda-si gə losang-ɛ nəm gə go takagə tar gə tɔgərɔ.

Tite 2:14

Kirisi ja un rɔ-ɛ uga ne dɔ-si, ɓa ɔr ne si dan neɗa gə kṵra̰y gə. N-ɗa to gə be mba mbo̰ ne si gə dəwje lə-a gə n-mbərə-je n-togo-je ngaɓa mba kar ɓo ɗa kulaje gə may-may to ne mə-si gə.

Ebərəje 10:36

Ne gə kəm kar-si ꞌɗaje ja to kuwa gədərə, mba logə ꞌɗaje mə njigi lə Luba nam ɗaa a kingaje ne gə d-uwa dɔ gɔl-ɛ mba-si ja.

Ebərəje 12:16

Oje gə maj-ɛ mba kar dəw kara ja kara aw gə bula njagəda ang nəm, gə dəw gə njedabə ne lə Luba dasəra to to gə Esaw be ang, mba n-to ngon dəər ngaa n-uwa mbəl ne nekusa.

Ebərəje 13:21

may kar n-ar-si singa ɗa ne tɔ̰y gə may mba ɗa ne mə njigi lə-a; may kar n-ɗa ne gə ləl-e mə-si gə ɗəw gə lə Jeju Kirisi, gə rɔnduba to k-ɛ gə ɓalje ɓalje! Oyo!

Ebərəje 13:4

May kar-sisəy tɔ̰y ja ꞌɗɔyje ta naa, ngaɓa ɔsəje ɓogo lo to ngərəng. Mba Luba a gangə tar dɔ bula jagədaje gə gə dɔ nje ɓogo lo toje gə.

1 Piyɛr 1:2

Luba mbərə-si kede nam, ɗəw gə Njil unda-si ne gə losang-ɛ mba kar ila-je ne kuji dɔ Jeju Kirisi gə ɓo kar ꞌtusu ne məs-e dɔ-si gə, ɗaa may kar mənuji gə ɗɛgɛgɛ ɔsə kudu naa ngug-ngug dɔ-si gə.

1 Piyɛr 4:2

mba kar ɓo neje gə darɔ gə d-ɔ̰ dɔ-ɛ ang ngaa, ngaa kar ndɔ kisi kəm baa lə-a nay ɓi nama mə njigi lə Luba ɓa n-ɗa.

1 Jean 2:17

Ɗaa neje gə dɔ nangə nee a nday gə ɓo-e tɔ̰y; ngaa dəw gə nje ɗa mə njigi lə Luba a kisi kəm baa gə ndɔ gə ndɔ.

Apocalypse 21:8

Ngaa njeɓəəlje, nje məkədərəje, dəwje gə ngabula, nje tɔl dəwje, jərje, njembɛ̰je, nje polo magəje, gə nje tar gə ɗəgərəje tɔ̰y le, kar-je to dang pər gə o̰ bilim-bilim, gə dan sori gə: ye gə ne le to gə yo gə njekum gə joo.

Apocalypse 22:15

Bisije, njembɛ̰je, njekayaje, nje tɔl dəwje, nje polo magəje ngaɓa na-na ɓa gə njigi tar gə ɗəgərə ngaɓa to gə nje p-ɛ le, d-a tɔbə-je kum-je ɗaga.