1 Thessaloniciendjé 3:2 - Mbede Lə Luba Kone Gə Sigi

² ɗaa j-ula ngon ko̰-si Timoce gə to nje baa kula lə Luba ɗəw Tar gə May gə lə Kirisi, mba kar n-aw n-ar-si singa ngaɓa n-ula jingaw mə-si gə n-ar ɔsə kudu takagə lə-si,

Testament ke Siki 1960 (Kabba Laka)

² Ke djèdjè djoula Timothée, ngoködjè ke ngonlokisi lo Allah mè tar té ke madji lo Christ, ta ngengsè ke ko mè té losè, ke ta ndedjisè.

1 Thessaloniciendjé 3:2 ပူးပေါင်းရင်းမြစ်များ

Koula 16:1

Logə n-ce Dɛrəbə ngaɓa Lisətərə, ɗaa ngon njenendo kara ga̰ kəne, ri-a Timoce, ko̰-ɛje to Jiibi gə takagə Kirisi ngaa bɔ-ɛje to gərɛk.

Koula 16:5

Mbo̰ naaje lə njetakagəje uba singa dɔ takagə gə ngaɓa kɔr njetakagəje kara oso dɔ mar-ɛ gə gə ndɔ-ndɔ.

Koula 18:5

Logə Silas je gə Timoce d-ɔdə d-aw ɓeko̰ gə Masedowan ngaa Pɔl ila rɔ-ɛ kula kila mbərə, gə pa tar naji ar Jiibije to gə Jeju ja to Kirisi.

Romaindjé 16:21

Timoce gə to nje baa kula lə-m, na m-o-si m-ar ne, ngaɓa Lusiyus, Jaso̰ je gə Sosipatɛr, gə to njenujije lə-m kara na m-o-si tɔ.

1 Corinthiendjé 3:10

Gə go mənuji lə Luba gə m-inga le ɗaa, m-ɔsə gɔl kəy le to to gə njegusu kunda kəy gə kəm-e arə be, ngaɓa dəw gə ɗangə ɗe unda kəy dɔ-ɛ gə. Ngaa may kar na-na kara pa kunda gə unda ne le o gə maj-ɛ ɓa.

1 Corinthiendjé 4:17

To gə be ɓa m-ula Timoce ɓə lə-si, ꞌne gə to ngon-m gə m-njig-e ya̰ ngaɓa n-to dəw gə dana gadə ɗəw gə lə Mbayɓe le, n-a kole mə-si dɔ pa nja-m gə ɗəw gə lə Kirisi Jeju, to to gə m-tɔji ne gə lo tɔ̰y, lo Mbo̰ naaje lə njetakagəje.

2 Corinthiendjé 1:1

ꞌMa Pɔl, njeka̰ykula lə Jeju Kirisi gə go mə njigi lə Luba, je gə ngon ko̰-si Timoce j-a ɗa mbede nee j-ar Mbo̰ naa lə njetakagəje gə mə ɓe gə Kɔrɛnt, ngaɓa gə njerɔsangəje gə dɔ nangə gə Akayi tɔ̰y nəm tɔ.

2 Corinthiendjé 1:19

Be ɓa, Ngon lə Luba Kirisi Jeju gə ꞌma, gə Silibɛ̰ gə Timoce j-ila mbərə lə-a horo-si gə le to oyo gə ə̰ə̰ə̰ ang baa, ngaa n-to oyo ja kara baa.

2 Corinthiendjé 2:12

Logə m-ce mə ɓe gə Torowas mba kila mbərə Tar gə May lə Kirisi, ɗaa Mbayɓe ɔr ta ɗəw ila tagə ar-m.

2 Corinthiendjé 2:13

Be ɓa, njil-m uwa dɔ-m ang mba m-inga ngon ko̰-m Titə ang ɗaa, m-iya̰-je m-ɔdə m-aw Masedowan.

2 Corinthiendjé 8:23

Be ɓa, Titə le to nje baa lo kaw lə-m nəm ngaɓa to nje baa kula lə-m horo-si gə. Ye gə ɔji dɔ ngan ko̰-sijee ɗaa, ꞌto njeka̰ykulaje lə Mbo̰ naaje lə njetakagəje, gə to riɓar lə Kirisi.

Philippiendjé 1:25

Mə-m to kəne ja ngaɓa m-gərə to gə ga̰ gə m-a ga̰ gə si le, a kɔsə kudu-si kar takagə lə-si aw ne gə kede gə rɔləl.

Colossiendjé 1:1

ꞌMa Pɔl, njeka̰ykula lə Kirisi Jeju gə go mə njigi lə Luba, gə ngon ko̰-si Timoce,

Colossiendjé 1:7

Gə go nendo gə ngon ko̰-si Epapəras, njeba kula ndoo-si, ɗaa ꞌne n-to dəw gə ɗa kula lə Kirisi gə maj-ɛ ja n-ta nee toro sijee,

Colossiendjé 4:12

Epapəras gə to nje baa ɓe lə-si kara na m-o-si m-ar ꞌne tɔ. N-to njekula lə Kirisi Jeju, n-ɗa ɗɔ mba tar lə-si ngɔɔgɔ-ngɔɔgɔ ɗəw dəji gə, mba kar uwaje ne gədərə ꞌmayje ne pɛdə ꞌɗaje ne ne gə mə Luba njigi ja tɔ̰y.

Colossiendjé 4:9

M-ula-a naa gə kara baa gə Onejim, gə to ngon gə ila kuji ngaɓa ngon ko̰-si gə m-njig-e ya̰ ngaɓa n-to nje baa ɓe lə-si. D-a paje tar neje gə aw nday nee tɔ̰y kar-si oje.

1 Thessaloniciendjé 3:13

may kar n-ula jingaw mə-si gə mba kar tar uwa dɔ-si ɔji dɔ sangə rɔ lə-si no gɔl Luba gə ang, dɔ ndɔ gə Mbayɓe lə-si Jeju a ɗe nee gə njerɔsangəje tɔ̰y. Oyo.

1 Thessaloniciendjé 3:5

Gəl-e gə nee ɓa ꞌma ja kara m-ore mə-m pḭḭ ɗaa m-ula Timoce mba kar aw tən-si dɔ takagə lə-si o, mba m-ɓəəl m-pa na kar nje kərə dəwje d-aw d-ərə si ngaɓa kar tuji ne kula gə sijee j-a ɗa le pugudu.

2 Thessaloniciendjé 2:17

ꞌkul mə-si gə d-ila singa dɔ mar-ɛ gə d-ar-si, ꞌɗaje ne ne gə may lo kula ɗa gə lə-si tɔ̰y, gə lo pa tar gə lə-si tɔ̰y tɔ.