1 Thessaloniciendjé 2:9 - Mbede Lə Luba Kone Gə Sigi

⁹ Ngan ko̰-mje, oleje mə-si dɔ rɔ-sijee gə j-ula ndubu ngaɓa gə dɔ kɔrje gə j-ɔr gə, j-a ɗa kula cil gə kar le, ɓa mba to ne nekodo dɔ dəw kara horo-sisəy gə ang ja ɓa j-ila ne mbərə Tar gə May lə Luba j-ar-si.

Testament ke Siki 1960 (Kabba Laka)

⁹ Mbata sésè olidjé mèsè do koula té ke ongou lodjè, ngakömdjé, djèdjè nda koula tilti rem kade rem, baa ta kare djase ta dé to né koto mbata mare kada losè ang, tokou djèdjè djisi ta pa tar ke madji lo Allah karesè.

1 Thessaloniciendjé 2:9 ပူးပေါင်းရင်းမြစ်များ

Lugu 18:7

Ɗaa Luba a pa tar dɔ dəwje gə lə-a gə n-mbərə-je, gə no no gɔl-ɛ gə kar gə cil ang wa? N-a kar-je ꞌngɔb-ɛ wa?

Lugu 2:37

n-isi gə jene nduba saar ɓal dɔg gə ji nay joo gə gir-e gə sɔɔ. Ana le ḭya̰ mə kəy gə lə Luba ang ngaɓa polo Luba cil gə kar, ɗəw tɔl mə ɓo gə gə ɗəw dəji gə tɔ.

Koula 18:3

ꞌJejee kara ꞌto njegusu kuji kəy kubuje to gə Pɔl be tɔ. Be ɓa Pɔl isi gə je ɗaa ꞌɗaje kula kara baa, d-uji-je kəy kubu.

Koula 20:24

Ngaa kara ja kara m-o təbə lə-m gə ne gə to ɓəəl ta kəm gə ang, may kar m-tɔl ta ngɔdə lə-m ngaɓa ta kula gə m-inga ji Mbayɓe Jeju gə, gə to kila mbərə Tar gə May kar mənuji lə Luba.

Koula 20:31

Gəl-e gə nee ɓa may kar-si isije kəm baa, ar-je mə-si ol-e to gə ɓal munda ja, kar-a gə cil, m-əw rɔ-m ang, m-ndəji-si kara gə kara, gə man no kəm gə.

Romaindjé 1:1

Pɔl, ngon njekula lə Kirisi Jeju, gə ꞌɓar-m kar m-to njeka̰ykula ngaɓa d-unda-m gə lo-e ɓədə kar m-ila mbərə Tar gə May lə Luba;

Romaindjé 15:16

ar m-to njekula lə Kirisi Jeju horo dəwje gə ꞌgərə Luba ang gə; kula gə to gə losang-ɛ gə to kila mbərə Tar gə May lə Luba le m-ɗa, mba kar dəwje gə ꞌgərə Luba ang le ꞌto ne nenuji gə Njil Njerɔsangə unda gə losang-ɛ gə may ta kəm Luba gə.

Romaindjé 15:19

ɗəw singamongə netɔjije gə neje dang-dang gə kəm dəw o ndɔ kara ang, ɗəw singamongə Njil, un kud-e Jerujalɛm saar ce ne Iliri ja m-ila mbərə Tar gə May lə Kirisi m-ar ta lo ya̰-ya̰.

1 Corinthiendjé 4:12

J-ula rɔ-si ndubu j-a ɗa kula gə ji-si ja; ꞌtaji-si kara j-a tɔr ndu dɔ-je gə, d-ula kəm-si ndoo kara j-uwa gədərə;

1 Corinthiendjé 9:15

Ngaa ɔji dɔ ꞌma le ɗaa, neje gə ɔji dɔ-m le, m-ta kara ang nəm, ngaɓa m-ɗa mbede nee mba kar-si ar-mje ne neje le ang nəm tɔ. Mba kar m-uy ja ɓa m-njigi! Ne riɓar lə-m nee le dəw a ta ji-m gə ang.

1 Corinthiendjé 9:18

Ɗi ɓa gə nekuga dɔ ji-m wa? To gə mba kar m-ila mbərə Tar gə May le baa ja lal kar m-ta neje gə ɔji dɔ-m gə Tar gə May pa tar-ɛ le.

1 Corinthiendjé 9:4

Ɗəw to ɔji dɔ sijee kar j-usa gə j-ay ang wa?

2 Corinthiendjé 11:27

kula rɔ ndubu gə kɔr, ɓi na kəm-m tasə-tasə, m-isi dan labə gə ngaɓa dan kunda gə; m-tɔl mə-m ɓo taar-taar, m-isi dan kul gə ngaɓa m-aw kudu-m dum.

2 Corinthiendjé 11:9

mba logə m-ga̰ ɓə lə-sisəy le, ndoo neje to-m ja ngaa m-ta ne kara ji dəw gə ang, ngaa ngan ko̰-sijee gə d-ḭ Masedowan ɓa d-ar-m neje gə ndoo-e to-m. Ɔji dɔ neje tɔ̰y le, m-njigi mba to nekodo dɔ sisəy gə ang, ngaɓa m-ɔgə rɔ-m mba to nekodo dɔ si gə ja saar gə no.

2 Corinthiendjé 6:5

dan kunda gə kunda-si, gə to kəy kula gə, dan wungu gə lə bula dəwje, kula rɔ ndubu dan kulaje gə, dan ɓi gə naa kəm tasə-tasə, dan tɔl mə ɓo gə,

Philippiendjé 4:16

Sisəy ja gə kar-si baa ꞌɗaje, mba logə m-isi Tesaloniki ja, ulaje ꞌlaje sə-m taar-taar ja.

1 Thessaloniciendjé 1:3

Kula takagə gə ꞌɗaje, gə rɔ-si gə ulaje ndubu mba njigi ngaɓa kuwa gə uwaje gədərə dɔ kunda mə dɔ Mbayɓe gə lə-si Jeju Kirisi le, mə-sijee ole kəne no-gɔl Bɔ-sijee Luba gə.

1 Thessaloniciendjé 2:2

Ngaa, go ꞌməsərə gə j-o ngaɓa kəm-si gə d-ula ndoo mə ɓe gə Pilipi gə to gə oje ne tar-ɛ le ja kara, Luba ula jingaw mə-sijee gə ar j-ila mbərə Tar gə May lə-a j-ar-sisəy dan nejɔgəje gə bula.

1 Thessaloniciendjé 2:6

J-a sangə riɓar gə ḭ rɔ dəwje gə ang nəm, rɔ sisəy gə ang nəm ngaɓa rɔ nje gə kɛm gə ang nəm tɔ.

1 Thessaloniciendjé 3:10

Cil gə kar ja, j-a ɗa ndoo no-ɛ gə ngɔɔgɔ-ngɔɔgɔ, mba kar n-ar j-a təl j-o kəm-si ngaɓa mba kar j-aw tɔl ta ne gə lal-si ɗəw takagə gə lə-si.

1 Timoce 1:11

Nendo nee le to Tar gə May kar riɓar lə Luba, gə kɔsə gaji to dɔ-ɛ gə, Luba um ji-m gə to gə tɔgərɔ.

1 Timoce 4:10

to gə ɓo ja ɗaje kula gə singa-si cibi ja ɗɔje mba j-unda mə-si dɔ Luba gə nje kisi kəm baa gə nama, ꞌne gə n-to Njekaji dəwje tɔ̰y, ngaa njetakagəje ja ɓa.

1 Timoce 5:5

Ngaa ɓo jene nduba gə to dəw gə isi dɔ-ɛ gə baa ɗaa, unda m-e dɔ Luba gə, ngaɓa ar njang dɔ dəji gə, ɗa ndoo no Luba gə cil gə kar.

2 Timoce 1:3

M-təl gə oyo m-ar Luba gə m-pol-e gə kəji gə arə ngadə to to gə ka-mje gə kede le, ngaɓa logə m-aw m-dəji Luba taar-taar ja nama m-ila ri kəne, cil gə kar;