1 Thessaloniciendjé 2:4 - Mbede Lə Luba Kone Gə Sigi

⁴ ngaa mba Luba na mə-sijee ɗaa o-si gə maj-ɛ ɓa um kula kila mbərə Tar gə May ji-si gə, be ɓa j-a pa tar mba may ne ta kəm dəwje baa ang ngaa mba may ne ta kəm Luba gə nje na mə dəwje.

Testament ke Siki 1960 (Kabba Laka)

⁴ A deo kadaba tokou Allah wodjè ase ta karedjè ngem tar ke madji, tokou ban djèdjè mpa ta kare dooudjé rònèl ang, a ta kare Allah rònèl, nè ke nnaa mèdjè.

1 Thessaloniciendjé 2:4 ပူးပေါင်းရင်းမြစ်များ

Lugu 12:42

Ɗaa Mbayɓe ila kəne na: Na ɓa to njengom ne gə to ngon kuji gə unda kəm karə dɔ rɔ-ɛ gə, ɓa ꞌɓəə-eje um kula ji-a gə, mba kar-ɛ n-ar dəwje gə mə kəy gə nekusa gə dɔ kar-ɛ kar-ɛ wa?

Lugu 16:11

Ngaa to gə ɓo ꞌtoje ngon kuji dɔ nekinga gə dɔ buguru gə dɔ nangə nee ang nama naa ɓa a kum nekinga gə tɔgərɔ mə ji-si gə wa?

Jean 21:17

N-pa n-ar-ɛ gə njekum gə gɔl munda na: Simo, ngon lə Ja̰, ꞌNjigi-m wa? Kəm Piyɛr ɗa ndoo mba pa gə Jeju pa ar-ɛ gə njekum gə gɔl munda na: ꞌNjigi-m wa? Ɗaa n-pa n-ar-ɛ na: Mbayɓe! ꞌI le, ꞌgərə ne tɔ̰y! ꞌI le, ꞌgərə som to gə, ꞌma le, m-njigi-i ja! Jeju pa ar-ɛ na: Uul badəmje lə-m.

Romaindjé 8:27

ngaɓa ꞌne gə nje njenga̰ mə dəwje le n-gərə ne gə Njil njigi dəji, mba Njil le ɗaa dəji Luba mba njerɔsangəje gə go ɗəb-e gə Luba njigi.

1 Corinthiendjé 7:25

Tar gə ɔji dɔ ngaw baje le, ꞌma m-inga ndu gə Mbayɓe un ar-m ɔji dɔ-ɛ ang; ngaa gə go ɗəw gə Mbayɓe o ne kəmtondoo lə-m, ɓa turu-m ne gə dəw gə gadə-gadə le ɗaa, kəji lə-m ɓa nee.

1 Corinthiendjé 9:17

To gə ɓo to kula gə ꞌma ja m-ɗa gə mə njigi lə-m nama kuga-a a ga̰; ngaa ɓo d-uwa-m gə singa nama to kula gə d-um ji-m gə gə kum.

2 Corinthiendjé 2:17

Mba sijee le ja to to gə nje gə kɛm bula gə d-un tar lə Luba gə nekinga ne lə-je baa ne ang; sijee ɗaa, tar gə tɔgərɔ gə ḭ rɔ Luba gə ɓa ja pa, j-ar ne no Luba gə mə Kirisi gə.

2 Corinthiendjé 4:2

Ngaa, neje tɔ̰y gə to lokiya gə ngaɓa to nerɔkul lə-sijee le, j-ɔsə ngərəng, sijee j-a tula pa nja-si naa gə ang ngaɓa ja buguru dɔ tar lə Luba ang tɔ. Ngaa, ja kila dɔ tar gə tɔgərɔ gə ɗaga, ja ɗa ne tar naji lə-sijee kar kəji lə dəwje to ne dɔ sijee gə ngadə no Luba gə.

2 Corinthiendjé 5:11

Gəl-e gə nee ɓa, sijee ja gərə ɗəw kila kuji dɔ Mbayɓe gə ɗaa, ja sangə mba kar dəwje d-aw ne go tar gə tɔgərɔ lə-a. Luba gərə gəl-si gə maj-ɛ, m-unda mə-m to gə sisəy kara ꞌgərəje sijee mə kəji gə lə-si tɔ.

2 Corinthiendjé 5:16

Uma kud-e ɓogəne gə kede əng le, j-a gərə dəw gə ɗəw darɔ gə ang ngaa, to gə ɓo kede ja gərə Kirisi gə ɗəw gə darɔ nama, ɓisine j-a gərə to gə bənəng ang ngaa.

Galatedjé 1:10

Ɗaa ɓisine, se əjije to gə m-aw sangə kar dəwje ɓa d-ila tar kudu-m gə ose Luba wa? Se dəwje ɓa m-sangə mba may ta kəm-je gə wa? Kara be ang! To gə ɓo m-sangə mba may ta kəm dəwje gə nama m-a to ɓərə lə Kirisi ang.

Galatedjé 2:7

Ngaa ꞌjejee d-o to gə Luba ja ɓa um kula kila mbərə Tar gə May horo dəwje gə ꞌgərə Luba ang ji-m gə, to gə n-um ne ji Piyɛr gə ɔji dɔ Jiibije,

Ephésiendjé 3:8

ꞌMa gə m-to gə dəw gə m-to gə ne ang baa horo njerɔsangəje gə le, d-ar-m m-inga mənuji gə nee le m-ila ne mbərə nebaw lə Kirisi gə gar-ɛ godo, m-ar nje gə ꞌto gə Jiibije ang,

Ephésiendjé 6:6

ɓo ꞌɗaje gə mba ta kəm-je baa ang, ngaɓa to gə gə mba may ne ta kəm dəwje gə, ngaa asə naa gə ngan lokisije lə Kirisi, gə ꞌɗa mə njigi lə Luba gə dɔ ɓəngərə-je tɔ̰y ja.

Colossiendjé 3:22

Ngan njekulaje, dan neje gə tɔ̰y le, ilaje kuji dɔ ꞌɓəə-sijee gə gə go ɗəw gə darɔ gə, ɓo ꞌɗaje mba ta kəm-je ang to to gə aw sangəje mba mayje ne ta kəm dəwje gə, ngaa ꞌɗaje gə mə gə may ꞌɓəəlje ne Mbayɓe.

1 Timoce 6:20

ꞋI Timoce, ngom neje tɔ̰y gə d-um ji-i gə, iya̰ go tar gə baa, gə tar gə aw naa gə gə tar lə Luba ang, gə tar ma̰y kar negərə gə baa.

2 Timoce 1:14

Ne gə may le ngom gə go singa Njil Njerɔsangə gə to mə-si gə.

2 Timoce 2:2

Ngaɓa ne gə o ta-m gə nje tar naj-ɛje bula le, um mə ji dəwje gə gadə-gadə gə, d-a kasə mba tɔji nje gə kɛm tɔ.

Tite 1:3

Tar gə Luba gə njekaji-si um ji-m gə le dɔ kar-ɛ asə ɗaa ye ja un ndu-e ar-m mba kar-m m-pa gə ɗaga.

Ebərəje 4:13

Ɓa nekunda kara gə iya rɔ-ɛ ta kəm-e gə godo: Dəw gə ja tura go ne no-ɛ gə le, ne tɔ̰y ja to gadəmagay gə ngaɓa to təgəsə ta kəm-e gə.

1 Piyɛr 4:11

Dəw gə Luba ar-ɛ gusu pa tar nama pa ne tar lə Luba, ɓo gusu ɗa may gə dəwje nama, may kar-ɛ ɗa gə je may gə singa gə Luba ar-ɛ le, mba kar Luba gə njerɔnduba gə njesingamongə gə gə ɓal-ɓal inga ne riɓar ɗəw gə lə Jeju Kirisi. Oyo.

Apocalypse 2:23

Ngan-ɛ le, m-a kar-je d-uy, ɗaa mbo̰ naa lə njetakagəje tɔ̰y d-a gərə to gə ꞌma m-to gə dəw gə nje gərə mə dəwje gə dɔ ɓəngərə-je, ɗa m-a kuga dɔ ji si, na-na nama ɔji dɔ kula ɗ-ɛje.