1 Thessaloniciendjé 2:1 - Mbede Lə Luba Kone Gə Sigi

¹ Ngan ko̰-mje, sisəy ja kara ꞌgərəje to gə kaw gə j-aw ɓə lə-si le toro-e to baa ang.

Testament ke Siki 1960 (Kabba Laka)

¹ Mbata sésè ndja egeridjé, ngakömdjé, ke djèdjè ndé ròsè té ta kosè ba ang.

1 Thessaloniciendjé 2:1 ပူးပေါင်းရင်းမြစ်များ

1 Corinthiendjé 15:10

Ngaa gə go mənuji lə Luba ɓa m-to ne ne gə m-to ɓogəne, ngaɓa mənuji gə m-inga le to ne gə baa ang, m-ɗa kula m-unda-je tɔ̰y, gə go singa-m ꞌma ang ngaa gə go mənuji gə Luba ɓa nay sə-m.

1 Corinthiendjé 15:2

ngaɓa to gə ɓo ꞌngomje gə lo-e gə m-ila ne mbərə m-ar-si ja mɔgɔgɔ nama, mbɔr dɔ-ɛ ɓa ingaje ne kaji, ɓo be ang nama, takagə lə-si tor-e godo.

1 Corinthiendjé 15:58

Be ɓa, ngan ko̰-mje gə m-njigi-si ya̰, uwaje gədərə, ulaje ngira-si nangə, awje gə kede-kede mə kula gə lə Mbayɓe, mba ꞌgərəje to gə kula lə Mbayɓe gə ꞌɗaje le to ne gə baa ang.

2 Corinthiendjé 6:1

Mba sijee ja ɗa kula naa gə kara baa gə Luba, ja ndəji-si mba mənuji lə Luba gə ingaje le, kar oje gə ne gə baa ang.

Galatedjé 2:2

M-aw m-ila ne kɔji dɔ ne gə Luba kila gəl-e ar-m kar m-aw m-ɔr gəl mbərə Tar gə May gə m-ila m-ar dəwje gə to gə Jiibije ang m-ar-je d-o; m-uwa dɔ naa gə bubaje gə lo-e ɓədə, mba kar kula gə m-ɗa le unda nangə baa ang.

Galatedjé 4:11

Njil-im ce mba kulaje tɔ̰y gə m-ɗa horo-si gə le təl to ne gə baa.

Philippiendjé 2:16

uwaje ngəng ɓo ilaje mbərə tar təbə ar-jeje. Ye ɓa a to ne riɓar lə-m ndɔ təl gə lə Kirisi. Mba m-a̰y ngɔdə baa ang nəm ɓa m-jɔgə rɔ-m baa ang nəm tɔ.

1 Thessaloniciendjé 2:13

Gəl-e gə nee ɓa j-a ɗa Luba oyo taar-taar mba tar lə Luba gə j-a pa gə oso mbi-si gə le, oje gə tar gə ta dəwje gə baa ang, ngaa oje gə tar gə tɔgərɔ ja, gə tar lə Luba gə ɗa kula mə-sisəy nje ta kag-eje gə.

1 Thessaloniciendjé 3:5

Gəl-e gə nee ɓa ꞌma ja kara m-ore mə-m pḭḭ ɗaa m-ula Timoce mba kar aw tən-si dɔ takagə lə-si o, mba m-ɓəəl m-pa na kar nje kərə dəwje d-aw d-ərə si ngaɓa kar tuji ne kula gə sijee j-a ɗa le pugudu.

2 Thessaloniciendjé 1:10

logə n-a ɗe dɔ ndɔ-ɛ əng mba kar ꞌɗɔy-ɛ, ngaɓa njeka-ɛje gə nje ta kag-ɛje d-a ko-e ɗaa lo tar a kigi-je sɛl, sisəy kara a ga̰ horo-je gə tɔ mba ꞌtaje kagə tar naji gə j-ila mbər-e j-ar-si le.

2 Thessaloniciendjé 3:1

Ngan ko̰-mje, tar gə j-a pa tɔl ne t-ɛ ɗaa, ꞌdəjije Luba ɔji dɔ-si, mba kar tar lə Mbayɓe ta lo gə ngɔdə baa, ngaɓa d-ila riɓar dɔ-ɛ gə to gə d-ila ne riɓar dɔ-ɛ horo-sisəy gə be tɔ.