1 Thessaloniciendjé 1:3 - Mbede Lə Luba Kone Gə Sigi

³ Kula takagə gə ꞌɗaje, gə rɔ-si gə ulaje ndubu mba njigi ngaɓa kuwa gə uwaje gədərə dɔ kunda mə dɔ Mbayɓe gə lə-si Jeju Kirisi le, mə-sijee ole kəne no-gɔl Bɔ-sijee Luba gə.

Testament ke Siki 1960 (Kabba Laka)

³ Djèdjè djolè mèdjè no Allah Bòdjèdjè té, do koula ko mè té losè, ke koula ndiki losè, ke mè ngebe losè ke yè ang mè Mbaibé té lodjè Jésus Christ.

1 Thessaloniciendjé 1:3 ပူးပေါင်းရင်းမြစ်များ

Jean 14:15

To gə ɓo ꞌnjigi-mje nama a ngomje ndu-mje.

Jean 15:10

To gə ɓo ꞌngom-je ndu-m nama sisəy um-je sə-m naa gə dɔ njigi gə lə-m ɗəw kara to gə ꞌma m-ngom ndu Bɔy le ɗaa m-um ne sə-a naa gə dɔ njigi gə lə-a tɔ.

Koula 10:31

Kɔrənəy, d-o ndu dəji lə-i nəm ngaɓa mə Luba uy dɔ la gə ꞌla gə dəwje ang nəm.

Koula 3:19

Be ɓa ꞌturuje kəji lə-si gə ꞌmbəlje mə-si ɓo ar-je Luba bɔrə ne neɗa gə kṵra̰y lə-si gə kɔrɔ.

Romaindjé 12:12

ꞌƊaje rɔləl dɔ kunda mə gə lə-si. Uwaje gədərə dan nekəm ndooje gə. Uwaje dəji Luba gədərə.

Romaindjé 15:13

May kar Luba gə to gəl məkunda, ar rɔləl gə ɔr njal ɗusu mə-si ngaɓa ar-si ɗɛgɛgɛ gə uy bɛm ɗəw takagə gə, mba kar məkunda lə-si ɓar ne mii, ɗəw singamongə gə lə Njil Njerɔsangə!

Romaindjé 15:4

Be ɓa neje gə ꞌɗa mbede gə kede ləw le, ꞌɗa mba tɔji-si ne ne, mba kar ɗəw gə lə kuwa gədərə gə kul-mə gə mbede lə Luba a tɔji-si le, j-a kisi nee gə məkunda.

Romaindjé 16:26

ngaa ɓisine kila rɔ-ɛ gə ɗaga gə go mbedeje gə pajambərəje ꞌɗa, gə go ndu Luba gə nje kisi saar-saar gə no le, ꞌkila d-ar gəl kujije tɔ̰y ꞌgərə mba kar d-ila ne kɔji gə go takagə,

Romaindjé 16:6

Oje Məri ar-mje, ꞌne gə n-ula rɔ-ɛ ndubu ya̰ mba tar lə-sisəy.

Romaindjé 2:7

n-a kar təbə gə gə ndɔ gə ndɔ nje gə d-uwa gədərə ɗəw ɗa may gə, ꞌsangə ne rɔɓila, ɗɔy ngaɓa ne gə a ndum ang;

1 Corinthiendjé 13:13

Be ɓa ɓisine neje gə munda nee le ga̰: Takagə, kunda mə, njigi, ngaa ne gə to ɓəəl ya̰ ja to njigi.

1 Corinthiendjé 15:58

Be ɓa, ngan ko̰-mje gə m-njigi-si ya̰, uwaje gədərə, ulaje ngira-si nangə, awje gə kede-kede mə kula gə lə Mbayɓe, mba ꞌgərəje to gə kula lə Mbayɓe gə ꞌɗaje le to ne gə baa ang.

2 Corinthiendjé 2:17

Mba sijee le ja to to gə nje gə kɛm bula gə d-un tar lə Luba gə nekinga ne lə-je baa ne ang; sijee ɗaa, tar gə tɔgərɔ gə ḭ rɔ Luba gə ɓa ja pa, j-ar ne no Luba gə mə Kirisi gə.

Galatedjé 1:4

Mbayɓe Jeju Kirisi gə un rɔ-ɛ uga ne neɗa gə kṵra̰y lə-si, mba kɔr-si ne dɔ ndɔje gə ɓogəne gə may ang gə go mənjigi lə Bɔ-sijee Luba.

Galatedjé 5:13

Sisəy ɗaa, ngan ko̰-mje, ꞌɓar-si kar dɔ-si to doy; ɗaa ne kara ɓa le, may kar unje dɔ to doy nee le ꞌnjaje ne ɗəw darɔ gə ang, ngaa go ɗəw njigi ɗaa, ꞌɗaje kula ar-je naa gə yo gə nee.

Galatedjé 5:6

Mba dəw gə um naa gə Kirisi Jeju nam le, kunja bərə ose kunja bərə ang ɓa to gə ne ang, ngaa takagə gə tɔji rɔ-ɛ, gə njigi ɓa to gə ne.

Galatedjé 6:9

May kar-si j-ɔrəje dɔ neɗa gə may gə ang; mba dɔ kar-ɛ asə nama j-a kunjaje kand-e to gə ɓo j-ar njang dɔ-ɛ gə.

1 Thessaloniciendjé 3:6

Ngaa logə Timoce ḭ ɓe lə-si ɗe ɗaa, n-pa tar takagə lə-si gə maj-ɛ nəm, njigi naa lə-si, gə mə-sisəy gə uy dɔ sijee ang ngaɓa mal təl ko kəm sijee gə ɗa sisəy le, mal sisəy kara ɗa sijee ɗəw kara be tɔ.

2 Thessaloniciendjé 1:11

Gəl-e gə nee ɓa, ja dəji ne Luba taar-taar gə mba sisəy, mba kar Luba turu-si kar asə njaje gə go ɓar lə-a, ngaɓa gə go singamongə lə-a ɗaa, n-ar-si ꞌɗaje ne ne gə may tɔ̰y gə ꞌgɔlje mə-si gə mba ɗa nəm gə kula gə ɗəw takagə gə tɔ.

2 Thessaloniciendjé 1:3

Ngan ko̰-mje, j-ar oyo Luba jaga-jaga ɔji dɔ-si. To lo-e ja kar j-a ɗa be, mba takagə le sisəy ɔsə dɔ mar-ɛ gə kede-kede, njigi naa gə horo-si gə yo gə ne kara uru dɔ mar-ɛ gə ya̰ tɔ.

1 Timoce 1:14

Ngaa mənuji lə Mbayɓe lə-si gə ɔji dɔ-m le al dɔ-m, m-ta kag-e ngaɓa m-inga njigi ḭ rɔ Kirisi Jeju gə nəm tɔ.

1 Timoce 2:3

Ye gə nee le ɓa to ne gə may ngaɓa to ne gə to ngira rɔləl lə Luba, Njekaji-si.

Ebərəje 10:36

Ne gə kəm kar-si ꞌɗaje ja to kuwa gədərə, mba logə ꞌɗaje mə njigi lə Luba nam ɗaa a kingaje ne gə d-uwa dɔ gɔl-ɛ mba-si ja.

Ebərəje 11:17

Gə go takagə ɓa ꞌna ne Abəraham d-ar un ne Ijagə gə nepolo. ꞌNe gə d-uwa dɔ gɔl ne d-ar-ɛ le ja, ngon-e gə to ngon kara baa ja, ngaa n-un-e gə nepolo,

Ebərəje 13:21

may kar n-ar-si singa ɗa ne tɔ̰y gə may mba ɗa ne mə njigi lə-a; may kar n-ɗa ne gə ləl-e mə-si gə ɗəw gə lə Jeju Kirisi, gə rɔnduba to k-ɛ gə ɓalje ɓalje! Oyo!

Ebərəje 4:11

Be ɓa ar-si ja ndəbə-je ndəbə kandə lo kuwa kɔr gə kən le, mba kar dəw kara ja kara ndəji kəm ko tar ang gə njekara le ja uba ne tuji to gə ka-sijee ang.

Ebərəje 6:15

Be ɓa mba Abəraham uwa gədərə le ɗaa, inga ne gə d-uwa dɔ gɔl-ɛ d-ar-ɛ le.

1 Piyɛr 3:4

ngaa may kar ꞌɗaje mandə gə a tuji ang, gə kəji kaw yururu ngaɓa uy bɛm, gə ḭ mə-si gə kəy kɔrɔgə, ye ɓa to ne gə ta kəm Luba ya̰.

1 Jean 3:18

Ngan-m gə gɔgɔ, j-a njigije naa gə ta-si gə tar gə may baa ang, ngaa ꞌtɔjije njigi lə-si ɗəw kula gə ngaɓa gə tar gə tɔgərɔ.

1 Jean 3:21

Ngan ko̰-mje gə m-njigi-si ya̰, to gə ɓo mə-si ila tar dɔ-si gə ang nama, j-a ɓəəl no Luba gə ang.

1 Jean 3:3

Dəw gə ɗa-ɗa ɓa unda m-e dɔ-ɛ gə nama a karə ngadə to gə ꞌne n-arə ngadə bənəng tɔ.

1 Jean 5:3

Be ɓa, njigi lə Luba le to ngom ndu-eje. Cibi ndu-eje le ɔyi ang,

Apocalypse 2:19

M-gərə kula ɗa-ije, njigi lə-i, takagə lə-i, kula lə-i, kuwa gədərə lə-i. Ngaɓa m-gərə kula ɗa-ije gə ɗudu gə bula unda yeje gə dɔngɔr.

Apocalypse 3:10

Mba ꞌngom tar lə-m uwa gədərə ɗaa, ꞌma kara m-a ngom-i dɔ kar nena gə a ɗe dɔ dəwje gə tɔ̰y, gə a kum dəwje gə dɔ nangə gə nee dan nena gə.