1 Piyɛr 5:9 - Mbede Lə Luba Kone Gə Sigi

⁹ Arje gədərə no-ɛ gə, uwaje takagə gədərə, mba ꞌgərəje to gə ngan ko̰-si gə dɔ nangə nee d-o ꞌməsərə ɗəw kara baa to gə be tɔ.

Testament ke Siki 1960 (Kabba Laka)

⁹ Mbetèdjé ke ko mè té ke ïya ang, mbata sésè egeridjé né ndoo tokou ban da ngakösè ke nange nèn toï.

1 Piyɛr 5:9 ပူးပေါင်းရင်းမြစ်များ

Lugu 22:32

Ngaa ꞌma ɗaa, m-dəji Luba mba-i mba kar takagə lə-i unda nangə ang. Ɗaa ꞌi, lo gə ꞌtəl um sə-m naa gə nama, ꞌi ngaɓa a kula jingaw mə ngan ko̰-ije gə.

Jean 16:33

M-pa tarje gə nee m-ar-si mba kar inga-je ɗɛgɛgɛ ɗəw gə lə-m. Dɔ nangə gə nee le, isije dan nekəmandoo gə ja, ngaa undaje singa-si dɔ mar-ɛ gə, m-cɛdə ɗɔ dɔ nangə ngaa.

Koula 14:22

d-ula jingaw mə ngan njenendoje gə ngaɓa ꞌdəji-je mba kar d-uwa takagə lə-je gədərə tɔ. Cibi ꞌtəl ꞌpa d-ar-je to gə ɗəw ko ꞌməsərə ya̰ ɓa dəw a kandə ne mə ɓeko̰ gə lə Luba.

1 Corinthiendjé 10:13

Nekərəje gə ce dɔ-si gə le to neje gə asə singa dəw ja; mba Luba gə gadə-gadə le a kḭya̰ ɗəw kar nekərə gə al dɔ singa-sisəy ce dɔ-si gə ang baa, ngaa logə nekərə ce nama n-a gɔl ɗəw gə kar ce ne t-ɛ gə, mba kar-sisəy uwaje ne gədərə.

Ephésiendjé 4:27

ngaɓa ar-je ꞌsɛ̰ngərɛ̰ ta-si lo ang.

Ephésiendjé 6:16

dan neje gə tɔ̰y le, unje dər ɗɔ gə to gə takagə undaje ne ndo̰ ninga lə njeməkṵra̰y gə un pər lam-lam kalang gə ɗangə;

Colossiendjé 2:5

Mba, le darɔ-m godo gə si kara m-ga̰ gə si ɗəw njil gə, rɔ-m ləl-m mba m-o to gə isije gə go ɗəb-e ngaɓa takagə lə-si kara to gə mong-e dɔ Kirisi gə tɔ.

1 Thessaloniciendjé 3:3

mba kar neməko̰je gə ɓisine cɛdə singa dəw kara horo-sisəy gə ang. Mba sisəy ja kara ꞌgərəje to gə neje gə əng le to ɔji dɔ sijee ja.

1 Timoce 6:12

ꞌƊɔ ɗɔ gə may kar takagə, uwa təbə gə gə ndɔ gə ndɔ gə Luba ɓar-i kəne, ye gə ꞌpa tar-ɛ no njetar najije gə bula.

2 Timoce 3:12

Be ɓa dəwje tɔ̰y gə njigi kila kuji dɔ ne gə lə Luba gə mba kaw ne kəm baa gə Kirisi Jeju le d-a kula kəm-je ndoo.

2 Timoce 4:7

M-ɗɔ ɗɔ gə may, m-ce ɗudu ngɔdə gə lə-m, m-ngom takagə.

Ebərəje 11:33

gə go takagə ja ꞌdum ne dɔ ɓeko̰je, ꞌɗa ne ne gə gadə-gadə, d-inga ne ne gə d-uwa dɔ gɔl-ɛ, d-uwa ne ta ꞌnamje,

Ebərəje 12:8

Ngaa to gə ɓo ꞌlalje siri gə to ɔji dɔ dəwje tɔ̰y nama, ꞌtoje nganje gə bɔ-sijee godo ɓo nganje bɔ-jeje ga̰ ang.

Jacques 4:7

Be ɗaa, osoje kul no Luba gə; ar-je gədərə no ꞌsɛ̰ngərɛ̰ gə ɗaa n-a ka̰y kaw əw kḭya̰-si.

1 Piyɛr 1:6

Gəl-e gə nee ɓa sisəy ꞌɗaje ne rɔləl ya̰, le ɓogəne nekəmandooje ɓədə-ɓədə ɗa si kara kur-e a kəw ɓəl baa,

1 Piyɛr 2:21

Ye gə kən le ja ɓa ꞌɓar-si mb-ɛ, mba Kirisi kara o ꞌməsərə mba-si tɔ ngaɓa ḭya̰ gə ne kɔji mar-ɛ ar-si, mba kar unje ne dɔ gɔl-ɛ.

1 Piyɛr 3:14

Ngaa, to gə ɓo oje ko̰ mba neɗa gə gadə-gadə nama, ꞌtoje njenokarəje! ꞌƁəəl-jeje ang, ngaɓa ꞌjɔgəje rɔ-si ang nəm tɔ.

1 Piyɛr 4:13

Ngaa ꞌɗaje rɔləl mba oje ꞌməsərə gə Kirisi naa gə, mba kar ndɔ gə n-kila ne rɔnduba lə-a gə ɗaga nama ingaje ne rɔləl gə boy.

Apocalypse 1:9

ꞌMa Ja̰, ngon ko̰-si gə ɗəw takagə Kirisi gə, gə nje baa neməko̰ lə-si, ngaɓa nje baa ɓe lə-si gə mə ɓeko̰ gə lə Luba, ɓa gə njeba kuwa rɔ gədərə lə-si mba Kirisi gə d-um ubu dɔ-ɛ gə nəm. D-ila-m dɔ ngon gore gə gə ꞌɓar-ɛ Patəmos, mba mbərə tar lə Luba, ngaɓa gə mba tar naji lə Jeju tɔ.

Apocalypse 6:11

Ɗaa d-ar-je, na-na kara, kubu gə ngal yududu gə nda kələw-kələw. Ngaɓa ꞌpa d-ar-je kar d-uwa kɔr-je dɔ kar njɛ̰ be, saar gə mba kar nje baa kulaje lə-je, gə ngan ko̰-sijee gə d-a tɔl-je to gə ꞌjejee be tɔ le, d-udu ta-je bugum ɓa.

Apocalypse 7:14

Ɗaa ꞌma m-ila-a kəne m-pa na: Mbayɓe lə-m, ꞌi ꞌgərə som! N-pa n-ar-m na: D-ḭ lo neməko̰ gə to ɓəəl ya̰. ꞌTogo kubuje lə-je gə ngal yududu-yududu ngaɓa ꞌsugu gə məsə Ngon badəm gə d-ar nda kələw-kələw.