1 Piyɛr 4:15 - Mbede Lə Luba Kone Gə Sigi

¹⁵ May kar dəw kara ja horo-si gə o ꞌməsərə gə nje tɔl dəwje ose gə nje ɓogo, ose gə nje ɗa məyɛr, ose gə njenəni ang;

Testament ke Siki 1960 (Kabba Laka)

¹⁵ A ase kare doou kada horosè té wo ndoo tokou doou ke tòl doou ang, aséh tokou ndjè boukou, aséh doou ke da madjang, aséh doou ke ndjè ngätar ke tar lo mare dooudjé.

1 Piyɛr 4:15 ပူးပေါင်းရင်းမြစ်များ

Matiye 5:11

A to-je njenokarəje, lo gə d-a taji si, d-a kula kəm-si ndoo gə d-a pa gə si tarje gə kṵra̰y dang-dang mba tar lə-m.

1 Thessaloniciendjé 4:11

ar-je kəji sangə ɗəw kisi ɗɛgɛgɛ uwa mə-si, ꞌtɔsəje kəm-si dɔ neje gə lə-si ja ngaɓa ꞌɗaje kula gə ji-si to to gə j-a ndəji-si ne le;

2 Thessaloniciendjé 3:11

Mba j-o tar lə dəwje gə naaje d-aw nja horo-si gə to gə njedabəje ngaɓa d-al d-uru ne gə lə mar-jeje ɓo ꞌɗa ne ɔji dɔ-je kara ang

1 Timoce 5:13

Ye gə ɗangə ja cibi ɓa nee, ꞌtoje gə njedabəje baa, ndoje ɗəw nja gə ta kəy kəy, ngaɓa to njetaɓarje baa ang ne, to njeɗəgərəje nəm, cibi d-ula rɔ-je mə ne gə ɔsə-je kəne ang tɔ. Jene ndubaje gə ꞌto njedabəje nee le pa tar ne gə asə kəm pa ang baa.

2 Timoce 2:9

Mba tar-ɛ ja m-o ne ko̰ saar, tɔ-m ne kula lar to to gə m-to dəw gə ɗa məyɛr be. Ngaa ꞌtɔ Tar lə Luba gə kula lar ang baa.

1 Piyɛr 3:14

Ngaa, to gə ɓo oje ko̰ mba neɗa gə gadə-gadə nama, ꞌtoje njenokarəje! ꞌƁəəl-jeje ang, ngaɓa ꞌjɔgəje rɔ-si ang nəm tɔ.

1 Piyɛr 3:17

Kar dəw o ko̰ ɗəw ɗa may gə le, ɓo to mə njigi lə Luba nama, to ne gə may unda ɗa ne gə kṵra̰y.