1 Piyɛr 3:14 - Mbede Lə Luba Kone Gə Sigi

¹⁴ Ngaa, to gə ɓo oje ko̰ mba neɗa gə gadə-gadə nama, ꞌtoje njenokarəje! ꞌƁəəl-jeje ang, ngaɓa ꞌjɔgəje rɔ-si ang nəm tɔ.

Testament ke Siki 1960 (Kabba Laka)

¹⁴ A lé tokou woidjé ndoo mbata né ke gaté gaté, sésè a kingaidjé madji. Edaidjé bel lodè kada ang, aséh aridjé mèsè isa ang.

1 Piyɛr 3:14 ပူးပေါင်းရင်းမြစ်များ

Matiye 10:28

Nje gə tɔl darɔ baa ɓo d-asə tɔl kəm ang le, ꞌɓəəlje-je ang. May kar-si ꞌɓəəlje Luba gə asə mba tuji darɔ gə kəm joo tɔ̰y kəm pər gə.

Matiye 10:31

Be ɗaa, ꞌɓəəlje ang: Mba ꞌtoje ɓəəl undaje mabəraje gə bula.

Matiye 10:39

Dəw gə ngom təbə lə-a nama a kila-a kɔrɔ, ngaa dəw gə ila təbə lə-a kɔrɔ mba-m nama a təl kinga-a.

Matiye 16:25

Dəw gə njigi ngom təbə lə-a nama a kila-a kɔrɔ, ngaa dəw gə ila təbə lə-a kɔrɔ mba-m nama a təl kinga-a.

Matiye 19:29

Dəw gə ɗa-ɗa gə mba-m ꞌma ɓa uba ne mə kəy lə-a iya̰, gə ngan ko̰-ɛje, gə ko̰ nan-ɛje, gə bɔ-ɛje, gə ko̰-ɛje, gə ngan-ɛ ose mə ndɔje lə-a nama a kinga mar-ɛ bula dɔ-ɛ gə ngaɓa a kinga təbə gə gə ndɔ gə ndɔ gə nenduba.

Marəke 10:29

Jeju ila kəne na: Tar gə tɔgərɔ ja, m-pa m-ar-si, to gə ɓo dəw ḭya̰ kəy lə-a, gə ngan ko̰-ɛje, gə ko̰ nan-ɛje, gə ko̰-ɛje, gə bɔ-ɛje, gə ngan-ɛ ose ndɔje mba-m ꞌma gə mba Tar gə May,

Marəke 8:35

Dəw gə njigi ngom təbə lə-a nama a kila-a kɔrɔ, ngaa dəw gə ila təbə lə-a kɔrɔ mba-m ngaɓa mba Tar gə May nama a kaj-ɛ.

Jean 14:1

Ar-je mə-si ila kasə dɛləm ang. ꞌTaje kagə Luba ngaɓa ꞌtaje kagə-m ꞌma nəm tɔ.

Jean 14:27

M-ḭya̰ ɗɛgɛgɛ m-ar-si, m-ar-si ɗɛgɛgɛ lə-m. ꞌMa m-ar-si to gə dəwje gə dɔ nangə gə nee d-ar-si ang. Ar-je mə-si ila kasə dɛləm ang ngaɓa ꞌɓəəl-je ang tɔ.

Koula 9:16

ɗaa m-a tɔj-ɛ ne ꞌməsərə gə ɗa-ɗa gə n-a ko mba ri-m.

2 Corinthiendjé 12:10

Gəl-e gə nee ɓa rɔ-m lələ-m dɔ tɔgə godo gə, dɔ tajije gə, dɔ ndoo neje gə to-m gə, dɔ kula kəm ndoo gə, dɔ nekəmandooje gə gə ɔji dɔ Kirisi, mba logə tɔgə-m godo ja ɓa m-uba singa ɓi.

Philippiendjé 1:29

mba d-ar-si ɗəw gə go mənuji lə Kirisi, kar ꞌtaje kag-ɛ ja kara baa ang ngaa kar oje məsərə mba tar lə-a tɔ,

Jacques 1:12

Nokarə to ɔji dɔ dəw gə uwa gədərə ta nena gə; mba go nena gə ce dɔ-ɛ gə le, n-a kinga jɔgə təbə gə Mbayɓe uwa dɔ gɔl-ɛ ngina ne dəwje gə ꞌnjigi-e.

Jacques 5:11

Oje, tar gə ja pa ɓa nee: Nokarə to ɔji dɔ dəwje gə d-uwa gədərə. Oje tar lə Job gə uwa gədərə, gə ne gə Mbayɓe ɗa ar-ɛ gə ɗudu, mba Mbayɓe to nje ko kəmtondoo, gə nje bḭ man no kəm dəwje gə.

1 Piyɛr 3:6

to gə Sara ila ne kuji dɔ Abəraham gə ɗaa ɓar-ɛ ꞌɓəə-mje. To gə ɓo ꞌɓəəlje ne kara ang ja ɓo ꞌɗaje to to gə ꞌne be nama gə go ɗa may lə-si ja d-a ɓar-si ne ngan-ɛ gə jene.