1 Piyɛr 2:24 - Mbede Lə Luba Kone Gə Sigi

²⁴ ꞌne gə n-unda dɔ-ɛ kede n-ta ne neɗaje gə kṵra̰y lə-si, n-uy ne dɔ kagə gə, mba kar-sijee gə ja to dəwje gə j-uy ɗəw neɗa gə kṵra̰y gə le, j-aw ne kəm baa ɔji dɔ neɗa gə dana gadə, ngaɓa do gə ninga le ɓa ajije ne kəbərə.

Testament ke Siki 1960 (Kabba Laka)

²⁴ Nè ndja ke noto né ke madjang lodjè rè té do kake té, baa ta kare djèdjè djéh ke tébe ang ta da né ke madjang, a ta kare djisi ke tébe mbata gaté gaté, deo doo tounda té la djèdjè ndé madji.

1 Piyɛr 2:24 ပူးပေါင်းရင်းမြစ်များ

Matiye 27:26

Be ɓa Pilad ɔr Barabas ila-a taar ɗaa, ar-je ꞌlabə Jeju gə ndəy abəlay ɗaa ula-a ji-je gə mba karəje ꞌɓər-e kagə dəsə gə.

Matiye 5:20

Mba m-pa m-ar-si to gə ɓo neɗa gə gadə-gadə lə-si nday kar njekɔr gəl toronduje gə Parijiyɛ̰je ang nama a kandə-je mə ɓeko̰ gə dara ang.

Matiye 8:17

Be ɓa tar lə pajambərə Ejay gə pa le oso kəne paragə na: N-ta məndəje dɔ si gə Ngaɓa rɔko̰je gə d-aw d-ula kəm-si ndoo kara n-ta dɔ si gə nəm.

Marəke 15:15

Pilad njigi mba may ta kəm bula dəwje gə le ɗaa, ɔr Barabas ila-a taar ɗaa, ar-je ꞌlabə Jeju gə ndəy abəlay ɗaa ula-a ji-je gə mba kar-je ꞌɓər-e kagə dəsə gə.

Lugu 4:18

Njil lə Mbayɓe isi dɔ-m gə, Mba n-um ubu dɔ-m gə. Mba kar m-aji nje gə ɓəngərə-je ti mbidi Mba kar m-ila mbərə Tar gə May m-ar njendooje. D-ula-m mba kar m-ta nje gə d-ula kəm-je ndoo m-um-je taar, Nje kəm tɔje kar d-a ko lo, Nje gə d-ula kəmje ndoo kar d-inga dɔ to ləl pɛ.

Jean 1:29

Lokar-ɛ ɗaa, Ja̰ o Jeju aw ɗe gə ɓə lə-a ɗaa, pa na: Oje Ngon badəm lə Luba gə a kɔr neɗa gə kṵra̰y lə dəwje gə dɔ nangə gə nee.

Jean 19:1

Be ɓa Pilad uwa Jeju ar-je ꞌlab-ɛ gə nday tarara-tarara.

Koula 10:35

Ngaa horo gəl kujije gə tɔ̰y ja ɓo dəw gə ɓəəl-e ngaɓa ɗa ne gə gadə-gadə nama ta kəm-e.

Koula 10:39

ꞌJejee ja ꞌto njetar naji neje tɔ̰y gə n-ɗa mə ɓe gə lə Jiibije nəm ɓa gə Jerujalɛm. Ɗaa d-uwa-a ꞌtɔl-ɛ kagə dəsə gə.

Koula 13:29

Be ɓa ꞌtɔl ne ta tarje tɔ̰y gə ꞌɗa mə mbede gə ɔji dɔ-ɛ ngaɓa d-ɔr nin-e kar kagə gə d-aw d-ila mə buwa yo gə.

Koula 5:30

Luba lə ka-sijee ndol Jeju gə ꞌtɔl-ɛje, ꞌɓərə-eje kar kagə gə le.

Romaindjé 6:11

Be ɓa, sisəy ja kara, may kar oje rɔ-si to gə uyje ɗəw neɗa gə kṵra̰y gə, ɗaa isije kəm baa ɔji dɔ Luba ɗəw gə lə Kirisi Jeju.

Romaindjé 6:13

Uwaje bar kəm rɔ-sijee ꞌɗa-je ne neɗa gə kṵra̰y ang, gə ne ɗɔ gə kar neɗa gə dɔ buguru ang; ngaa unje darɔ-sisəy ja ar-je Luba, to gə nje gə d-uy ɓa ꞌtəl d-isi kəm baa be, unje bar kəm rɔ-sijee ar-je Luba, gə ne ɗɔ kar neɗa gə gadə-gadə.

Romaindjé 6:16

ꞌGərəje ang wa? Logə unje rɔ-si ilaje mə ji dəw gə gə ɓərə lə-a mba kila ne kɔji dɔ-ɛ gə nama, ꞌtoje ɓərəje lə dəw gə ilaje kuji dɔ-ɛ gə nee le, gə kar neɗa gə kṵra̰y gə ce yo, ose kila kuji gə ce neɗa gə gadə-gadə gə.

Romaindjé 6:2

Jagə ang! Sijee gə j-uy ɗəw neɗa gə kṵra̰y gə nam le, j-a təl kisi kəm baa dan neɗa gə kṵra̰y gə to gə ban wa?

Romaindjé 6:22

Ngaa ɓisine, d-ɔr-si ji neɗa gə kṵra̰y gə ɗaa ꞌtoje ɓərəje lə Luba, kula ɗa sisəy ce gə sangə rɔ ngaɓa a ce dɔ təbə gə gə ndɔ gə ndɔ gə.

Romaindjé 6:7

mba dəw gə uy le d-ɔr kula ɓərə lə neɗa gə kṵra̰y gɔb-e gə ngaa.

Romaindjé 7:6

Ngaa, ɓisine ɗaa, dɔ sijee to doy no torondu gə, mba j-uy ɗəw gə lə ne gə uwa sijee ɓərə gə, mba kar j-a ɗa kula gə ji-a gə sigi gəl Njil gə ngaa ɓo gə ji-a gə ləw gəl torondu ang.

1 Corinthiendjé 15:3

Ne gə ꞌma m-inga ja, m-ar-si dɔngɔr: Gə go tar mə mbede gə ɗaa Kirisi uy mba neɗaje gə kṵra̰y lə-si;

2 Corinthiendjé 6:17

Gəl-e nee ɓa, Mbayɓe pa na: ꞌCe-je horo-je gə gə gugu, Ɔrəje rɔ-si gə ɗangə, ꞌMbɔ̰bə-je mbɔr ne gə mina ang Ɗaa, m-a kuwa-si gə rɔ-m gə

Galatedjé 3:13

Kirisi uga dɔ-si gəl ndɔɔl gə lə torondu, təl to ne ndɔɔl mba tar lə-si. To gə Mbede pa na: Ndɔɔl uwa dɔ dəw gə ꞌɓər-e kagə.

Ephésiendjé 5:9

Mba kandə lokarə le, ɔji dɔ ne ja tɔ̰y gə to gə məmay, neɗa gə gadə-gadə, gə tar gə tɔgərɔ.

Philippiendjé 1:11

May kar pa nja gə may gə ingaje ɗəw gə lə Jeju Kirisi le, ila riɓar gə dɔ Luba gə, gə ɔsə gaji-ɛ.

Colossiendjé 2:14

n-tuji ne tar gə ꞌɗa mbede gə uwa dɔ-si, mbede gə tar gə m-e gə ila tar dɔ-si gə le, n-ɔr dɔ-si gə n-ɓər-e kagə dəsə gə;

Colossiendjé 2:20

To gə ɓo uyje gə Kirisi naa gə nama ar-je əw gə ndu kar neje gə dɔ nangə nee mba ɗi ɓa ar-je ndu neje gə dɔ nangə nee d-o̰ ɓe dɔ-si gə cibi wa?

Colossiendjé 3:3

Mba uyje ɗaa təbə lə-si iya rɔ-ɛ gə Kirisi rɔ Luba gə.

Ebərəje 10:10

Be ɓa gə go mə njigi gə nee le ꞌtogo-si ne, gə mbɔr dɔ darɔ Jeju Kirisi gə un gə nenuji, gɔl kara ja gə dɔbo̰.

Ebərəje 10:5

Gəl-e gə nee ɓa logə Kirisi a kaw ɗe dɔ nangə gə nee le pa na: Nepolo ta kəm-i ang nəm, nenuji ta kəm-i ang nəm; Ngaa ꞌi unda darɔ-m.

Ebərəje 12:13

May kar-si ꞌnjaje ɗəw gə dana njururu mba kar gɔl gə aw məndə jɔgə rɔ-ɛ ang, ngaa kar-ɛ aji.

Ebərəje 7:26

Buba njekapolo gə to gə be ja ɓa a la gə si: n-to njerɔsangə, tar uwa dɔ-ɛ ang, n-mina ang, n-to dang gə njeneɗaje gə kṵra̰y ngaɓa d-un-e d-unda dɔ dara gə taar,

Ebərəje 9:28

Kirisi kara ɗəw kara baa ja tɔ, un rɔ-ɛ gɔl kara baa ja ta ne neɗa gə kṵra̰y dɔ dəwje gə bula, a ɓo ɗe lə-a gə gɔl joo nama n-a ɗe mba neɗa gə kṵra̰y ang, ngaa mba nje gə d-aw ngina-a mba kaji.

Jacques 5:16

ꞌPaje tar neɗa gə kṵra̰y lə-si gə ɗaga no naa gə ɗaa dəjije Luba ɔji dɔ naa gə yo gə nee, mba kar ajije ne. Dəji Luba lə dəw gə gadə-gadə le, ɓar mii ngaɓa tɔg-e to ya̰ tɔ.

1 Jean 2:29

To gə ɓo sisəy ꞌgər-eje gə dəw gə gadə-gadə nam, to gə ɓo dəw ɗa-ɗa ɓa ɗa ne gə gadə-gadə nama may kar ꞌgərəje to gə ꞌne ja n-uji-e.

1 Jean 3:7

Ngan-m gə gɔgɔ, ar-je dəw ərə-si ang, dəw gə to nje ɗa ne gə gadə-gadə le to dəw gə gadə-gadə ja tɔ, to gə ꞌne kara n-to dəw gə gadə-gadə.

Apocalypse 22:2

Ɗaa dan ɗəw gə boy gə mə ɓebo gə ngaɓa dɔ kungu baa gə ɓe joo pɛdə le, kagə təbə kara gə andə gɔl dɔg gə gir-e gə joo ga̰ kəne. Nay kara nama d-unja kand-e taar-taar. Kam kagə le to gə kuma kaji gəl kuji dəwje tɔ.