1 Piyɛr 2:22 - Mbede Lə Luba Kone Gə Sigi

²² ꞌNe gə n-ɗa neɗa gə kṵra̰y ang, ꞌne gə tar kərə dəw ce t-ɛ gə ang;

Testament ke Siki 1960 (Kabba Laka)

²² Nè ke nda né ke madjang ang, ke do tar kere tè té ang.

1 Piyɛr 2:22 ပူးပေါင်းရင်းမြစ်များ

Matiye 27:19

Dɔ kar-ɛ gə njeko̰ ɓe gə ri-a na Pilad le aw isi ngəndəng gangə tar gə ɗaa, jene lə-a ula-je ar d-aw ꞌpa d-ar-ɛ na: Əw rɔ-i kula rɔ-i mə tar lə dəw gə gadə-gadə nee le, mba m-o ko̰ ne ɓogəne ya̰ gə nḭ mba tar lə-a.

Matiye 27:4

n-pa ne tar na: Dəw gə tar uwa dɔ-ɛ ang ja m-un dɔ-ɛ m-ar d-um məs-e nangə, ɗaa m-ɗa neɗa gə kṵra̰y. ꞌTəl d-ila-a kəne na: A ɗi ɓa ɔsə-sije kəne wa? To tar lə-i ꞌi ja.

Lugu 23:41

Sijee le, kar-si to gə ɗəb-e arə ngadə, j-inga nekuga dɔ ji ɔji dɔ kula ɗa si, ngaa ꞌne le, n-ɗa ne gə kṵra̰y kara ang baa.

Lugu 23:47

Njekun dɔ njeɗɔje gə tɔl o ne gə nday le ɗaa ɔsə gaji Luba na: Tɔgərɔ ja, dəw gə nee le ɗaa to dəw gə dana gadə-gadə.

Jean 1:47

Logə Jeju a lo o Nataniyɛl gə aw ɗe ɗaa pa na: Oje dəw gə Ijirayɛl gə kuji kəy gə pa tar gə ɗəgərə ang ɓa aw nee.

Jean 8:46

Na ɓa, horo-si gə nee, a pa tar kuwa-m ne ɔji dɔ neɗa gə kṵra̰y wa? To gə ɓo m-pa tar gə tɔgərɔ ɗaa, mba ɗi ɓa ꞌtaje kagə-m ang wa?

2 Corinthiendjé 5:21

Kirisi gə ɗa neɗa gə kṵra̰y ang, ngaa Luba odo neɗaje gə kṵra̰y lə-si um dɔ-ɛ gə mba kar-sijee ja təl ja to ne dəwje gə gadə-gadə no Luba.

Ebərəje 4:15

Mba buba njekapolo lə-si le a kasə kum gə si naa gə dɔ ɗəəm gə lə-si ja, gəl-e gə ne ɓa ꞌne kara nena ce dɔ-ɛ gə ɗəw kara baa to to gə sijee be ja tɔ, ngaa n-ɗa neɗa gə kṵra̰y ang.

Ebərəje 9:28

Kirisi kara ɗəw kara baa ja tɔ, un rɔ-ɛ gɔl kara baa ja ta ne neɗa gə kṵra̰y dɔ dəwje gə bula, a ɓo ɗe lə-a gə gɔl joo nama n-a ɗe mba neɗa gə kṵra̰y ang, ngaa mba nje gə d-aw ngina-a mba kaji.

1 Jean 2:1

Ngan-m gə gɔ-gɔ, m-ɗa mbede nee m-ar-si mba kar ꞌɗaje neɗa gə kṵra̰y ang. Ngaa to gə ɓo dəw oso dan neɗa gə kṵra̰y gə nama, njetadɔ-si ga̰ no Bɔ dəwje gə, Dəw nee le to Jeju Kirisi, n-to dəw gə gadə-gadə.

1 Jean 3:5

Cibi sisəy ꞌgərəje som, dəw gə ɗe tɔji rɔ-ɛ gə ɗaga mba kɔr ne tar neɗa gə kṵra̰y lə dəwje le, neɗa gə kṵra̰y ɔr rɔ-ɛ ang.

Apocalypse 14:5

Ngaɓa ndɔ kara baa be kara tar gə ɗəgərə ce ta-je gə ang nəm tar uwa dɔ-je ang nəm tɔ.