1 Piyɛr 1:15 - Mbede Lə Luba Kone Gə Sigi

¹⁵ ngaa, ɗəw kara baa to gə nje ɓar-si le to gə njerɔsangə ɗaa sisəy kara may kar ꞌsangəje rɔ-si dɔ pa nja-si gə tɔ̰y,

Testament ke Siki 1960 (Kabba Laka)

¹⁵ A tokou nè ke mmarsè néh madji toï, éhdjé madji toï sésè ndja deo ndja té losè toï.

1 Piyɛr 1:15 ပူးပေါင်းရင်းမြစ်များ

Matiye 5:48

To gə Bɔ-sijee gə isi mə dara gə may pɛdə-pɛdə le, sisəy kara ꞌmay-je pɛdə-pɛdə tɔ.

Romaindjé 9:24

Sijee gə n-ɓar-si horo Jiibije ja kara baa ang, ngaa horo dəwje gə ꞌgərə Luba ang ja cibi,

2 Corinthiendjé 7:1

Sisəy gə m-njigi-si ya̰, mba d-uwa dɔ gɔl neje gə to gə be d-ar-si naa gə kara baa le ɗaa, ar-je si ja togoje ne gə mina gə darɔ-si gə, gə mə njil gə mba kar sangə rɔ aw nee ɗɔ-ɛ gə kede-kede tɔl ne t-ɛ bugum dan ɓəəl Luba gə.

Philippiendjé 1:27

Ne kara baa le ɗaa, ar-je pa nja-si uwa buwa Tar gə May lə Kirisi, gə mba kar le m-aw m-o-si ose m-godo kara kar m-o tar-ɛ to gə ar-je njang mə kəji gə kara baa, umje mə-si naa gə kara, ꞌɗɔje mba takagə gə ɔji dɔ Tar gə May,

Philippiendjé 3:14

m-a̰y ngɔdə dɔ-m gə ne gə m-kuji gə, mba kinga nekuga dɔ ji ɓar gə Luba ɓar-m ɗəw gə lə Kirisi Jeju.

Philippiendjé 3:20

Kar-sijee ɗaa, ɓe lə-si to dara; lo gə j-a ngina Mbayɓe Jeju Kirisi ɓa gə Njekaji-si kəne,

1 Thessaloniciendjé 2:12

J-a ndəji-si, gə j-ula jingaw mə-si gə ngaɓa j-ar gə si taar jigiri kar pa nja-si ta kəm Luba gə ɓar-si kar-si andə-je ɓeko̰ gə lə-a gə dan rɔnduba gə lə-a.

1 Timoce 4:12

May kar dəw dab-i dasəra dɔ basa̰ gə lə-i ang; ngaa may kar-i ꞌto ne kɔji mar-ɛ mba tar lə njetakagəje, ɗəw tar pa gə, ɗəw pa nja gə, ɗəw njigi gə, ɗəw takagə gə, gə ɗəw ngom rɔ gə.

2 Timoce 1:9

Luba ja aji-si cibi ɓa ɓar-si gə ɓar gə arə ngadə, ɓo gə go kula ɗa si ang ngaa gə go mənuji ɓa n-gɔl ne to gə be ɗəw gə lə Jeju Kirisi kede ləw nam ɓa n-unda dara je gə dɔ nangə ɓi.

Tite 3:14

May kar njekar-sijee kara ndo ne kula ɗa gə may dɔ-je gə kede-kede mba kar ndɔ gə ne ce dɔ-je gə bus nama ꞌɗa ne, be ɓa kandə takagə lə-je a to ne.

Tite 3:8

Tar gə m-pa nee le to tar gə tɔgərɔ, ɗaa may kar ore kəm-i kəne ndəng mba ndəji ne nje gə d-unda mə-je dɔ Luba gə mba kar ꞌɗa ne kulaje gə may gə kede-kede. Ye ɓa to ne gə may gə to kəm kar njetakagə ꞌɗa!

Ebərəje 12:14

May kar-si ꞌsangəje go ɗɛgɛgɛ mba kar to horo-si gə gə dəwje tɔ̰y ngaɓa sangə rɔ godo nama dəw a ko kəm Mbayɓe ang.

Ebərəje 13:5

Ar-je ɓo lar uwa-si gə ɓərə ang, ɗaa ne gə ingaje mə ji-si gə əng ja undaje mə-si dɔ-ɛ gə, mba Luba pa na: M-a kuba-i kḭya̰-i ang nəm m-a mbadə-i ang nəm.

Jacques 3:13

Na ɓa horo-si gə nee, to gə nje kəm karə ose to gə nje negərə wa? May kar, gə go pa nja lə-a gə may le, tɔji ne kula ɗ-ɛje gə ɗəw kaw yururu gə kəm karə lə-a gə ɗaga.

1 Piyɛr 2:12

Ar-je pa nja-si to gə maj-ɛ horo dəwje gə ꞌgərə Luba ang gə, mba kar logə ꞌpa na ꞌɗaje ne gə kṵra̰y kəne nama, kula ɗa si gə may ɓa d-o kəne ngaɓa kar d-ɔsə ne gaji Luba dɔ ndɔ ɗe gə lə-a.

1 Piyɛr 2:9

Sisəy le ɗaa, ꞌtoje ko dəwje gə ꞌmbərə-je, njekapoloje gə kəy mbay gə, gəl kuji gə to gə losang-ɛ, dəwje gə n-unda-je gə njeka-ɛje, mba kar ilaje mbərə lə nje kɔr-si dan cil ciməri gə, kar isije dan lokarə gə al dɔ lo gə.

1 Piyɛr 3:16

ɗaa ꞌpaje gə ndu gɔsə gə kul yururu gə kila kuji, ar-je kəji gə may ɓa uwa mə-si, mba kar lo gə d-aw ꞌpa gə si kəne nama, rɔ kul ɗa ne nje pa tarje gə kṵra̰y dɔ pa nja-si gə may gə ɗəw gə lə Kirisi.

1 Piyɛr 5:10

Luba gə nje ɗa mayje dang-dang, gə ɓar-si ɗəw gə lə Kirisi, kar-si isije sə-a dan rɔnduba gə a to saar gə no le, logə oje ꞌməsərə kor-e əw ɓəəl nama, ye ja a təl gɔl rɔ-si, a kula jingaw mə-si gə, a kar-si singa, a kar ngira-si uwa nangə baa-baa.

1 Jean 3:3

Dəw gə ɗa-ɗa ɓa unda m-e dɔ-ɛ gə nama a karə ngadə to gə ꞌne n-arə ngadə bənəng tɔ.

Apocalypse 3:7

ꞌƊa mbede ar anji lə mbo̰ naa lə njetakagəje gə Piladɛləpi ꞌpa na: A o, tar gə njerɔsangə, dəw gə gadə-gadə, Gə uwa ngon lakɛrɛ lə Dabidi ji-a gə, Gə ɔr ta ɗəw nama dəw a kudu ang, Gə udu ta ɗəw nama dəw kɔr ang pa le ɓa nee.

Apocalypse 4:8

Nekundaje gə sɔɔ gə d-aw kəm baa nee le, na-na kara baag-ɛ misa̰-misa̰. Kəm-je ɗusu rɔ-je njḭ gugu bagir-je ula naa gə mbugu saar ce mə-je gə kəy kɔrɔgə. Kar gə cil le, d-uwa kɔr-je ang, ɗaa ꞌpa na: Njerɔsangə, njerɔsangə, njerɔsangə, Mbayɓe, Luba gə njesingamongə, dəw gə nje ga̰, gə ga̰ kede ləw baa, dəw gə a ɗe, njesingamongə gə dum dɔ lo.

Apocalypse 6:10

D-uru ꞌkuwi gə ndu-je gə boy na: Saar ndɔ gə ɗa gə ja ɓa, ꞌɓəə neje, njerɔsangə gə dəw gə gadə-gadə, saar ndɔ gə ɗa gə ja ɓa kur-i a kəw gə mba kar-i ꞌgangə tar, gə ꞌdal ba̰a̰ məsə-sije dɔ dəwje gə dɔ nangə gə nee le wa?