1 Piyɛr 1:12 - Mbede Lə Luba Kone Gə Sigi

¹² Be ɓa ꞌkila gəl-e d-ar-je to gə neje nee le ɔji dɔ ꞌjejee ang, ngaa ɔji dɔ sisəy, ɓa ꞌto ne nje kula-ɛje. Ɓisine ɗaa nje gə d-aw d-ila mbərə Tar gə May ꞌpa tar neje nee le d-ar-si ɗəw gə lə Njil Njerɔsangə gə ḭ dara ngaɓa anjije ja kara ꞌsangə mba gərə tɔ.

Testament ke Siki 1960 (Kabba Laka)

¹² Ntòdjoudè leo ke dèdè nda mbata lodè ndja ang a mbata losè, mè né té ke dèdè mpa daresè loshénè deo té lo dèdè ke mpa tar ke madji daresè deo Ndil té ke madji toï, ke doulè nï dara dé, nédjé ke angedjé ndiki nya ta ko gelè.

1 Piyɛr 1:12 ပူးပေါင်းရင်းမြစ်များ

Matiye 11:25

Dɔ kar-ɛ gə əng le, Jeju un tar pa na: M-pidi-i, Bɔy, Mbayɓe gə dɔ dara gə dɔ nangə nee, mba neje gə nee gə iya njekəm karəje gə njenegərəje ngaa ꞌkila gəl-e ar nganje d-o.

Matiye 11:27

Neje tɔ̰y ja Bɔy iya̰ mə ji-m gə, ngaɓa dəw gərə-m ꞌma gə Ngon ang, ɗaa Bɔy ja gə kar-ɛ baa, ngaɓa Bɔy ja kara dəw gər-e ang, ɗaa ꞌma gə Ngon ja ɓa m-a kila gəl-e gə ɗaga kar dəw gər-e.

Matiye 16:17

Jeju təl un tar pa ar-ɛ na: Simo, ngon lə Jonas, ꞌi to njerɔləl mba darɔ gə məsə ɓa təgə gəl ne gə nee ar-i ang, ngaa Bɔy gə isi mə dara gə ja ɓa təgə gəl-e ar-i.

Marəke 16:15

Ngaɓa, n-pa n-ar-je na: Awje gə lo tɔ̰y dɔ nangə nee, ilaje mbərə Tar gə May ar-je dəwje tɔ̰y.

Lugu 15:10

Ɗəw kara baa, m-pa m-ar-si, logə njeneɗa gə kṵra̰y turu kəji lə-a nama, rɔ anjije lə Luba ləl-je.

Lugu 2:26

ngaɓa Njil Njerɔsangə pa ar-ɛ kede na: ꞌI a ko Kirisi lə Mbayɓe gə kəm-i nam ɓa a kuy bi.

Lugu 9:6

Be ɓa, ngan njenendoje le d-ɔdə d-aw gə ɓe-ɓe, d-ila mbərə Tar gə May d-ar dəwje ngaɓa d-aji njerɔko̰je tɔ.

Jean 15:26

Logə njekuul mə dəwje gə m-a kar a kḭ rɔ Bɔy gə ɗe ye to gə njil tar gə tɔgərɔ gə m-a kula-a a kḭ rɔ Bɔy gə ɗe ɗaa, ꞌne ja gə dɔ-ɛ n-a pa tar naji lə-m.

Koula 10:44

Logə Piyɛr aw pa tar gə nee le t-ɛ gə be ja ɓi ɗaa Njil Njerɔsangə ɗe dɔ dəwje tɔ̰y gə d-aw d-o tar le.

Koula 16:10

Logə Pɔl o ne lokiya gə to gə be ɗaa, ja sangə ɗəw mba kaw Masedowan gə tɔg-ɛ mba ja gərə to gə Luba ɓar-si kar j-aw j-ila mbərə tar lə Mbayɓe Jeju kəne.

Koula 2:33

Luba un-e unda-a dɔ ji kɔl-ɛ gə, ɗaa n-inga Njil Njerɔsangə gə Luba uwa dɔ gɔl-ɛ le ngaɓa n-ar-ɛ ɗe dɔ-si gə ɗaa oje gə kəm-si nəm gə mbi-si nəm tɔ.

Koula 4:31

Logə ꞌdəji Luba to gə be ɗaa, lo gə d-ar kəne ye ɗig-ɗig ɗaa Njil Njerɔsangə ɗusu mə-je tɔ̰y ngaɓa d-ila mbərə tar lə Luba gə ɓəəl ang.

Koula 4:8

Be ɓa Njil Njerɔsangə ɗusu mə Piyɛr tubu ɗaa pa ar-je na: Mbayje gə dɔ dəw mə ɓeje gə, gə buba ɓeje mba ɓogəne,

Koula 8:25

ꞌPa tar naji gə d-ila mbərə tar lə Mbayɓe d-ar dəwje bula mə ngan ɓeje gə Samari nam ɓa ꞌtəl d-aw Jerujalɛm ɓi.

Romaindjé 1:15

Be ɓa ɓo-e ɔsə-m ngug-ngug mba kar m-aw m-ila mbərə Tar gə May m-ar-sisəy gə isije Rɔm tɔ.

Romaindjé 1:17

Ɗəw lə Tar gə May nee le ɓa gadə-gadə lə Luba kila ne rɔ-ɛ gə ɗaga gə ɗəw takagə ngaɓa ɗəw takagə ja kara baa, to to gə ꞌɗa mə mbede gə na: Dəw gə gadə-gadə a kaw kəm baa ɗəw gə lə takagə.

Romaindjé 10:15

Ngaɓa to gə ɓo d-ula-je ang le njepatar-ɛje d-a ga̰ to gə ban wa? Gə go tar gə ꞌɗa mə mbede gə na: To ne rɔləl ya̰ mba ko njekila mbərə Tar gə Mayje le Lo ɗe gə lə-je.

Romaindjé 15:19

ɗəw singamongə netɔjije gə neje dang-dang gə kəm dəw o ndɔ kara ang, ɗəw singamongə Njil, un kud-e Jerujalɛm saar ce ne Iliri ja m-ila mbərə Tar gə May lə Kirisi m-ar ta lo ya̰-ya̰.

1 Corinthiendjé 2:10

Ngaɓa sijee ɓa Luba kila gəl-e ɗəw Njil gə ar-si, mba Njil le tən neje tɔ̰y so-so, mə kəji lə Luba gə uru ya̰ kara n-gərə nəm.

2 Corinthiendjé 1:22

N-ɔsə bəngə ji-a rɔ-si gə ngaɓa n-ar Njil ta mə-sijee to gə nemayje gə d-ɔsə kɔrə mba sijee.

2 Corinthiendjé 6:6

ɗəw karə ngadə gə, ɗəw negərə gə, ɗəw kila mə dɔ mar-ɛ gə, ɗəw məmay, ɗəw gə lə Njil Njerɔsangə, ɗəw njigi gə lal tar mula,

Galatedjé 1:12

ꞌMa ja kara, dəw ɓa ar-m ang nəm ngaɓa dəw ɓa tɔji-m ang nəm tɔ, ngaa Jeju Kirisi ɓa kila gəl-e ar-m.

Galatedjé 1:16

ꞌNe ja n-tɔji-m ngon-e mba kar-m m-ila mbərə lə-a m-ar dəwje gə ꞌgərə Luba ang, be ɓa, m-dəji tar ndəji dəw ang;

Ephésiendjé 3:10

mba kar ɗəw gə lə mbo̰ naa lə njetakagəje ɗaa, nje dum dɔ loje gə singamongəje gə mə dara gə ꞌgərə ne kəm karə lə Luba gə to gə lo-e ɓədə-ɓədə bula ya̰ ɓisine,

1 Thessaloniciendjé 2:9

Ngan ko̰-mje, oleje mə-si dɔ rɔ-sijee gə j-ula ndubu ngaɓa gə dɔ kɔrje gə j-ɔr gə, j-a ɗa kula cil gə kar le, ɓa mba to ne nekodo dɔ dəw kara horo-sisəy gə ang ja ɓa j-ila ne mbərə Tar gə May lə Luba j-ar-si.

1 Timoce 3:16

Cibi, ne gə to kəm kar ja gərə-je ɓa nee, negərə gə to ɓəəl ya̰ gə to lokiya ɓa takagə tɔji-si le ɓa nee: N-təl tɔji rɔ-ɛ gə dəw, N-tɔji rɔ-ɛ gə dəw gə gadə-gadə mə Njil gə, N-tɔji rɔ-ɛ n-ar anjije, D-ila mbərə lə-a horo dəwje gə ꞌgərə Luba ang Ta kag-ɛ gə dɔ nangə gə nee D-ila riɓar dɔ-ɛ gə.

Ebərəje 11:13

ꞌJejee tɔ̰y gə d-uy ɗəw takagə gə lal kar d-inga neje gə d-uwa dɔ gɔl-ɛ ngaa d-o neje nee le dɔ ji ndə̰w̰ ngaɓa ꞌgərə to gə d-a ɗe ja, ꞌpa ne to gəꞌto mbaje gə nje kaw taarje dɔ nangə nee.

Ebərəje 2:4

Luba ore kudu tar naji lə-je gə netɔjije, gə nemisije ngaɓa neje dang-dang gə kəm dəw o ndɔ kara ang, gə gusu-eje gə n-ar-je ɗəw gə lə Njil Njerɔsangə to gə m-e njigi.

Ebərəje 4:2

Mba d-ila mbərə Tar gə May d-ar-sijee nəm, d-ila d-ar ꞌjejee nəm. Ngaa tar gə d-o-je le, kara kara ɗa kula rɔ-je ang, mba ꞌɗa mə kara gə nje gə d-o le dɔ takagə gə ang.

1 Piyɛr 1:25

Ngaa tar lə Mbayɓe to saar-saar gə no. Tar gə nee le ja ɓa to Tar gə May gə d-ila mbər-e d-ar-si.

1 Piyɛr 4:6

Gəl-e gə nee le ɓa, nje gə jabaw kara d-ila mbərə d-ar-je tɔ, ꞌgangə tar dɔ-je gə ɗəw darɔ gə nam ja ngaa, mba kar njilje inga ne lokisi rɔ Luba gə.

Apocalypse 5:11

Ngaɓa m-a lo ɗaa m-o ndu anjije no kɔgə gə tɔl-tɔl dɔg lo bula-bula, gə ndu nekundaje gə d-aw kəm baa ngaɓa gə ngatɔgəje