1 Piyɛr 1:10 - Mbede Lə Luba Kone Gə Sigi

¹⁰ Pajambərəje gə d-ila mbərə tar mənuji gə d-uwa dɔ gɔl-ɛ mba-si le, d-un rɔ-je ꞌsangə gəl-e ngaɓa d-uru ngira nəm tɔ.

Testament ke Siki 1960 (Kabba Laka)

¹⁰ Prophètedjé ke pa tar tòkou mè madji ke a to ngäsè, dèdè nsange ke ndoudjou gel tar kadji nèn leo.

1 Piyɛr 1:10 ပူးပေါင်းရင်းမြစ်များ

Matiye 13:17

Tɔgərɔ, m-pa m-ar-si, pajambərəje bula, gə dəwje gə gadə-gadə ꞌnjigi mba ko ne oje nee gə kəm-je ngaa d-o ang baa, ꞌnjigi ko tar neje nee gə mbi-je ngaa d-o tar-ɛ ang baa.

Matiye 26:24

ꞌMa gə Ngon lə dəw m-a kuy to to gə Mbede lə Luba pa. Ngaa tuji a kuba dəw gə a kun dɔ-m! May kar kuji ja kara d-uji-e ang.

Lugu 10:24

Be ɓa, m-pa m-ar-si to gə pajambərəje bula gə mbayje bula ꞌnjigi mba ko ne gə oje nee gə kəm-je ngaa d-o ang baa, ꞌnjigi ko tar neje nee gə mbi-je ngaa oso mbi-je gə ang baa.

Lugu 24:44

Ngaɓa n-pa n-ar-je na: Oje tar gə m-pa m-ar-si lo gə m-ga̰ gə si baa ɓi le: May kar ne gə ꞌɗa tar-ɛ ɔji dɔ-m mə torondu gə lə Moyiji, gə Pajambərəje, gə pa no mangə gə nee le ɗa ne ɓa.

Jean 5:39

ꞌTənje mə mbedeje so-so, mba sisəy əjije to gə ɗəw gə kəne nama a kingaje təbə gə gə ndɔ gə ndɔ: Mbedeje gə nee le ja ɓa pa tar naji ɔji dɔ-m.

Jean 7:52

D-ila-a kəne na: ꞌI kara ꞌto gə dəw gə Galile gə ja tɔ ang wa? ꞌTən Torondu gə maj-ɛ o, ɗaa a gərə to gə pajambərə a kḭ Galile gə ang.

Koula 10:43

Pajambərəje tɔ̰y ja ꞌpa tar naji lə-a na: Dəw gə ta kag-ɛ nama mbɔr dɔ ri-a ja tar neɗaje gə kṵra̰y a kɔr ne dɔ-ɛ gə.

Koula 17:11

Jiibije gə Bere nee le kəji lə-je may unda nje gə Tesaloniki, ꞌtaje tar gə mə kara ngaɓa ꞌtənje mbedeje lə Luba so-so gə ndɔ-ndɔ mba ko se tar gə d-aw pa d-ar-je le to gə dɔ gɔl-ɛ ja wa?

Koula 28:23

Go-e gə ɗaa d-ila ndɔ d-ar-ɛ ngaɓa ꞌɗe bula d-inga-a lo to-e gə. Logə n-ɔr gəl tar lə-a le ɗaa n-ɗa tar naji gə ɔji ɓeko̰ lə Luba ngaɓa n-sangə ɗəw torondu gə lə Moyiji ngaɓa gə mbede lə Pajambərəje, mba cɛdə ne singa-je ɔji dɔ Jeju, un kud-e gə ndɔɔ ja saar ce kar kumatagə.

Koula 7:52

Pajambərə lə Luba gə ɗa ɓa ka-sijee d-ula kəm-e ndoo ang wa? ꞌTɔlje nje gə d-ila mbərə ɗe lə dəw gə gadə-gadə kede nam ngaɓa sisəy gə ɓogəne ilaje tar dɔ-ɛ gə ɓa ar-je ꞌtɔl-ɛ le.

Ebərəje 11:13

ꞌJejee tɔ̰y gə d-uy ɗəw takagə gə lal kar d-inga neje gə d-uwa dɔ gɔl-ɛ ngaa d-o neje nee le dɔ ji ndə̰w̰ ngaɓa ꞌgərə to gə d-a ɗe ja, ꞌpa ne to gəꞌto mbaje gə nje kaw taarje dɔ nangə nee.

Ebərəje 11:40

Mba Luba aw gɔl ne gə may al dɔ lo mba sijee, mba kar ꞌjejee ꞌtəl may pɛdə lal sijee ang.

1 Piyɛr 1:11

Njil Kirisi gə to mə-je gə le, pa ar-je kede nam to gə Kirisi a ko ꞌməsərə ngaɓa rɔnduba a kore go-e. Be ɓa Pajambərəje nee le ꞌsangə ɗəw gə mba gərə dɔ ndɔ gə neje nee le a ɗe ne ngaɓa a to to gə ban wa?

1 Piyɛr 1:13

Gəl-e gə nee ɓa, ilaje ɓərə-si kagə, undaje kəm karə dɔ rɔ-si gə ngaɓa undaje mə-si dɔ mənuji gə d-a kar-si dɔ ndɔ gə Jeju Kirisi a kila rɔ-ɛ gə ɗaga.