1 Jean 5:20 - Mbede Lə Luba Kone Gə Sigi

²⁰ Sijee j-a gərə ja cibi to gə Ngon lə Luba ɗe ar-si kəji negərə mba kar j-a gərə ne Luba gə tɔgərɔ, ngaɓa j-a ga̰ gə Luba gə tɔgərɔ ɗəw gə lə Ngon-e Jeju Kirisi. ꞌNe gə to Luba gə tɔgərɔ nəm gə təbə gə gə ndɔ gə ndɔ.

Testament ke Siki 1960 (Kabba Laka)

²⁰ Djèdjè ngeré Ngon lo Allah dé mbä, ke nè naredjè kemkarè ta geré nè ke nto tokoro, ke djèdjè djéh mè nè té ke nto tokoro, mè Ngonè té Jésus Christ. Yèn to Allah ke tokoro ke tébe ke ke ndò ke ndò.

1 Jean 5:20 ပူးပေါင်းရင်းမြစ်များ

Matiye 13:11

Jeju ila-je kəne na: Luba ar-sisəy ꞌgərəje tar ɓeko̰ gə dara gə to lokiya gə, ngaa n-ar ꞌjeje ꞌgərə ang,

Lugu 21:15

Mba ꞌma ja m-a kar-si tar gə a paje gə kəm karə gə dəw kara horo nje kəm tarje gə lə-si a kasə mba cila ne kəm tar lə-si ose gə mba kar ne gədərə no-si gə ang.

Lugu 24:45

Be ɓa n-cɛ̰ kəji negərə lə-je borong mba kar ꞌgərə ne Mbede lə Luba.

Jean 1:18

Dəw kara gə o Luba gə kəm-e le godo; ngaa, Ngon kara gə to Luba gə ga̰ naa gə kara baa gə bɔ-ɛje ɓa ɗe riba dɔ-ɛ ar-si ja gər-e.

Jean 10:30

ꞌMa je gə Bɔy j-a to gə kara baa.

Jean 14:20

Dɔ ndɔ-ɛ gə əng le, a gərəje to gə m-ga̰ mə Bɔy gə, ngaɓa sisəy ꞌtoje mə-m ꞌma ngaɓa ꞌma m-to mə-sisəy gə tɔ.

Jean 14:23

Jeju ila-a kəne na: To gə ɓo dəw njigi-m nama a ngom tar lə-m ɗaa Bɔy a njigi-e. Ngaɓa j-a ɗe ɓə lə-a mba ɗa ɓe m-e gə mba kisi kəne.

Jean 14:6

Jeju pa ar-ɛ na: ꞌMa ja m-to gə ɗəw, gə Tar gə tɔgərɔ gə təbə. Dəw kara kara a kasə kaw rɔ Bɔy gə lal ce gə ɗəw gə ɓe lə-m ꞌma ang.

Jean 14:9

Jeju pa ar-ɛ na: Ga̰ gə m-ga̰ gə si ləw baa kuru lo əw nee ja, kar be kara ꞌgərə-m ang ja ɓi wa, Pilibi! Dəw gə o-m ꞌma nama o Bɔy ja tɔ. Ɗa ban ɓa ꞌI cibi ꞌpa na: ꞌTɔji-si rɔ Bɔ dəwje wa?

Jean 15:4

ꞌToje mə-m gə to gə ꞌma kara m-to mə-sisəy gə tɔ. Ɗəw kara baa to gə bar kəm bḭyə̰ gə nam kar kag-ɛ gə ang nama a kasə kandə gə dɔ rɔ-ɛ ang le, sisəy kara to gə ɓo ꞌnam-je kar-m ang nama a kandə-je ang tɔ.

Jean 17:14

M-pa tar lə-i m-ar-je ɗaa dɔ nangə njigi-je ang gə kɔrɔ mba ꞌtoje gə dɔ nangə gə nee ang ɗəw kara baa to gə ꞌma kara m-to gə dɔ nangə gə nee ang tɔ.

Jean 17:25

ꞌI Bɔ dəwje gə ꞌto dəw gə dana gadə le, dɔ nangə gər-i ang, ngaa ꞌma ɗaa m-gər-i ngaɓa ꞌjejee gə nee le ꞌgərə to gə ꞌI ula-m tɔ.

Jean 17:3

Təbə gə to gə ndɔ gə ndɔ gə le, gə mba kar ꞌgər-i, ꞌI gə gə kar-i baa gə ꞌto Luba gə tɔgərɔ, ngaɓa ye gə ꞌI ula-a, Jeju Kirisi le tɔ.

Jean 20:28

Toma ila kəne ɗaa pa ar-ɛ na: Mbayɓe lə-m, ngaɓa Luba lə-m!

Jean 8:42

Jeju pa ar-je na: To gə ɓo Luba to bɔ-sijee nama a njigi-mje mba ꞌma m-ce mə Luba gə ɓa m-ɗe; m-ɗe gə dɔ-m baa ang, ngaa ꞌne ja ɓa n-ula-m.

Koula 20:28

Undaje kəm karə dɔ rɔ-si gə ngaɓa dɔ nekuulje tɔ̰y gə Njil Njerɔsangə unda-si gə nje ka dɔ-ɛje, mba kar uulje ne mbo̰ naa lə njetakagəje lə Luba, gə ye ja ta gə məs-e.

Romaindjé 9:5

gə bɔ-sijee-je, ngaɓa ɗəw gə lə-je gə darɔ gə ɓa Kirisi gə to dəw dɔ neje tɔ̰y ɗe ne, may kar ndu tɔr to dɔ Luba gə gə ndɔ gə ndɔ. Oyo!

1 Corinthiendjé 1:30

Ngaa to gə ꞌne ja ɓa n-um ne sisəy ne naa gə gə Kirisi Jeju, gə to kəm karə lə-sijee gə ḭ rɔ Luba gə, ngaɓa Kirisi təl-si gə dəwje gə gadə-gadə, unda-si gə losang-ɛ ngaɓa ɔr ne tar neɗa gə kṵra̰y dɔ-si gə.

2 Corinthiendjé 4:6

Mba Luba gə nje pa na: May kar lokarə ndogo dan cil ciməri gə, ꞌne le ja ɓa ndogo mə-sijee gə mba kar j-inga ne negərə gə unja ngadə ɔji dɔ riɓar lə-a gə ndogo ta kəm Jeju Kirisi gə.

2 Corinthiendjé 5:17

To gə ɓo dəw un rɔ-ɛ ar Kirisi nama, to nekunda gə sigi. Neje gə ləw nday, neje tɔ̰y təl to neje gə sigi.

Ephésiendjé 3:18

Be ɓa a kasə gərəje, naa gə kara baa gə njerɔsangəje tɔ̰y, se njigi le, tad-ɛ, gə ngal-ɛ, gə kuru lə-a, gə ndə̰w̰ lə-a, unda rɔ-ɛ to gə ban wa?

Philippiendjé 3:9

Be ɓa mba kar Luba o-m ne gə dəw gə gadə-gadə, gə go kula ɗa-m ꞌma ang nəm ngaɓa go kila kuji dɔ torondu gə ang nəm ngaa gə go takagə Kirisi, ɗaa Luba ja ɓa gɔl ɗəw kar dəw to ne gadə-gadə gə ɗəw takagə.

1 Timoce 3:16

Cibi, ne gə to kəm kar ja gərə-je ɓa nee, negərə gə to ɓəəl ya̰ gə to lokiya ɓa takagə tɔji-si le ɓa nee: N-təl tɔji rɔ-ɛ gə dəw, N-tɔji rɔ-ɛ gə dəw gə gadə-gadə mə Njil gə, N-tɔji rɔ-ɛ n-ar anjije, D-ila mbərə lə-a horo dəwje gə ꞌgərə Luba ang Ta kag-ɛ gə dɔ nangə gə nee D-ila riɓar dɔ-ɛ gə.

Tite 2:13

gə mba ngina ne ndɔ gə may gə j-um mə-si kəne. To ndɔ gə Jeju Kirisi gə to Luba gə boy gə njekaji-si a ɗe ne dan rɔnduba gə.

Ebərəje 1:8

Ngaa kar ngon-e ɗaa n-pa na: Ngəndəng mbay lə-i, əy Luba, to saar gə no. Ngaɓa, Miya̰ ko̰ mbay lə-i kara o̰ ne ɓe gə dɔ gɔl-ɛ.

1 Jean 2:23

Dəw gə ɗa-ɗa ɓa mbadə Ngon nama mbadə Bɔ dəwje, dəw gə gərə Ngon nama gərə Bɔ dəwje tɔ.

1 Jean 2:24

Gəl-e gə nee ɓa, tar gə sisəy oje kede dɔngɔr le, may kar uwaje Ngon gə Bɔ dəwje mə-si gə tɔ.

1 Jean 2:6

Dəw gə pa na n-um sə-a naa gə le, a kasə nja to gə ꞌne nja be.

1 Jean 4:14

Cibi sijee le, j-o ngaɓa j-a pa tar naji to gə Bɔ dəwje ula Ngon gə to Njekaji dəwje dɔ nangə nee.

1 Jean 4:16

Cibi sijee le, j-a gərə njigi gə Luba njigi-si, j-a ta ne kag-ɛ. Luba to njigi; dəw gə njigi to m-e gə nama, um naa gə Luba, ngaɓa Luba kara isi m-e gə tɔ.

1 Jean 4:2

Ne gə a gərəje ne njil lə Luba ɓa nee: njil gə ɗa-ɗa gə pa na Jeju Kirisi ɗe təl rɔ-ɛ to dəw ɗaa to Njil lə Luba;

1 Jean 5:1

Dəw gə ɗa-ɗa ɓa ta kagə to gə Jeju to Kirisi nama, Luba uji-e, Ngaɓa dəw gə ɗa-ɗa ɓa gə njigi Bɔ ngon je nama njigi ngon-e tɔ.

1 Jean 5:15

Cibi, to gə ɓo j-a gərə to gə n-o ndu-si nama, ɗi-ɗi ɓa j-a dəji-e kara, sijee j-a gərə to gə j-inga ne le nam.

1 Jean 5:18

Sijee j-a gərə to gə dəw gə ɗa-ɗa gə Luba uji-e le, ɗa neɗa gə kṵra̰y ang, mba dəw lə Luba le, ngom-e, ɗaa njeməkṵra̰y ɔr rɔ-ɛ ang.

1 Jean 5:5

Dəw gə nje cɛdə ɗɔ dɔ nangə to na wa? Be ang nama, dəw gə ta kagə to gə Jeju to Ngon lə Luba ja ɓa.

Apocalypse 15:3

D-ɔsə pa lə Moyiji, ngon njekula lə Luba nəm ɓa d-osə pa lə Ngon badəm na: Mbayɓe Luba gə Njesingamongə, kula ɗa-i bo ngaɓa to ɓəəl ya̰! Mbay gə njeko̰ dɔ dəwje tɔ̰y, ɗəw lə-i to gadə-gadə ngaɓa to tɔgərɔ!

Apocalypse 19:11

Be ɓa m-o kəm dara cɛ̰, ɗa kunda gə nda ɔsə lo ce. Dəw gə al-ɛ ri-a na Nje to ngon kuji gə Nje ɗa ne gə tɔgərɔ, n-gangə tar ngaɓa n-ɗa ɗɔ gə gadə-gadə tɔ.

Apocalypse 3:14

Ɗa mbede ar anji lə Mbo̰ naa lə njetakagəje gə Lawdise: Be ɓa n-ne gə Oyo, njetar naji gə njetakagə gə tɔgərɔ, Ngira nekundaje lə Luba pa na:

Apocalypse 3:7

ꞌƊa mbede ar anji lə mbo̰ naa lə njetakagəje gə Piladɛləpi ꞌpa na: A o, tar gə njerɔsangə, dəw gə gadə-gadə, Gə uwa ngon lakɛrɛ lə Dabidi ji-a gə, Gə ɔr ta ɗəw nama dəw a kudu ang, Gə udu ta ɗəw nama dəw kɔr ang pa le ɓa nee.

Apocalypse 6:10

D-uru ꞌkuwi gə ndu-je gə boy na: Saar ndɔ gə ɗa gə ja ɓa, ꞌɓəə neje, njerɔsangə gə dəw gə gadə-gadə, saar ndɔ gə ɗa gə ja ɓa kur-i a kəw gə mba kar-i ꞌgangə tar, gə ꞌdal ba̰a̰ məsə-sije dɔ dəwje gə dɔ nangə gə nee le wa?