1 Jean 5:19 - Mbede Lə Luba Kone Gə Sigi

¹⁹ Sijee j-a gərə to gə j-a to kar Luba, ɗaa dɔ nangə nee tɔ̰y to gəl njeməkṵra̰y gə.

Testament ke Siki 1960 (Kabba Laka)

¹⁹ Djèdjè ngeré djèdjè nto ngà Allah, ke nange nèn toï to dji ndjè kembaa té ke madjang.

1 Jean 5:19 ပူးပေါင်းရင်းမြစ်များ

Lugu 4:6

Ɗaa n-pa n-ar-ɛ na: M-a kar-i singa ko̰ dɔ ɓeko̰je ne tɔ̰y ngaɓa gə riɓar lə-je tɔ, mba d-iya̰ mə ji-m gə, dəw gə mə-m njigi ja nama m-ar-ɛ.

Jean 12:31

Ɓisine ɗaa to kar gangə tar dɔ dəwje gə dɔ nangə gə nee; Ɓisine ɗaa mbay gə dɔ nangə nee le, d-a tɔb-ɛ kila-a ɗaga.

Jean 14:30

M-a pa gə si tar gugu ɗangə ang ngaa, mba ngon mbay gə dɔ nangə gə nee le ɗe ngaa. ꞌMa le, n-asə ɗa sə-m ne kara ang,

Jean 16:11

ɔji dɔ gangə tar ɗaa ngon mbay gə dɔ nangə gə nee le, ꞌgangə tar dɔ-ɛ gə ngaa.

Jean 17:15

M-dəji-i mba kar odoje dɔ nangə gə nee gə ɗangə ang, ngaa mba kar ꞌngom-je ta njeməkṵra̰y gə.

Romaindjé 8:16

Njil nee le ja pa mə kəji gə lə-si ar-si to gə j-a to ngan lə Luba.

2 Corinthiendjé 1:12

Mba gəl ne gə sijee j-unda ne kar-si le, to gə tar naji gə mə kəji lə-si gə to nee: sijee ja nja pa nja gə horo dəwje gə dɔ nangə gə nee, ngaɓa horo-sisəy gə ja dɔ ngɔ, gə kɔsə rɔ ang, ngaɓa gə karə ngadə gə ḭ rɔ Luba gə; ɗaa mənuji lə Luba ɓa ɔr no-si ɓo kəm karə gə darɔ gə ang

2 Corinthiendjé 4:4

ngaɓa ɔji dɔ nje məkədərəje gə magə gə dɔ nangə nee rɛ̰ kəji negərə lə-je badə mba kar d-o ndogo lə Tar gə May kar riɓar lə Kirisi gə ta naa gə Luba le ang.

2 Corinthiendjé 5:1

Be ɓa, sijee j-a gərə gə maj-ɛ to gə darɔ-si gə to kəy kisi gə dɔ nangə gə nee le, to kəy lo gə d-a tḭ, sijee j-aw gə kəy gə Luba ɓa unda gəl-e mə dara gə, to kəy kisi gə a to gə ndɔ gə ndɔ, ɗaa kəy gə nee le ji dəw ɓa ɗa ang baa.

Galatedjé 1:4

Mbayɓe Jeju Kirisi gə un rɔ-ɛ uga ne neɗa gə kṵra̰y lə-si, mba kɔr-si ne dɔ ndɔje gə ɓogəne gə may ang gə go mənjigi lə Bɔ-sijee Luba.

Ephésiendjé 2:2

gə kede ləw ꞌnjaje kəne, logə ꞌnayje ne gə go pa nja gə dɔ nangə gə nee, mbay dɔ njilje gə njeko̰ dɔ loje, ꞌne gə njil gə nee, gə ɓisine n-aw ɗa kula rɔ njekal tarje gə.

2 Timoce 1:12

Ngaɓa gəl-e gə nee ja tɔ ɓa m-o ne ꞌməsərə ngaa rɔ kul uwa-m ang, mba m-ta kagə Kirisi Jeju. Ngaɓa m-gərə gə maj-ɛ to gə n-asə ngom ne gə n-um ji-m gə le saar ndɔ gə n-a təl ne.

Tite 3:3

Mba kede ləw le sijee ja kara j-a gərə ne kara ang. J-a mbadə koso kul no Luba gə nəm, j-a ndəəm nəm, j-a to ɓərəje lə ɓoje gə darɔ gə gə mal neje dang-dang. Ja to gə njeməngo̰yje, gə nje ɗa məje, kəm njigi-si ang ngaɓa ja njigi naa ang gə yo gə nee tɔ.

Jacques 4:4

Sisəy nje ɓogo lo toje, to gə ɓo neje gə dɔ nangə nee ɓa uwa mə-si nama, ꞌnjigije Luba ang gə dɔbo̰ le se, ꞌgərəje ang wa? Dəw gə njigi mba kuwa kura gə dɔ nangə nee nama to njeba̰a̰ lə Luba.

1 Jean 3:14

Sijee j-a gərə to gə j-a ce mə ji yo gə j-aw lo təbə gə, mba sijee ja njigi ngan ko̰-sijee. Dəw gə njigi ngon ko̰-ɛ ang le nay mə ji yo gə baa ɓi.

1 Jean 3:24

Dəw gə ar dɔ ndu-e gə le, um naa gə gə Luba ngaɓa Luba kara um sə-a naa gə tɔ, ye ɓa sijee ja gərə ne to gə n-um gə si naa gə, ɗəw gə lə Njil gə n-ar-si.

1 Jean 5:10

Dəw gə ta kagə Ngon lə Luba ɗaa tar naji nee le to m-e gə; ngaa dəw gə ta kagə Luba ang nama, dəb-e nee le o Luba gə njetar gə baa, mba mbadə ta kagə tar naji gə Luba pa ɔji dɔ Ngon-e le.

1 Jean 5:13

Gəl-e gə nee ɓa, m-ɗa ne mbede m-pa ne tar neje m-ar-si mba kar ꞌgərəje to gə ingaje təbə gə gə ndɔ gə ndɔ le nam, sisəy gə ꞌtaje kagə gə ri Ngon lə Luba.

1 Jean 5:15

Cibi, to gə ɓo j-a gərə to gə n-o ndu-si nama, ɗi-ɗi ɓa j-a dəji-e kara, sijee j-a gərə to gə j-inga ne le nam.

1 Jean 5:18

Sijee j-a gərə to gə dəw gə ɗa-ɗa gə Luba uji-e le, ɗa neɗa gə kṵra̰y ang, mba dəw lə Luba le, ngom-e, ɗaa njeməkṵra̰y ɔr rɔ-ɛ ang.

1 Jean 5:20

Sijee j-a gərə ja cibi to gə Ngon lə Luba ɗe ar-si kəji negərə mba kar j-a gərə ne Luba gə tɔgərɔ, ngaɓa j-a ga̰ gə Luba gə tɔgərɔ ɗəw gə lə Ngon-e Jeju Kirisi. ꞌNe gə to Luba gə tɔgərɔ nəm gə təbə gə gə ndɔ gə ndɔ.

Apocalypse 12:9

D-ɔs-ɛ d-ila-a dɔ nangə gə nee, da kɔb gə boy, gə to li gə kede ləw, ꞌne gə d-unda ri-a na ꞌSɛ̰ngərɛ̰ gə ꞌSu, ꞌne gə n-ɗa n-ar dəwje gə d-isi dɔ nangə tɔ̰y ꞌndəəm, d-ɔs-e d-ila-a nangə, ngaɓa anjije lə-a kara d-ɔsə-je d-umje sə-a tɔ.

Apocalypse 20:3

N-ila-a mə buwa wəl gə sṵra̰ godo, ɗaa n-udu t-ɛ badə ngaɓa n-ɔsə bəngə ji kəne mba kar n-ərə gəl kuji dəwje n-ar-je ꞌndəm ang saar mba kar ɓal gə tɔl dɔg lo kara udu ta naa bugum. Go-e gə ɗaa, may kar ꞌtudu-e d-ila-a tar asə dɔ kar njɛ̰ be.