1 Jean 5:18 - Mbede Lə Luba Kone Gə Sigi

¹⁸ Sijee j-a gərə to gə dəw gə ɗa-ɗa gə Luba uji-e le, ɗa neɗa gə kṵra̰y ang, mba dəw lə Luba le, ngom-e, ɗaa njeməkṵra̰y ɔr rɔ-ɛ ang.

Testament ke Siki 1960 (Kabba Laka)

¹⁸ Djèdjè ngeré nè ke Allah oudjè nè nda né ke madjang ang, a nè ke Allah oudjè nè ngemè nè ndja, ke ndjè kembaa ke madjang wèè ang.

1 Jean 5:18 ပူးပေါင်းရင်းမြစ်များ

Matiye 5:37

Ɓo tar ce ta-si gə na oyo nama oyo ja, a ɓo ə̰ə̰ə̰ nama ə̰ə̰ə̰ ja, ɓo tar gə ɗangə ore go-e nama to tar gə ḭ ta njekṵra̰y gə.

Matiye 6:13

ꞌTa-si ji Njekṵra̰y gə, ɓo iya̰ si ar j-oso dan nekərə gə ang. Mba ꞌi ja ɓa ɓeko̰, gə singamongə gə rɔnduba, To kar-i gə ɓal-ɓal, saar gə no. Oyo!

Jean 1:13

ꞌJejee nee le d-uji-je ɗəw məsə gə ang nəm, ɗəw mə njigi gə lə darɔ gə ang nəm, ɓa gə ɗəw gə mə njigi gə lə dəw ang nəm tɔ, ngaa gə ɗəw mə njigi gə lə Luba.

Jean 14:30

M-a pa gə si tar gugu ɗangə ang ngaa, mba ngon mbay gə dɔ nangə gə nee le ɗe ngaa. ꞌMa le, n-asə ɗa sə-m ne kara ang,

Jean 15:4

ꞌToje mə-m gə to gə ꞌma kara m-to mə-sisəy gə tɔ. Ɗəw kara baa to gə bar kəm bḭyə̰ gə nam kar kag-ɛ gə ang nama a kasə kandə gə dɔ rɔ-ɛ ang le, sisəy kara to gə ɓo ꞌnam-je kar-m ang nama a kandə-je ang tɔ.

Jean 15:7

To gə ɓo um-je sə-m naa gə ngaɓa uwaje tar lə-m mə-si gə nama ꞌdəjije ne gə mə-si njigi, ɗaa sisəy a kingaje.

Jean 15:9

Ɗəw kara baa to gə Bɔy njigi-m le ꞌma kara m-njigi sisəy tɔ; umje sə-m naa gə dɔ njigi gə lə-m.

Koula 11:23

Logə n-ce Antiyos gə to gə n-o mənuji lə Luba ɗaa n-ɗa rɔləl ngaɓa n-ula jingaw mə-je gə mba kar d-um mə-je dɔ Mbayɓe gə.

Jacques 1:18

Mə njigi lə-a ɓa n-uji ne si gə go ɗəw tar gə tɔgərɔ, mba kar j-a to neje gə dɔngɔr horo nekundaje gə lə-a (dɔngɔr nekundaje gə Mbede pa le uji dɔ takagə Jeju ose Luba).

Jacques 1:27

Nepolo gə arə ngadə, gə to ne gə mina kəm Luba gə Bɔ dəwje ang le ɓa nee: Ka lo gə dɔ ngan alje gə, gə jene ndubaje dan nekəmandoo gə ɗa-je, ngaɓa kɔsə neje gə mina gə dɔ nangə ne ngərəng.

1 Piyɛr 1:23

Sisəy gə ꞌtəl d-uji-si to gə sigi ɗəw gə lə ko ne gə a busu ang, ngaa ɗəw gə lə ko ne gə a to saar gə no, gə to tar lə Luba gə to kəm baa ngaɓa a kunda nangə ndɔ kara ang;

1 Jean 2:29

To gə ɓo sisəy ꞌgər-eje gə dəw gə gadə-gadə nam, to gə ɓo dəw ɗa-ɗa ɓa ɗa ne gə gadə-gadə nama may kar ꞌgərəje to gə ꞌne ja n-uji-e.

1 Jean 3:12

ɓo j-a ɗaje neɗa lə Ka̰yi gə to nje kar Njeməkṵra̰y gə tɔl ngon ko̰-ɛ ang. Ɗaa n-tɔl-ɛ mba ɗi ɓa wa? N-tɔl-ɛ mba kula ɗaje lə-a ꞌne gə kṵra̰y, ɗaa kar ngon ko̰-ɛ ɓa to gadə-gadə.

1 Jean 3:3

Dəw gə ɗa-ɗa ɓa unda m-e dɔ-ɛ gə nama a karə ngadə to gə ꞌne n-arə ngadə bənəng tɔ.

1 Jean 3:9

Dəw gə ɗa-ɗa gə Luba uji-e le ɗa neɗa gə kṵra̰y ang, mba ko ne lə Luba to m-e gə, ɗaa n-asə ɗa neɗa gə kṵra̰y ang, mba Luba uji-e.

1 Jean 4:6

Sijee le, j-a to dəwje lə Luba, nje gə gərə Luba ɓa d-o tar lə-si, dəw gə to dəw lə Luba ang le a ko tar lə-si ang; ɗəw gə nee ɓa j-a gərə ne Njil tar gə tɔgərɔ gə njil tar gə baa.

1 Jean 5:1

Dəw gə ɗa-ɗa ɓa ta kagə to gə Jeju to Kirisi nama, Luba uji-e, Ngaɓa dəw gə ɗa-ɗa ɓa gə njigi Bɔ ngon je nama njigi ngon-e tɔ.

1 Jean 5:15

Cibi, to gə ɓo j-a gərə to gə n-o ndu-si nama, ɗi-ɗi ɓa j-a dəji-e kara, sijee j-a gərə to gə j-inga ne le nam.

1 Jean 5:19

Sijee j-a gərə to gə j-a to kar Luba, ɗaa dɔ nangə nee tɔ̰y to gəl njeməkṵra̰y gə.

1 Jean 5:20

Sijee j-a gərə ja cibi to gə Ngon lə Luba ɗe ar-si kəji negərə mba kar j-a gərə ne Luba gə tɔgərɔ, ngaɓa j-a ga̰ gə Luba gə tɔgərɔ ɗəw gə lə Ngon-e Jeju Kirisi. ꞌNe gə to Luba gə tɔgərɔ nəm gə təbə gə gə ndɔ gə ndɔ.

1 Jean 5:21

Ngan-m gə gɔgɔ, ꞌngom-je rɔ-si dɔ magəje.

1 Jean 5:4

mba dəw ja gə Luba uji-e le cɛdə ɗɔ dɔ nangə, oje cɛdə ɗɔ dɔ nangə nee le to takagə lə-si.

Jude 1:21

Iyaje rɔ-si mə njigi gə lə Luba, nginaje ne məmay lə Mbayɓe lə-si Jeju Kirisi gə ar-si təbə gə gə ndɔ gə ndɔ.

Jude 1:24

ꞌNe gə n-asə ngom-si kar ꞌtugaje jigi osoje ang, kar-si ar-je gə no riɓar gə lə-a gə rɔ gə may pɛdə, gə rɔləl le,

Apocalypse 2:13

M-gərə lo gə isi kəne: lo-e nee le to dɔ ngəndəng mbay lə ꞌSu. Ngaa ꞌi le um mə-i dɔ ri-m gə jəb-jəb ngaɓa kagə-m gə ꞌta le uba ḭya̰ ang, dɔ ndɔje gə lə A̰tipas gə nje pa tar naji lə-m gə ngon kuji ja kara, ꞌtɔl-ɛ ɓe lə-si, lo gə ꞌSu isi kəne.