1 Jean 5:13 - Mbede Lə Luba Kone Gə Sigi

¹³ Gəl-e gə nee ɓa, m-ɗa ne mbede m-pa ne tar neje m-ar-si mba kar ꞌgərəje to gə ingaje təbə gə gə ndɔ gə ndɔ le nam, sisəy gə ꞌtaje kagə gə ri Ngon lə Luba.

Testament ke Siki 1960 (Kabba Laka)

¹³ Mam nda né nèn maketourou té maresè, sésè ke woidjé mèsè té ke ri Ngon lo Allah, baa ta kare sésè asidjé geré sésè éhdjé ke tébe ke ke ndò ke ndò.

1 Jean 5:13 ပူးပေါင်းရင်းမြစ်များ

Jean 1:12

Ngaa dəwje tɔ̰y gə d-uwa-a gə rɔ-je gə ngaɓa nje gə ꞌta kagə gə ri-a ɗaa, n-ar-je singamongə ar ꞌtəl ꞌto ne gə nganje lə Luba.

Jean 2:23

Logə Jeju isi mə ɓe gə Jerujalɛm, mba ɗa nay pagə le, dəwje bula ya̰ ꞌta kagə gə ri-a, mba d-o netɔjije gə n-ɗa.

Jean 20:31

Ɗaa, neje gə nee le, ꞌɗa mba kar-si ꞌtaje ne kagə to gə Jeju to Kirisi, Ngon lə Luba, ngaɓa gə ɗəw takagə gə nee tɔ ɗaa ingaje ne təbə gə ri-a tɔ.

Jean 21:24

Ngon njenendo gə nee le ja ɓa pa tar naji neje gə nee ngaɓa ɗa tar-ɛ mə mbede gə nee tɔ. Ɗaa ja gərə to gə tar naji lə-a le to tar gə tɔgərɔ.

Jean 3:18

Dəw gə ta kag-ɛ nama tar uwa dɔ-ɛ ang; ngaa dəw gə mbadə ta kag-ɛ nama tar uwa dɔ-ɛ nam, mba n-mbadə ta kagə gə ri Ngon kara lə Luba.

Jean 5:24

Tar gə tɔgərɔ ja, m-pa m-ar-si, dəw gə o tar lə-m ɓa ɓo ta kagə ye gə ula-m nama, inga təbə gə gə ndɔ gə ndɔ; a kaw lo gangə tar gə ang, ngaa ce ta yo gə mba kisi kəm baa.

Koula 3:16

Dəw gə ar aw o-eje gə ꞌgər-eje nee le, mbɔr dɔ takagə ri Jeju, ri gə nee le ja ɓa ar-ɛ singa ngaɓa ta kagə Jeju ja ɓa n-aji ne barang kəm-si gə tɔ̰y nee.

Koula 4:12

Dəw gə ɗangə kara gə kaji a kḭ rɔ-ɛ gə le godo, mba horo dəwje gə dɔ nangə nee le ri dəw kara gə j-a kaji ne godo.

2 Corinthiendjé 5:1

Be ɓa, sijee j-a gərə gə maj-ɛ to gə darɔ-si gə to kəy kisi gə dɔ nangə gə nee le, to kəy lo gə d-a tḭ, sijee j-aw gə kəy gə Luba ɓa unda gəl-e mə dara gə, to kəy kisi gə a to gə ndɔ gə ndɔ, ɗaa kəy gə nee le ji dəw ɓa ɗa ang baa.

Galatedjé 4:6

Ne gə tɔji to gə ꞌtoje nganje lə Luba le ɓa nee, Luba ula Njil Ngon-e mə-si gə. Njil ɓar ne wəəl na: Aba! Bɔy!

1 Piyɛr 5:12

Ɗəw gə lə ngon ko̰-si gə to dəw gə gadə-gadə, gə ri-a na Silibɛ̰ ɓa m-ɗa ne mbede nee, m-pa ne gə si tarje ɓəl, mba ndəji-si ne ngaɓa pa ne kar-si to gə mənuji lə Luba gə tɔgərɔ le, to to gə be ja ɗaa, uwaje gədərə kəm-si gə kede.

1 Jean 1:4

Ɗaa neje nee le, sijee j-a ɗa mə mbede gə mba kar rɔləl lə-sijee ɔr sṵra̰-a gə maj-ɛ.

1 Jean 2:1

Ngan-m gə gɔ-gɔ, m-ɗa mbede nee m-ar-si mba kar ꞌɗaje neɗa gə kṵra̰y ang. Ngaa to gə ɓo dəw oso dan neɗa gə kṵra̰y gə nama, njetadɔ-si ga̰ no Bɔ dəwje gə, Dəw nee le to Jeju Kirisi, n-to dəw gə gadə-gadə.

1 Jean 2:21

M-ɗa mbede m-ar-si mba sisəy ꞌlalje tar gə tɔgərɔ ang baa, ngaa mba sisəy gərə tar gə tɔgərɔ, ngaɓa tar gə ɗəgərə ce mə tar gə tɔgərɔ gə ang.

1 Jean 2:25

Ye ɓa to ne gə ɔji dɔ təbə gə ndɔ gə ndɔ gə n-uwa dɔ gɔl-ɛ n-ar-si.

1 Jean 2:26

M-ɗa mbede nee m-pa ne tar lə dəwje gə njigi kuru-si muu.

1 Jean 3:23

Oje ndu-e le ɓa nee: May kar j-a ta kagə gə ri ngon-e Jeju Kirisi, cibi j-a njigije naa gə yo gə nee gə go ndu gə n-un n-ar-si.

1 Jean 4:9

Oje ɗəw gə Luba kila ne njigi lə-a ar-si ɓa nee: Luba ula Ngon-e gə kara baa dɔ nangə gə nee mba kar j-inga təbə ɗəw lə-a.

1 Jean 5:10

Dəw gə ta kagə Ngon lə Luba ɗaa tar naji nee le to m-e gə; ngaa dəw gə ta kagə Luba ang nama, dəb-e nee le o Luba gə njetar gə baa, mba mbadə ta kagə tar naji gə Luba pa ɔji dɔ Ngon-e le.

1 Jean 5:11

Ɗaa oje tar naji nee le ɓa nee: Luba ar-si təbə gə ndɔ gə ndɔ, təbə nee le ḭ rɔ Ngon-e gə.

1 Jean 5:20

Sijee j-a gərə ja cibi to gə Ngon lə Luba ɗe ar-si kəji negərə mba kar j-a gərə ne Luba gə tɔgərɔ, ngaɓa j-a ga̰ gə Luba gə tɔgərɔ ɗəw gə lə Ngon-e Jeju Kirisi. ꞌNe gə to Luba gə tɔgərɔ nəm gə təbə gə gə ndɔ gə ndɔ.