1 Jean 4:9 - Mbede Lə Luba Kone Gə Sigi

⁹ Oje ɗəw gə Luba kila ne njigi lə-a ar-si ɓa nee: Luba ula Ngon-e gə kara baa dɔ nangə gə nee mba kar j-inga təbə ɗəw lə-a.

Testament ke Siki 1960 (Kabba Laka)

⁹ Deo té nèn ndiki lo Allah téh daka horodjè té leo, mbata Allah oula Ngonè ke kadaba nange nèn ta kare djèdjè djase kinga tébe deo té la.

1 Jean 4:9 ပူးပေါင်းရင်းမြစ်များ

Marəke 12:6

Ngon njigi lə-a gə nay kara baa ji-a gə ja n-ula-a ɓə lə-je gə bo̰ ɗaa n-əji m-e gə na: Ɓo to ngon-m nama d-a ɓəəl-e.

Lugu 4:18

Njil lə Mbayɓe isi dɔ-m gə, Mba n-um ubu dɔ-m gə. Mba kar m-aji nje gə ɓəngərə-je ti mbidi Mba kar m-ila mbərə Tar gə May m-ar njendooje. D-ula-m mba kar m-ta nje gə d-ula kəm-je ndoo m-um-je taar, Nje kəm tɔje kar d-a ko lo, Nje gə d-ula kəmje ndoo kar d-inga dɔ to ləl pɛ.

Jean 10:10

Njeɓogo ɗe gə mba ɓogo gə ɓogo, gə mba tɔl gə tɔl, ngaɓa gə mba busu ne gə busu ja baa. ꞌMa m-ɗe gə mba kar dəwje d-inga təbə, ngaɓa kar d-inga gə dɔ mar-ɛ dɔ mar-ɛ gə.

Jean 14:6

Jeju pa ar-ɛ na: ꞌMa ja m-to gə ɗəw, gə Tar gə tɔgərɔ gə təbə. Dəw kara kara a kasə kaw rɔ Bɔy gə lal ce gə ɗəw gə ɓe lə-m ꞌma ang.

Jean 3:16

Mba Luba njigi dəwje gə dɔ nangə gə nee ya̰ ɓa un ngon-e gə kara ɗəgədə ula-a mba kar dəw gə ɗa-ɗa ɓa ta kag-ɛ nama, a kuy ang magə, ngaa a kinga təbə gə gə ndɔ gə ndɔ.

Jean 3:18

Dəw gə ta kag-ɛ nama tar uwa dɔ-ɛ ang; ngaa dəw gə mbadə ta kag-ɛ nama tar uwa dɔ-ɛ nam, mba n-mbadə ta kagə gə ri Ngon kara lə Luba.

Jean 5:23

Mba kar dəwje tɔ̰y ja d-ila ne kɔji dɔ Ngon gə to to gə d-ila ne kɔji dɔ Bɔ gə be tɔ. Dəw gə ila kuji dɔ Ngon gə ang nama ila kuji dɔ Bɔ-ɛje gə ula-a le ang tɔ.

Jean 6:29

Jeju ila-je kəne na: Kula lə Luba le, to mba kar-sisəy ꞌtaje kagə ye gə ꞌne ja n-ula-a.

Jean 6:51

ꞌMa le, m-to mbə gə to kəm baa gə ḭ dara. To gə ɓo dəw usa mbə gə nee le nama a kaw kəm baa gə ndɔ gə ndɔ; ngaɓa mbə gə ꞌma m-a kar le, to gə darɔ-m gə m-ar mba təbə lə dəwje gə dɔ nangə gə nee.

Jean 6:57

Cibi, to gə Bɔ dəwje gə isi kəm baa ula-m, ngaɓa to gə ꞌma, m-isi kəm baa ɗəw gə lə Bɔ dəwje le, to gə be ja tɔ, dəw gə usa darɔ-m nama isi kəm baa ɗəw gə lə-m ꞌma tɔ.

Jean 8:29

Dəw gə njekula-m le ga̰ sə-m naa gə, n-ḭya̰-m gə kar-m ang, mba ꞌma m-ɗa ne gə ta kəm-e ja jaga-jaga.

Jean 8:42

Jeju pa ar-je na: To gə ɓo Luba to bɔ-sijee nama a njigi-mje mba ꞌma m-ce mə Luba gə ɓa m-ɗe; m-ɗe gə dɔ-m baa ang, ngaa ꞌne ja ɓa n-ula-m.

Jean 9:3

Jeju ila kəne na: ꞌNe ang nəm ɓa, nje kuj-eje ꞌɗa neɗa gə kṵra̰y ang nəm tɔ. Ngaa to to gə be gə mba kar Luba tɔji ne kula ɗ-ɛje gə ɗaga ɗəw gə lə-a.

Romaindjé 8:32

ꞌNe gə Ngon-e ja ɓi ɓa n-ɔr kəm-e ang, ngaa n-un-e mba dəwje tɔ̰y nee le ja n-a kasə kar-si ne tɔ̰y sə-a ɗəw mənuji gə ang wa?

Ebərəje 1:5

Anji gə ɗa ɓa Luba pa tar gə nee ar-ɛ ndɔ kara wa? Tar gə na: ꞌTo ngon-m, ꞌMa ja m-uji-i ɓogəne. Cibi ꞌMa ja m-a to Bɔ-ɛje, Ɗaa ꞌne n-a to ngon-m.

1 Jean 3:16

Ne gə sijee j-a gərə ne njigi lə ɓa nee: ꞌne le, n-un təbə lə-a n-uga nee dɔ-si. Be ɓa, sijee kara, j-un təbə mba ngan ko̰-sijee.

1 Jean 4:10

Ɗəw njigi gə Luba njigi-si le, to gə sijee ɓa j-a njigi-e kede ang baa, ngaa ꞌne ja ɓa n-njigi-si dɔngɔr ngaɓa n-ula Ngon-e to gə nekuga dɔ neɗa gə kṵra̰y lə-si.

1 Jean 4:16

Cibi sijee le, j-a gərə njigi gə Luba njigi-si, j-a ta ne kag-ɛ. Luba to njigi; dəw gə njigi to m-e gə nama, um naa gə Luba, ngaɓa Luba kara isi m-e gə tɔ.

1 Jean 5:11

Ɗaa oje tar naji nee le ɓa nee: Luba ar-si təbə gə ndɔ gə ndɔ, təbə nee le ḭ rɔ Ngon-e gə.

1 Jean 5:13

Gəl-e gə nee ɓa, m-ɗa ne mbede m-pa ne tar neje m-ar-si mba kar ꞌgərəje to gə ingaje təbə gə gə ndɔ gə ndɔ le nam, sisəy gə ꞌtaje kagə gə ri Ngon lə Luba.