1 Jean 4:6 - Mbede Lə Luba Kone Gə Sigi

⁶ Sijee le, j-a to dəwje lə Luba, nje gə gərə Luba ɓa d-o tar lə-si, dəw gə to dəw lə Luba ang le a ko tar lə-si ang; ɗəw gə nee ɓa j-a gərə ne Njil tar gə tɔgərɔ gə njil tar gə baa.

Testament ke Siki 1960 (Kabba Laka)

⁶ Djèdjè nto ngà Allah. Doou ke geré Allah wo tar lodjè, ke doou ke to ngä Allah ang wo tar lodjè ang. Deo té nèn djèdjè ngeré ndii tar ke tokoro ke ndii tar ke gatang.

1 Jean 4:6 ပူးပေါင်းရင်းမြစ်များ

Lugu 10:22

Bɔy ḭya̰ neje tɔ̰y ja mə ji-m gə, ngaɓa dəw kara gə gərə-m ꞌma gə Ngon ang, Bɔy ja ɓa, ngaɓa dəw kara gərə Bɔy godo, ɗaa ꞌma gə Ngon ja ɓa m-a kila gəl-e gə ɗaga kar dəw gər-e.

Jean 10:16

Badəmje lə-m gə ɗangə ꞌga̰ kəne əng ɓi gə ꞌgodo mə kinga gə nee ɗaa ꞌje gə kən kara, may kar-m m-ɗe gə je; d-a ko ndu-m ɗaa d-a kum naa gə kuduɓe kara baa ngaɓa njekuul-je kara kara baa tɔ.

Jean 10:27

Badəmje lə-m d-o ndu-m, ꞌma le, m-gərə-je, ɗaa ꞌjejee ꞌndole go-m tɔ.

Jean 10:3

Njengəm ta ɗəw ɔr ta ɗəw ar-ɛ ɗaa badəmje d-o ndu-e; badəmje gə ꞌto gə njeka-ɛje le, n-ɓar-je, ye gə ɗa-ɗa kara gə ri-a ri-a, ɗaa n-aw gə je ɗaga.

Jean 13:20

Tar gə tɔgərɔ ja, m-pa m-ar-si, dəw gə uwa njeka̰ykula lə-m gə rɔ-ɛ gə nama to gə ꞌma ja ɓa nj-ɛ uwa-m gə rɔ-ɛ gə kən, ngaɓa dəw gə uwa-m gə rɔ-ɛ gə nama to gə njekula-m ɓa nj-ɛ uwa-a gə rɔ-ɛ gə əng tɔ.

Jean 14:17

Njil tar gə tɔgərɔ gə dəwje gə dɔ nangə gə nee d-a kasə kinga ang, mba d-o-e ang ngaɓa ꞌgər-e ang nəm tɔ. Sisəy ꞌgər-eje mba n-isi gə si gə naa gə, ngaɓa n-a kisi mə-si gə tɔ.

Jean 15:26

Logə njekuul mə dəwje gə m-a kar a kḭ rɔ Bɔy gə ɗe ye to gə njil tar gə tɔgərɔ gə m-a kula-a a kḭ rɔ Bɔy gə ɗe ɗaa, ꞌne ja gə dɔ-ɛ n-a pa tar naji lə-m.

Jean 16:13

Logə Njil gə njetar gə tɔgərɔ a ɗe ɗaa, a kɔr no-si ɗəw tar gə tɔgərɔ gə ja tɔ̰y. Mba n-a pa tar gə dɔ rɔ-ɛ baa ang, nga tarje tɔ̰y gə n-a ko le ja ɓa n-a pa ɓi, ngaɓa neje tɔ̰y gə a ɗe le, n-a pa tar-ɛ kar-sisəy tɔ.

Jean 18:37

Pilad pa ar-ɛ na: Ɗaa, ꞌi le, ꞌto mbay ɓa kən wa? Jeju ila kəne na: ꞌI ja ꞌpa, m-to Mbay. O, gəl ne gə d-uji-m ne gə gəl ne gə m-ɗe ne dɔ nangə gə nee le ɓa nee, m-ɗe mba pa tar naji lə tar gə tɔgərɔ. Na-na ɓa to gə nje kar tar gə tɔgərɔ nama o ndu-m.

Jean 20:21

Be ɓa, Jeju pa to ɗangə ar-je ja cibi na: Ɗɛgɛgɛ nay gə si! To gə Bɔ dəwje ula-m le, ꞌma kara m-ula-si tɔ.

Jean 8:19

To gə be ɓa ꞌdəji-e na: Bɔ-ije ga̰ ɗa wa? Jeju ila kəne na: ꞌMa kara ꞌgərə-mje ang nəm Bɔy kara ꞌgər-eje ang nəm tɔ. To gə ɓo ꞌgərə-mje nama Bɔy kara a gər-eje tɔ.

Jean 8:23

Jeju ila-je kəne na: Sisəy ꞌtoje gə nangə nee, a ꞌma m-to gə taar nu; sisəy ꞌtoje gə dɔ nangə gə nee, ngaa ꞌma le, m-to gə dɔ nangə gə nee ang.

Romaindjé 1:1

Pɔl, ngon njekula lə Kirisi Jeju, gə ꞌɓar-m kar m-to njeka̰ykula ngaɓa d-unda-m gə lo-e ɓədə kar m-ila mbərə Tar gə May lə Luba;

Romaindjé 11:8

to gə ꞌɗa ne mə mbede gə na: Luba ar njil negərə lə-je to ɓi, ar kəm-je o nembo̰ baa, Ngaɓa n-ar mbi-je o tar ang, Saar ce ɓogəne.

1 Corinthiendjé 14:37

Dəw gə to gə ɓoo rɔ-ɛ gə pajambərə ose gə dəw njil ɔr kəm-e nama may kar gərə gə maj-ɛ tar gə m-ɗa mə mbede gə nee le gə ndu Mbayɓe.

2 Corinthiendjé 10:7

May kar-si ɔr-je kəm neje gə maj-ɛ! To gə ɓo dəw ja gərə gə darɔ-ɛ to gə ꞌne n-to kar Kirisi nama, may kar gərə ne gə to nee: To gə ɓo n-to nje kar Kirisi nama sijee kara ja to nje kar Kirisije ja tɔ.

2 Thessaloniciendjé 1:8

n-a ɗe mə pər gə a ko̰ bilim-bilim, mba bɛ̰ ta dəwje gə gərə Luba ang, gə dəwje gə d-ila kuji dɔ Tar gə May gə lə Mbayɓe lə-si Jeju ang.

1 Timoce 4:1

Be ɓa Njil pa arə ngadə ja na: dɔ ndɔ gə gugu le, dəwje gə kɛm d-a tusu takagə lə-je kḭya̰ mba kuwa go kəji gə baa nəm gə netɔjije lə njilje gə kṵra̰y.

2 Piyɛr 3:2

mba kar mə-si ole ne dɔ tarje gə pajambərəje gə to gə losang-ɛ ꞌpa kede, ngaɓa gə dɔ ndu gə Mbayɓe gə Njekaji-si un ar njeka̰ykulaje lə-si.

1 Jean 4:1

Ngan ko̰-mje gə m-njigi-si ya̰, ꞌtaje kagə njil tɔ̰y baa ang, ngaa ꞌnaje njilje oje se ꞌtoje kar Luba ja wa; mba pajambərəje gə gə mbɔr-ɛ bula ꞌɗe dɔ nangə nee.

1 Jean 4:4

Ngan-m gə gɔgɔ, sisəy le ꞌtoje kar Luba, ngaɓa ꞌcɛdəje ɗɔ pajambərəje gə mbɔr-ɛ, mba ye gə isi mə-si gə le to ɓəəl unda nje kisi dɔ nangə gə nee.

1 Jean 4:8

Dəw gə njigi to m-e ang le, gərə Luba ang mba Luba to njigi.

1 Jean 5:19

Sijee j-a gərə to gə j-a to kar Luba, ɗaa dɔ nangə nee tɔ̰y to gəl njeməkṵra̰y gə.

Jude 1:17

Ngaa sisəy gə m-njigi-si ya̰ le, ar-je mə-si ole dɔ tarje gə njeka̰ykulaje lə Mbayɓe lə-si Jeju Kirisi ꞌpa kede.