1 Jean 4:17 - Mbede Lə Luba Kone Gə Sigi

¹⁷ Oje ne gə tɔji to gə njigi may ne ɔr njal mə-si gə le ɓa nee: mba sijee j-a ɓəəl ndɔ gangə tar le ang, j-a ɓəəl ang mba kaw kəm baa lə-si dɔ nangə nee to asə naa gə kar Jeju be tɔ.

Testament ke Siki 1960 (Kabba Laka)

¹⁷ Deo té nèn ndiki ase toï mèdjè té, ta kare mèdjè oso pon ndò gange saria té, mbata deo kadaba tokou nè néh djèdjè djéh ban to ke nange nèn.

1 Jean 4:17 ပူးပေါင်းရင်းမြစ်များ

Matiye 10:15

Tar gə tɔgərɔ ja m-pa m-ar-si: Ndɔ gangə tar nama, tar gə d-a gangə dɔ ɓebo gə nee le, a kədərə ya̰ kunda kar ɓe gə Sɔdom gə Gɔmɔr.

Matiye 10:25

Ne gə kəm kar ngon njenendo ɗa, ɗaa ndəji kəm njenetɔji, ngaɓa ngon njekula ɗaa ndəji kəm ɓəə-eje tɔ. D-unda ri njekəy na to Bɛləjebul, gə to mbay lə njilje gə kṵra̰y ngaa kandə ɓa nje gə kəy lə-a d-a kunda ri-je to gə be ang wa?

Matiye 11:22

Gəl-e gə nee ɓa, m-pa m-ar-si to gə ndɔ gangə tar nama, tar gə d-a gangə dɔ-si gə le, a kədərə ya̰ kunda kar ɓe gə Tir gə ɓe gə Sido̰.

Matiye 11:24

Gəl-e gə nee ɓa, m-pa m-ar-si to gə ndɔ gangə tar nama, tar gə d-a gangə dɔ ɓebo gə nee le, a kədərə ya̰ kunda kar ɓe gə Sɔdom.

Matiye 12:36

M-pa m-ar-si to gə ndɔ gangə tar nama tarje gə pasəra gə dəwje d-aw pa le, d-a tura go-e.

Jean 15:20

Ar-je mə-si ole dɔ tar gə ꞌma m-pa m-ar-si: Ngon njekula to ɓəəl ya̰ unda ꞌɓəə-eje ang; to gə ɓo d-ula kəm-m ndoo nama sisəy kara d-a kula kəm-si ndoo tɔ; to gə ɓo ꞌngom tar lə-m ꞌma nama d-a ngom tar lə-sisəy tɔ.

Jean 17:22

Rɔnduba gə ula dɔ-m gə le, ꞌma kara m-ula dɔ-je gə tɔ gə mba kar ꞌto gə kara baa to sijee ja to gə kara baa tɔ.

Romaindjé 8:29

Mba nje gə n-gərə-je kede nam le, n-gɔl kede mba kar ꞌta naa gə ndaji Ngon-e, kar Ngon-e nee le to ne ngon dəər no ngan ko̰ naaje gə bula.

Ebərəje 9:27

Mba dəw gə ɗa-ɗa kara a kuy gɔl kara baa ja, a ɓo go-e gə nama lo gangə tar ngaɓa a kaw kəne le ɗaa,

Jacques 2:13

Mba ndɔ gangə tar le, ko kəmtondoo lə dəw gə o kəmtondoo ang le godo; ngaa dəw gə o kəmtondoo le, ye ɓəəl lo gangə tar ang.

Jacques 2:22

ꞌI o to gə takagə lə-a le aw naa gə kara baa gə kula ɗ-ɛ, ngaɓa kula ɗ-ɛ le gɔl takagə lə-a ar-ɛ may ɔr sṵra̰.

2 Piyɛr 2:9

Be ɓa Mbayɓe gərə ɗəw gə a ta ne dəwje gə nje kila kuji dɔ ne gə Luba je ta nena gə ngaɓa ḭya̰ ne njeneɗaje gə kṵra̰y ngina ne ndɔ gangə tar mba bɛ̰ ne ta-je,

2 Piyɛr 3:7

ngaa, gə go tar gə nje kara nee le ja, d-uwa ne dɔ gɔl dara gə nangə gə ɓisine ngina ne pər gə dɔ ndɔ gangə tar gə ngaɓa tuji gə nje gə gərə Luba ang d-a kuba.

1 Jean 2:28

Ɗaa nganje, ɓisine ɗaa, umje naa gə sə-a, mba kar dɔ ndɔ gə n-a tɔji rɔ-ɛ gə ɗaga ɗaa j-a ɓəəl ang, ngaɓa rɔ kul a kuwa-si ndɔ təl gə lə-a ang.

1 Jean 2:5

Ngaa dəw gə ngom tar lə-a nama, nj-ɛ nee le njigi Luba to gə tɔgərɔ gə mə gə kara baa. Ye ɓa ar j-a gərə to gə j-a ga̰ sə-a kara baa.

1 Jean 2:6

Dəw gə pa na n-um sə-a naa gə le, a kasə nja to gə ꞌne nja be.

1 Jean 3:1

Aje oje, pa njigi gə Bɔ dəwje njigi-si le ɓa ꞌɓar-si ne nganje lə Luba! Ɗaa, j-a to ngan-ɛ ja. Gəl ne gə dɔ nangə gərə ne si ang le ɓa nee: ꞌNe kara ꞌgər-eje ang tɔ.

1 Jean 3:3

Dəw gə ɗa-ɗa ɓa unda m-e dɔ-ɛ gə nama a karə ngadə to gə ꞌne n-arə ngadə bənəng tɔ.

1 Jean 3:7

Ngan-m gə gɔgɔ, ar-je dəw ərə-si ang, dəw gə to nje ɗa ne gə gadə-gadə le to dəw gə gadə-gadə ja tɔ, to gə ꞌne kara n-to dəw gə gadə-gadə.

1 Jean 4:12

Dəw gə o Luba ja kara kara godo. To gə ɓo j-a njigi naa gə yo gə nee nama, Luba isi mə-si gə, ngaɓa njigi lə-a kara may ɔr njal mə-si gə tɔ.