1 Jean 4:14 - Mbede Lə Luba Kone Gə Sigi

¹⁴ Cibi sijee le, j-o ngaɓa j-a pa tar naji to gə Bɔ dəwje ula Ngon gə to Njekaji dəwje dɔ nangə nee.

Testament ke Siki 1960 (Kabba Laka)

¹⁴ Djèdjè djo mbä ke djèdjè mpa tar nadji, ke Bò oula Ngonè ndja arè ndé to ndjè kadji ke nange nèn.

1 Jean 4:14 ပူးပေါင်းရင်းမြစ်များ

Jean 1:14

Tar le təl rɔ-ɛ gə dəw, cibi ɓa isi horo-si gə mənuji gə tar gə tɔgərɔ ɗusu m-e tub-tub, ngaɓa sijee j-o rɔnduba lə-a, to to gə rɔnduba kar Ngon kara gə inga rɔ Bɔ-ɛje gə.

Jean 1:29

Lokar-ɛ ɗaa, Ja̰ o Jeju aw ɗe gə ɓə lə-a ɗaa, pa na: Oje Ngon badəm lə Luba gə a kɔr neɗa gə kṵra̰y lə dəwje gə dɔ nangə gə nee.

Jean 10:36

Dəw gə Bɔ dəwje ɔr-ɛ unda-a gə losang-ɛ ngaɓa ula-a dɔ nangə gə nee le, sisəy, ꞌpaje ar-ɛje na: ꞌTaji Luba, mba m-pa na: M-to gə Ngon lə Luba.

Jean 12:47

To gə ɓo dəw gə o tar lə-m ɓa ngom ang nama, ꞌma m-gangə tar dɔ-ɛ gə ang, mba m-ɗe mba gangə tar dɔ dəwje gə dɔ nangə gə nee ang baa, ngaa m-ɗe mba kaji dəwje gə dɔ nangə gə nee.

Jean 3:11

Tar gə tɔgərɔ, tɔgərɔ ja m-pa m-ar-i to gə, ne gə j-a gərə nəm, gə j-o gə kəm-si nəm ɓa ja pa tar naj-ɛ, ɗaa sisəy njigi-je tar naji lə-sijee ang.

Jean 3:32

ne gə n-o gə mbi-a gə kəm-e le ɓa n-pa tar naj-ɛ, ngaa dəwje ꞌta tar naji lə-a ang.

Jean 3:34

mba dəw gə Luba ula-a le, tar gə ta Luba gə ja ɓa ye pa, mba Luba ar Njil lal tura go-e.

Jean 4:42

Ɗaa ꞌpa d-ar jene le na: Mba tar lə-i gə ꞌpa ɓa sijee j-a ta ne kag-ɛ ang baa. Sijee ja j-o tar lə-a gə mbi-si ɗaa j-a gərə to gə n-to njekaji dəwje to gə tɔgərɔ ja.

Jean 5:39

ꞌTənje mə mbedeje so-so, mba sisəy əjije to gə ɗəw gə kəne nama a kingaje təbə gə gə ndɔ gə ndɔ: Mbedeje gə nee le ja ɓa pa tar naji ɔji dɔ-m.

Koula 18:5

Logə Silas je gə Timoce d-ɔdə d-aw ɓeko̰ gə Masedowan ngaa Pɔl ila rɔ-ɛ kula kila mbərə, gə pa tar naji ar Jiibije to gə Jeju ja to Kirisi.

1 Piyɛr 5:12

Ɗəw gə lə ngon ko̰-si gə to dəw gə gadə-gadə, gə ri-a na Silibɛ̰ ɓa m-ɗa ne mbede nee, m-pa ne gə si tarje ɓəl, mba ndəji-si ne ngaɓa pa ne kar-si to gə mənuji lə Luba gə tɔgərɔ le, to to gə be ja ɗaa, uwaje gədərə kəm-si gə kede.

1 Jean 4:10

Ɗəw njigi gə Luba njigi-si le, to gə sijee ɓa j-a njigi-e kede ang baa, ngaa ꞌne ja ɓa n-njigi-si dɔngɔr ngaɓa n-ula Ngon-e to gə nekuga dɔ neɗa gə kṵra̰y lə-si.

1 Jean 5:9

To gə ɓo j-o tar naji lə dəwje nama, tar naji lə Luba bo ya̰; mba tar naji lə Luba le to tar naji gə pa ɔji dɔ Ngon-e.