1 Jean 4:10 - Mbede Lə Luba Kone Gə Sigi

¹⁰ Ɗəw njigi gə Luba njigi-si le, to gə sijee ɓa j-a njigi-e kede ang baa, ngaa ꞌne ja ɓa n-njigi-si dɔngɔr ngaɓa n-ula Ngon-e to gə nekuga dɔ neɗa gə kṵra̰y lə-si.

Testament ke Siki 1960 (Kabba Laka)

¹⁰ Ke ndiki nèn to mbata to djèdjè ke ndiki Allah leo ang, a to nè ke ndikidjè, ke nè noula Ngonè ta dé to né polo kouka né ke madjang lodjè.

1 Jean 4:10 ပူးပေါင်းရင်းမြစ်များ

Jean 13:34

M-un ndu gə sigi m-ar-si: ꞌNjigije naa gə yo gə nee. Ɗəw kara baa to gə ꞌma m-njigi-si le, sisəy kara ꞌnjigije naa gə yo gə nee.

Jean 15:16

To gə sisəy ɓa ꞌmbərə-mje ang, to ꞌma ɓa m-mbərə-si m-unda-si mba kar-si awje ɓo andəje ngaɓa kar kandə-si to saar gə no; mba kar neje tɔ̰y gə a dəjije Bɔ dəwje gə ri-m nama kar-ɛ n-un n-ar-si.

Jean 3:16

Mba Luba njigi dəwje gə dɔ nangə gə nee ya̰ ɓa un ngon-e gə kara ɗəgədə ula-a mba kar dəw gə ɗa-ɗa ɓa ta kag-ɛ nama, a kuy ang magə, ngaa a kinga təbə gə gə ndɔ gə ndɔ.

Jean 6:51

ꞌMa le, m-to mbə gə to kəm baa gə ḭ dara. To gə ɓo dəw usa mbə gə nee le nama a kaw kəm baa gə ndɔ gə ndɔ; ngaɓa mbə gə ꞌma m-a kar le, to gə darɔ-m gə m-ar mba təbə lə dəwje gə dɔ nangə gə nee.

Ebərəje 2:17

Cibi ɓa ɗəw neje gə tɔ̰y ja n-a təl ta naa gə ngan ko̰-ɛ kəne ɓa gə mba təl to buba njekapolo gə nje ɗa məmay, gə dəw gə gadə-gadə, ɗəw kula gə lə Luba kɔr ne tar neɗa gə kṵra̰y dɔ dəw mə ɓeje gə.

1 Piyɛr 2:24

ꞌne gə n-unda dɔ-ɛ kede n-ta ne neɗaje gə kṵra̰y lə-si, n-uy ne dɔ kagə gə, mba kar-sijee gə ja to dəwje gə j-uy ɗəw neɗa gə kṵra̰y gə le, j-aw ne kəm baa ɔji dɔ neɗa gə dana gadə, ngaɓa do gə ninga le ɓa ajije ne kəbərə.

1 Piyɛr 3:18

Mba Kirisi kara o ꞌməsərə gɔl kara gə dɔbo̰ ja mba neɗaje gə kṵra̰y, ꞌne gə to dəw gə gadə-gadə ja, n-o ꞌməsərə mba sisəy gə tar uwa dɔ-si, mba kɔr ne no-si kaw ne gə si ɓə lə Luba. ꞌTɔl-ɛ ɗəw darɔ gə, ngaa d-ar n-təl n-aw kəm baa ɗəw Njil gə.

1 Jean 2:2

Ɗaa ꞌne n-un rɔ-ɛ gə nepolo n-uga nee dɔ neɗa gə kṵra̰y dɔ-si gə, dɔ-sijee gə ɓa gə kar-si baa ang, ngaa dɔ dəwje tɔ̰y gə dɔ nangə nee.

1 Jean 3:1

Aje oje, pa njigi gə Bɔ dəwje njigi-si le ɓa ꞌɓar-si ne nganje lə Luba! Ɗaa, j-a to ngan-ɛ ja. Gəl ne gə dɔ nangə gərə ne si ang le ɓa nee: ꞌNe kara ꞌgər-eje ang tɔ.

1 Jean 4:19

Ye gə ɔji dɔ sijee ɗaa, njigi to mə-si gə mba ꞌne ja n-njigi-si dɔngɔr.

1 Jean 5:11

Ɗaa oje tar naji nee le ɓa nee: Luba ar-si təbə gə ndɔ gə ndɔ, təbə nee le ḭ rɔ Ngon-e gə.