1 Jean 4:1 - Mbede Lə Luba Kone Gə Sigi

¹ Ngan ko̰-mje gə m-njigi-si ya̰, ꞌtaje kagə njil tɔ̰y baa ang, ngaa ꞌnaje njilje oje se ꞌtoje kar Luba ja wa; mba pajambərəje gə gə mbɔr-ɛ bula ꞌɗe dɔ nangə nee.

Testament ke Siki 1960 (Kabba Laka)

¹ Sésè ke mam ndikisè nya, oundaidjé mèsè do ndildjé té toï ang, a enaaidjé ndildjé ta ko tokou dèdè nto ngä Allah, mbata prophètedjé ke ndjè ngem nya ndja do nange té nèn.

1 Jean 4:1 ပူးပေါင်းရင်းမြစ်များ

Marəke 13:21

To gə ɓo dəw pa ar-si na: Kirisi a ar nee, ose ye n-ar nu kən, nama ꞌtaje kag-ɛ ang.

Lugu 12:57

Mba ɗi ɓa ꞌgangəje tar dɔ ro si gə ja ɔji dɔ ne gə gadə-gadə ang wa?

Lugu 21:8

N-pa na: Undaje kəm karə dɔ rɔ-si gə mba kar dəw ərə si ar-si ꞌndəəm-je ang, mba dəwje bula d-a ɗe gə ri-m, ngaɓa d-a pa na: To gə ꞌma ja. Cibi d-a pa na: Dɔ kar asə ngaa; nama ꞌndoleje go-je ang.

Koula 17:11

Jiibije gə Bere nee le kəji lə-je may unda nje gə Tesaloniki, ꞌtaje tar gə mə kara ngaɓa ꞌtənje mbedeje lə Luba so-so gə ndɔ-ndɔ mba ko se tar gə d-aw pa d-ar-je le to gə dɔ gɔl-ɛ ja wa?

Koula 20:29

ꞌMa m-gərə to gə logə m-a kaw nama, njagəmanjɛrje gə to ɓəəl d-a kandə horo-si gə mba busu nekuulje,

1 Corinthiendjé 12:10

ar dəw gə ɗangə singa ɗa nemisije; ar dəw gə ɗangə ɓi, kar pa tar gə pajambərə, ar dəw gə ɗangə ɗəw kɔr kəm njilje; ar dəw gə ɗangə pa ndo̰ tarje dang-dang; ar dəw gə ɗangə, kar ndaji ndo̰ tarje.

1 Corinthiendjé 14:29

Ɔji dɔ pa tar gə pajambərəje le ɗaa, may kar dəwje joo ose munda ꞌpa tar nama, nje gə kɛm d-unja kəm-e,

1 Thessaloniciendjé 5:20

ꞌDabəje tar gə ta pajambərəje gə ang;

1 Thessaloniciendjé 5:21

ngaa ꞌtənje neje tɔ̰y so-so ɗaa ɔrəje kəm ꞌye gə may;

2 Thessaloniciendjé 2:2

tar gə dəw a pa na njil gə be ɓa pa, ose tar gə ban-ban gə dəw pa, ose mbede gə ɗa-ɗa gə d-a pa na sijee ɓa ja ɗa, ɓa gə mba pa ne kar-si to gə ndɔ təl lə Mbayɓe le ce ɗaa, ar-je tar kəji lə-si aw gə yo gə nee gə ngɔdə baa ang.

1 Timoce 4:1

Be ɓa Njil pa arə ngadə ja na: dɔ ndɔ gə gugu le, dəwje gə kɛm d-a tusu takagə lə-je kḭya̰ mba kuwa go kəji gə baa nəm gə netɔjije lə njilje gə kṵra̰y.

2 Timoce 3:13

Ngaa njeməngo̰yje gə njekunja liba kəm-je gə je le, ꞌSu a kərə-je ɗaa neɗaje gə kṵra̰y a kɔsə dɔ mar-ɛ gə kede-kede ngaɓa d-a kərə ne nje gə kɛm gə d-a kərə ne darɔ-je nəm tɔ.

2 Piyɛr 2:1

Be ɓa kede ləw kara pajambərəje gə gə mbɔr-ɛ ꞌga̰ horo dəw mə ɓeje gə, ɗəw kara baa, horo-sisəy gə kara njenetɔjije gə gə mbɔr-ɛ ꞌtɔji neje gə baa gə kar kuba tuji ngaɓa ꞌturu gir-je d-ar Mbayɓe gə ndogo-je, mba kar tuji uba-je ne nangə bus.

1 Jean 2:18

Ngan-m gə gɔgɔ, oje, j-isi dɔbo̰ ndɔ gə, to gə sisəy oje tar-ɛ na nje kəm tar lə Kirisi aw ɗe; ngaɓa ɓogəne ne kara nje kəm tarje lə Kirisi bula ꞌga̰ nee, gəl-e gə nee ɓa sijee ja gərə ne to gə dɔbo̰ ndɔ ɗe nam.

1 Jean 2:7

Ngan ko̰-mje gə m-njigi-si ya̰, to ndu gə sigi ɓa m-ɗa mbede gə m-ar-si ang baa, ngaa to ndu gə ləw gə ga̰ ji-si gə lo kuma kudu neje gə kede ləw baa. Ndu gə ləw gə to tar gə oje le.

2 Jean 1:7

Be ɓa, nje kərə dəwje bula ꞌce dɔ nangə nee, ꞌjejee gə ꞌpa na Jeju Kirisi ɗe ɗəw darɔ ang. Oje dəw gə pa ta gə bənəng le to nje kərə dəwje, nje kəm tar lə Kirisi.

3 Jean 1:11

Ngon ko̰-m gə m-njigi-i ya̰, may kar ꞌndaji ne gə kṵra̰y ang, ne ꞌndaji ne gə may. Nje ɗa may le to nje kar Luba, ngaa nje ɗa ne gə kṵra̰y le o Luba ang.

Apocalypse 2:2

M-gərə kula ɗa-ije gə kula lə-i, gə kuwa gədərə lə-i, ngaɓa asə kɔsə kudu njeməyɛrje ang tɔ. ꞌI ꞌna mə dəwje gə d-uwa rɔ-je gə ngan njekulaje ɗaa ꞌto gə njeka̰ykulaje ang baa, ɗaa ꞌgərə to gə ꞌto gə njetar gə ɗəgərəje.