1 Jean 3:5 - Mbede Lə Luba Kone Gə Sigi

⁵ Cibi sisəy ꞌgərəje som, dəw gə ɗe tɔji rɔ-ɛ gə ɗaga mba kɔr ne tar neɗa gə kṵra̰y lə dəwje le, neɗa gə kṵra̰y ɔr rɔ-ɛ ang.

Testament ke Siki 1960 (Kabba Laka)

⁵ Sésè egeridjé Jésus téh ta kòrou né ke madjang, ke né ke madjang to mèa té ngadji ang.

1 Jean 3:5 ပူးပေါင်းရင်းမြစ်များ

Matiye 1:21

N-a kuji ngon gə jingaw ɗaa, a kunda ri-a na Jeju mba ꞌne ja ɓa n-a kaji dəwje lə-a dɔ neɗa gə kṵra̰y gə.

Lugu 23:41

Sijee le, kar-si to gə ɗəb-e arə ngadə, j-inga nekuga dɔ ji ɔji dɔ kula ɗa si, ngaa ꞌne le, n-ɗa ne gə kṵra̰y kara ang baa.

Lugu 23:47

Njekun dɔ njeɗɔje gə tɔl o ne gə nday le ɗaa ɔsə gaji Luba na: Tɔgərɔ ja, dəw gə nee le ɗaa to dəw gə dana gadə-gadə.

Jean 1:29

Lokar-ɛ ɗaa, Ja̰ o Jeju aw ɗe gə ɓə lə-a ɗaa, pa na: Oje Ngon badəm lə Luba gə a kɔr neɗa gə kṵra̰y lə dəwje gə dɔ nangə gə nee.

Jean 1:31

ꞌMa ja kara m-gər-e ang, ngaa gə mba kar n-kila rɔ-ɛ gə ɗaga kəm Ijirayɛlje ɓa, m-ɗe m-ɗa ne batɛm mə man gə.

Jean 14:30

M-a pa gə si tar gugu ɗangə ang ngaa, mba ngon mbay gə dɔ nangə gə nee le ɗe ngaa. ꞌMa le, n-asə ɗa sə-m ne kara ang,

Jean 8:46

Na ɓa, horo-si gə nee, a pa tar kuwa-m ne ɔji dɔ neɗa gə kṵra̰y wa? To gə ɓo m-pa tar gə tɔgərɔ ɗaa, mba ɗi ɓa ꞌtaje kagə-m ang wa?

2 Corinthiendjé 5:21

Kirisi gə ɗa neɗa gə kṵra̰y ang, ngaa Luba odo neɗaje gə kṵra̰y lə-si um dɔ-ɛ gə mba kar-sijee ja təl ja to ne dəwje gə gadə-gadə no Luba.

1 Timoce 1:15

Tar gə tɔgərɔ gə kəm ta ji joo le ɓa nee: Jeju Kirisi le ɗe dɔ nangə gə nee mba kaji njeneɗaje gə kṵra̰y, ɗaa ꞌma ja m-to dɔngɔr dəw to gə tɔgərɔ.

1 Timoce 3:16

Cibi, ne gə to kəm kar ja gərə-je ɓa nee, negərə gə to ɓəəl ya̰ gə to lokiya ɓa takagə tɔji-si le ɓa nee: N-təl tɔji rɔ-ɛ gə dəw, N-tɔji rɔ-ɛ gə dəw gə gadə-gadə mə Njil gə, N-tɔji rɔ-ɛ n-ar anjije, D-ila mbərə lə-a horo dəwje gə ꞌgərə Luba ang Ta kag-ɛ gə dɔ nangə gə nee D-ila riɓar dɔ-ɛ gə.

Tite 2:14

Kirisi ja un rɔ-ɛ uga ne dɔ-si, ɓa ɔr ne si dan neɗa gə kṵra̰y gə. N-ɗa to gə be mba mbo̰ ne si gə dəwje lə-a gə n-mbərə-je n-togo-je ngaɓa mba kar ɓo ɗa kulaje gə may-may to ne mə-si gə.

Ebərəje 1:3

ꞌNe gə n-to ndogo rɔnduba lə-a, n-tɔji lo kunda rɔ lə-a, n-ɗa neje tɔ̰y gə singamongə tar gə t-ɛ gə, logə n-togo neɗaje gə kṵra̰y tɔ̰y ɗaa, n-aw n-isi dɔ ji kɔl Luba gə dara,

Ebərəje 4:15

Mba buba njekapolo lə-si le a kasə kum gə si naa gə dɔ ɗəəm gə lə-si ja, gəl-e gə ne ɓa ꞌne kara nena ce dɔ-ɛ gə ɗəw kara baa to to gə sijee be ja tɔ, ngaa n-ɗa neɗa gə kṵra̰y ang.

Ebərəje 7:26

Buba njekapolo gə to gə be ja ɓa a la gə si: n-to njerɔsangə, tar uwa dɔ-ɛ ang, n-mina ang, n-to dang gə njeneɗaje gə kṵra̰y ngaɓa d-un-e d-unda dɔ dara gə taar,

Ebərəje 9:26

mba ɓo be nama, un kud-e lo kunda dara je gə nangə gə ja Kirisi a ko ꞌməsərə gɔl bula. Ngaa ɓisine gə to dɔ ɗudu ndɔ nee ɗaa n-un rɔ-ɛ gə nepolo gɔl kara baa ja n-ɔr ne tar neɗa gə kṵra̰y dɔ dəwje gə.

Ebərəje 9:28

Kirisi kara ɗəw kara baa ja tɔ, un rɔ-ɛ gɔl kara baa ja ta ne neɗa gə kṵra̰y dɔ dəwje gə bula, a ɓo ɗe lə-a gə gɔl joo nama n-a ɗe mba neɗa gə kṵra̰y ang, ngaa mba nje gə d-aw ngina-a mba kaji.

1 Piyɛr 1:18

ꞌGərəje to gə d-un neje gə a tuji, gə to lar ose maa ɓa ndogo-si ne ɗəw pa nja gə kṵra̰y gə, gə bɔ-sijee-je d-ḭya̰ gə nenduba d-ar-si le ang,

1 Piyɛr 1:20

ꞌmbər-e kede nam ɓa d-unda dara gə dɔ nangə ngaa ɓisine ꞌkila gə ɗaga dɔ ɗudu ndɔ gə nee mba tar lə-si.

1 Piyɛr 2:22

ꞌNe gə n-ɗa neɗa gə kṵra̰y ang, ꞌne gə tar kərə dəw ce t-ɛ gə ang;

1 Piyɛr 2:24

ꞌne gə n-unda dɔ-ɛ kede n-ta ne neɗaje gə kṵra̰y lə-si, n-uy ne dɔ kagə gə, mba kar-sijee gə ja to dəwje gə j-uy ɗəw neɗa gə kṵra̰y gə le, j-aw ne kəm baa ɔji dɔ neɗa gə dana gadə, ngaɓa do gə ninga le ɓa ajije ne kəbərə.

1 Piyɛr 3:18

Mba Kirisi kara o ꞌməsərə gɔl kara gə dɔbo̰ ja mba neɗaje gə kṵra̰y, ꞌne gə to dəw gə gadə-gadə ja, n-o ꞌməsərə mba sisəy gə tar uwa dɔ-si, mba kɔr ne no-si kaw ne gə si ɓə lə Luba. ꞌTɔl-ɛ ɗəw darɔ gə, ngaa d-ar n-təl n-aw kəm baa ɗəw Njil gə.

1 Jean 1:2

Təbə le tɔji rɔ-ɛ ar j-o, ngaɓa sijee j-a to njetar naj-ɛje, ɗaa j-ila mbərə təbə gə to ndɔ gə ndɔ j-ar-si, ngaɓa təbə nee le ga̰ naa gə kara baa gə Bɔ dəwje, ꞌne gə tɔji rɔ-ɛ gə ɗaga kəm sijee gə.

1 Jean 1:7

Ngaa to gə ɓo j-a njaje dan lokarə gə, to gə ꞌne kara n-to lokarə, nama j-a ɗa mə kara gə naa gə yo gə nee, ngaɓa məsə Jeju togo neɗa gə kṵra̰y lə-si tɔ̰y.

1 Jean 2:1

Ngan-m gə gɔ-gɔ, m-ɗa mbede nee m-ar-si mba kar ꞌɗaje neɗa gə kṵra̰y ang. Ngaa to gə ɓo dəw oso dan neɗa gə kṵra̰y gə nama, njetadɔ-si ga̰ no Bɔ dəwje gə, Dəw nee le to Jeju Kirisi, n-to dəw gə gadə-gadə.

1 Jean 2:2

Ɗaa ꞌne n-un rɔ-ɛ gə nepolo n-uga nee dɔ neɗa gə kṵra̰y dɔ-si gə, dɔ-sijee gə ɓa gə kar-si baa ang, ngaa dɔ dəwje tɔ̰y gə dɔ nangə nee.

1 Jean 2:29

To gə ɓo sisəy ꞌgər-eje gə dəw gə gadə-gadə nam, to gə ɓo dəw ɗa-ɗa ɓa ɗa ne gə gadə-gadə nama may kar ꞌgərəje to gə ꞌne ja n-uji-e.

1 Jean 3:8

Dəw gə nje ɗa neɗa gə kṵra̰y le to nje kar ꞌSɛ̰ngərɛ̰, mba ꞌSɛ̰ngərɛ̰ ɗa neɗa gə kṵra̰y ləw baa lo kuma kudu neje gə, Ngon lə Luba ɗe mba tuji kula ɗa lə ꞌSɛ̰ngərɛ̰.

Apocalypse 1:5

gə rɔ Jeju Kirisi gə nje pa tar naji lə Luba gə gədə, ꞌne n-to ngon dəər, gə dəw gə dɔngɔr gə ndol horo nje gə d-uy gə, gə dəw dɔ mbayje tɔ̰y gə dɔ nangə nee! ꞌNe gə n-njigi sijee gə ꞌne gə mbɔr dɔ məs-e ɓa n-ɔr ne sijee dan neɗa gə kṵra̰y gə,