1 Jean 3:3 - Mbede Lə Luba Kone Gə Sigi

³ Dəw gə ɗa-ɗa ɓa unda m-e dɔ-ɛ gə nama a karə ngadə to gə ꞌne n-arə ngadə bənəng tɔ.

Testament ke Siki 1960 (Kabba Laka)

³ Doou ke ngebe ban mè Jésus té, nè nda ta dé madji deo kadaba tokou Jésus to madji.

1 Jean 3:3 ပူးပေါင်းရင်းမြစ်များ

Matiye 5:48

To gə Bɔ-sijee gə isi mə dara gə may pɛdə-pɛdə le, sisəy kara ꞌmay-je pɛdə-pɛdə tɔ.

Lugu 6:36

ꞌƊaje məmay gə dəwje to gə Bɔ-sijee to ne nje ɗa məmay be tɔ.

Jean 17:19

ꞌMa ja gə dɔ-m kara, m-sangə rɔ-m mba tar lə-je, mba kar ꞌjejee ja kara, d-unda-je gə losang-ɛ ɗəw tar gə tɔgərɔ gə.

Koula 15:9

ꞌNe n-ɔr kəm-je dang gə sijee ang mba n-togo mə-je n-ar arə ngadə ɗəw takagə gə.

Romaindjé 15:12

Ejay kara pa tɔ, na: Ngira Jese le, a kuba, ꞌNe gə n-a kuba nangə kḭ mba kɔr no gəl kuji dəwje; Gəl kuji dəwje d-a kunda mə-je dɔ-ɛ gə.

2 Corinthiendjé 7:1

Sisəy gə m-njigi-si ya̰, mba d-uwa dɔ gɔl neje gə to gə be d-ar-si naa gə kara baa le ɗaa, ar-je si ja togoje ne gə mina gə darɔ-si gə, gə mə njil gə mba kar sangə rɔ aw nee ɗɔ-ɛ gə kede-kede tɔl ne t-ɛ bugum dan ɓəəl Luba gə.

Colossiendjé 1:5

mba ne kunda mə gə d-ar aw ngina si mə dara gə, gə go Tar gə May gə to tar gə tɔgərɔ gə ꞌpa d-ar-si ꞌgərəje kede le.

2 Thessaloniciendjé 2:16

May kar ꞌne gə Mbayɓe lə-si Jeju Kirisi je gə Bɔ-sijee Luba gə njigi-si ɓa ula jingaw mə-si gə gə ndɔ gə ndɔ ngaɓa ar-si ne kunda mə gə gə may pɛdə ɗəw mənuji gə le,

Tite 3:7

be ɓa, n-ɗa-si gə dəwje gə gadə-gadə gə go mənuji lə-a mba kar j-a təl to nje kuwa ndubaje ɗəw ne kunda mə dɔ gə lə-si ɔji dɔ təbə gə gə ndɔ gə ndɔ.

Ebərəje 12:14

May kar-si ꞌsangəje go ɗɛgɛgɛ mba kar to horo-si gə gə dəwje tɔ̰y ngaɓa sangə rɔ godo nama dəw a ko kəm Mbayɓe ang.

Ebərəje 6:18

be ɓa ɗəw gə lə neje gə joo gə ndu-e a turu kəne ang mba Luba asə pa tar gə ɗəgərə ang, a kar singa gə boy, ngaɓa lokiya rɔ mba cḭya̰ ne dɔ ne kunda mə gə d-uwa dɔ gɔl-ɛ d-ar-si.

Ebərəje 7:26

Buba njekapolo gə to gə be ja ɓa a la gə si: n-to njerɔsangə, tar uwa dɔ-ɛ ang, n-mina ang, n-to dang gə njeneɗaje gə kṵra̰y ngaɓa d-un-e d-unda dɔ dara gə taar,

Jacques 4:8

ꞌƊəmje gə rɔ Luba gə nama Luba kara a ɗəm gə rɔ-si gə tɔ. Njeneɗaje gə kṵra̰y, ꞌtogoje ji-si ngaɓa ar-je dɔ ɓəngərə-si arə ngadə tɔ, sisəy gə ꞌtoje gə ꞌpandəmje.

1 Piyɛr 1:15

ngaa, ɗəw kara baa to gə nje ɓar-si le to gə njerɔsangə ɗaa sisəy kara may kar ꞌsangəje rɔ-si dɔ pa nja-si gə tɔ̰y,

1 Piyɛr 1:3

Ndu tɔr to dɔ Luba gə Bɔ Mbayɓe lə-si Jeju Kirisije gə, gə go məmay lə-a gə boy ɓa uji si ne to gə sigi, ɗəw ce buwa yo gə lə Jeju Kirisi horo nje gə d-uy gə, mba kar j-unda ne mə-si dɔ kisi kəm baa gə,

2 Piyɛr 1:4

Ɗəw gə lə neje gə nee le ɓa, d-uwa ne dɔ gɔl neje gə boy-boy gə may to ɓəəl, mba kar ꞌce ne ta tujije gə, ɗe ɗəw gə lə ɓo neje gə o̰ ɓe dɔ nangə nee, mba kum ne naa gə Luba

2 Piyɛr 3:14

Gəl-e gə nee ɓa, sisəy gə m-njigi-si ya̰, uwaje rɔ-si ngang ar-ɛje n-ɗe n-inga-si gə rɔ gə arə ngadə ngaɓa kar tar uwa dɔ-si ang mba kar ɗɛgɛgɛ to ne horo-si gə gə Luba.

1 Jean 2:6

Dəw gə pa na n-um sə-a naa gə le, a kasə nja to gə ꞌne nja be.

1 Jean 4:17

Oje ne gə tɔji to gə njigi may ne ɔr njal mə-si gə le ɓa nee: mba sijee j-a ɓəəl ndɔ gangə tar le ang, j-a ɓəəl ang mba kaw kəm baa lə-si dɔ nangə nee to asə naa gə kar Jeju be tɔ.