1 Jean 3:24 - Mbede Lə Luba Kone Gə Sigi

²⁴ Dəw gə ar dɔ ndu-e gə le, um naa gə gə Luba ngaɓa Luba kara um sə-a naa gə tɔ, ye ɓa sijee ja gərə ne to gə n-um gə si naa gə, ɗəw gə lə Njil gə n-ar-si.

Testament ke Siki 1960 (Kabba Laka)

²⁴ Dooudjé toï ke ngem tè disi mèa té, ke nè nisi mèdè té. Deo té nèn djèdjè ngeré nè nisi mèdjè té deo té lo Ndil ke madji toï ke nè naredjè mbä.

1 Jean 3:24 ပူးပေါင်းရင်းမြစ်များ

Jean 10:38

Ngaa to gə ɓo m-ɗa nama, le ꞌtaje kagə-m ang kara, ꞌtaje kagə kulaje nee gə mba kar ꞌgərəje ne unja-si ngadə to gə Bɔy isi mə-m gə ngaɓa ꞌma kara m-isi mə Bɔy gə tɔ.

Jean 14:17

Njil tar gə tɔgərɔ gə dəwje gə dɔ nangə gə nee d-a kasə kinga ang, mba d-o-e ang ngaɓa ꞌgər-e ang nəm tɔ. Sisəy ꞌgər-eje mba n-isi gə si gə naa gə, ngaɓa n-a kisi mə-si gə tɔ.

Jean 17:21

May kar ꞌto gə kara baa, to gə ꞌI Bɔy ꞌga̰ mə-m gə ngaɓa ꞌma kara m-ga̰ mə-i gə tɔ, may kar ꞌjejee kara ꞌga̰ mə-sijee gə mba kar dɔ nangə ta ne kagə-m to gə ꞌI ja ula-m.

1 Corinthiendjé 3:16

ꞌGərəje to gə sisəy ꞌtoje kəy lə Luba, gə Njil Luba isi mə-si gə ang wa?

1 Corinthiendjé 6:19

ꞌGərəje ne gə nee ang wa? Darɔ-sisəy le to kəy lə Njil Njerɔsangə gə Luba ja ar-ɛ isi mə-si gə; ɗaa darɔ-sisəy le to kar-si ang.

2 Corinthiendjé 6:16

Kəy lə Luba je gə magəje d-a riya kone to gə ban wa? Mba sijee ja to kəy lə Luba gə Nje kisi kəm baa, to gə Luba pa ne na: M-a kisi gə je ngaɓa m-a nja horo-je gə M-a to Luba lə-je, ngaɓa ꞌjeje d-a to dəwje lə-m.

1 Thessaloniciendjé 4:8

Be ɓa dəw gə mbadə nduje gə nee le, to gə dəw ɓa nj-ɛ mbadə tar t-ɛ gə ang ngaa Luba gə nje kar-si Njil Njerɔsangə ɓa nj-ɛ mbad-e.

2 Timoce 1:14

Ne gə may le ngom gə go singa Njil Njerɔsangə gə to mə-si gə.

1 Jean 2:24

Gəl-e gə nee ɓa, tar gə sisəy oje kede dɔngɔr le, may kar uwaje Ngon gə Bɔ dəwje mə-si gə tɔ.

1 Jean 2:3

Be ɓa, to gə ɓo j-a ngom nduje lə-a gə maj-ɛ nama, ye ɓa a tɔji to gə j-a gər-e tɔ.

1 Jean 2:5

Ngaa dəw gə ngom tar lə-a nama, nj-ɛ nee le njigi Luba to gə tɔgərɔ gə mə gə kara baa. Ye ɓa ar j-a gərə to gə j-a ga̰ sə-a kara baa.

1 Jean 2:6

Dəw gə pa na n-um sə-a naa gə le, a kasə nja to gə ꞌne nja be.

1 Jean 3:22

Ne gə ɗa-ɗa ɓa gə j-a dəji nama, j-a kinga ji-a gə, mba sijee ja ngom ndu-e ngaɓa j-a ɗa ne gə may ta kəm-e gə.

1 Jean 4:7

Ngan ko̰-mje gə m-njigi-si ya̰, j-a njigi naa gə yo gə nee; mba njigi to Luba. Dəw ɗa-ɗa gə njigi to m-e gə nama, Luba uji-e ngaɓa gərə Luba tɔ.