1 Jean 3:23 - Mbede Lə Luba Kone Gə Sigi

²³ Oje ndu-e le ɓa nee: May kar j-a ta kagə gə ri ngon-e Jeju Kirisi, cibi j-a njigije naa gə yo gə nee gə go ndu gə n-un n-ar-si.

Testament ke Siki 1960 (Kabba Laka)

²³ Yèn to tè, to tar lodjè ta ko mèdjè té ke ri Ngonè Jésus Christ, ke ta ndikina horodjè té, deo kadaba tokou tè ke naredjè mbä.

1 Jean 3:23 ပူးပေါင်းရင်းမြစ်များ

Matiye 22:39

Njekum gə joo gə ta sə-a naa ɓa nee: ꞌNjigi njemar-i to gə darɔ-i be.

Marəke 9:7

Kil lə nji ɗe dəbə dɔ-je gə rigim, ɗaa ndu dəw ɓar m-e gə na: ꞌNe gə n-ar nee le n-to Ngon njigi lə-m, oje tar t-ɛ gə.

Jean 1:12

Ngaa dəwje tɔ̰y gə d-uwa-a gə rɔ-je gə ngaɓa nje gə ꞌta kagə gə ri-a ɗaa, n-ar-je singamongə ar ꞌtəl ꞌto ne gə nganje lə Luba.

Jean 13:34

M-un ndu gə sigi m-ar-si: ꞌNjigije naa gə yo gə nee. Ɗəw kara baa to gə ꞌma m-njigi-si le, sisəy kara ꞌnjigije naa gə yo gə nee.

Jean 14:1

Ar-je mə-si ila kasə dɛləm ang. ꞌTaje kagə Luba ngaɓa ꞌtaje kagə-m ꞌma nəm tɔ.

Jean 15:12

Ndu kun lə-m ꞌma le ɓa to nee: ꞌNjigije naa gə yo gə nee ɗəw kara baa to gə ꞌma kara m-ɓol-si be tɔ.

Jean 17:3

Təbə gə to gə ndɔ gə ndɔ gə le, gə mba kar ꞌgər-i, ꞌI gə gə kar-i baa gə ꞌto Luba gə tɔgərɔ, ngaɓa ye gə ꞌI ula-a, Jeju Kirisi le tɔ.

Jean 2:23

Logə Jeju isi mə ɓe gə Jerujalɛm, mba ɗa nay pagə le, dəwje bula ya̰ ꞌta kagə gə ri-a, mba d-o netɔjije gə n-ɗa.

Jean 3:18

Dəw gə ta kag-ɛ nama tar uwa dɔ-ɛ ang; ngaa dəw gə mbadə ta kag-ɛ nama tar uwa dɔ-ɛ nam, mba n-mbadə ta kagə gə ri Ngon kara lə Luba.

Jean 6:29

Jeju ila-je kəne na: Kula lə Luba le, to mba kar-sisəy ꞌtaje kagə ye gə ꞌne ja n-ula-a.

Koula 16:31

Pɔl je gə Silas d-ila kəne na: ꞌTa kagə Mbayɓe Jeju nama a kaji, ꞌi gə njeməkəyje lə-i.

Ephésiendjé 5:2

ngaɓa ꞌnja-je dan njigi gə ɗəw kara baa to gə Kirisi kara njigi sijee ɗaa ye ja un rɔ-ɛ ila mə ji Luba gə uga ne dɔ sijee gə nenuji, gə nekunja məsə, asə naa gə ba̰y kəndə mambo̰ gə ba̰y-e əndə ləl tɔ.

1 Thessaloniciendjé 4:9

Tar gə ɔji dɔ nuji kuwa gə horo-si gə le, sisəy a kaw-je ndoo-e kar dəw ɗa ne mbede ar-si ang, mba sisəy ja kara Luba tɔji-si kar-si ꞌnjigije naa gə yo gə nee.

1 Timoce 1:15

Tar gə tɔgərɔ gə kəm ta ji joo le ɓa nee: Jeju Kirisi le ɗe dɔ nangə gə nee mba kaji njeneɗaje gə kṵra̰y, ɗaa ꞌma ja m-to dɔngɔr dəw to gə tɔgərɔ.

1 Piyɛr 1:22

Mba ꞌtogoje mə-si ɗəw kila kuji dɔ tar gə tɔgərɔ gə, ɓa mba kar ꞌnjigije naa gə maj-ɛ gə ngan ko̰ naaje le ɗaa, may kar uwaje ji njigi naa lə-si nee le kɛgə, gə mə gə arə ngadə,

1 Piyɛr 4:8

Ne gə may ya̰ ja, njigije naa gə yo gə nee jaga-jaga, mba njigi on dɔ neɗaje gə kṵra̰y bula.

1 Jean 2:7

Ngan ko̰-mje gə m-njigi-si ya̰, to ndu gə sigi ɓa m-ɗa mbede gə m-ar-si ang baa, ngaa to ndu gə ləw gə ga̰ ji-si gə lo kuma kudu neje gə kede ləw baa. Ndu gə ləw gə to tar gə oje le.

1 Jean 3:11

Be ɓa, tar gə oje kede ləw baa lo kuma kudu neje gə le ɓa nee: J-a njigije naa gə yo gə nee;

1 Jean 4:15

Dəw gə pa gə t-ɛ na Jeju to Ngon lə Luba nama, Luba isi m-e gə ngaɓa dəb-e le um naa gə Luba gə tɔ.

1 Jean 4:21

Ndu gə j-inga ji-a gə ɓa nee: Dəw gə njigi Luba nama a njigi ngon ko̰-ɛ tɔ.

1 Jean 5:13

Gəl-e gə nee ɓa, m-ɗa ne mbede m-pa ne tar neje m-ar-si mba kar ꞌgərəje to gə ingaje təbə gə gə ndɔ gə ndɔ le nam, sisəy gə ꞌtaje kagə gə ri Ngon lə Luba.