1 Jean 3:22 - Mbede Lə Luba Kone Gə Sigi

²² Ne gə ɗa-ɗa ɓa gə j-a dəji nama, j-a kinga ji-a gə, mba sijee ja ngom ndu-e ngaɓa j-a ɗa ne gə may ta kəm-e gə.

Testament ke Siki 1960 (Kabba Laka)

²² Ke né ke djèdjè ndoudjou djinga né dja té, mbata djèdjè ngem tè ke djèdjè nda né ke to madji kèmè té.

1 Jean 3:22 ပူးပေါင်းရင်းမြစ်များ

Matiye 17:5

Logə Piyɛr aw pa tar be ja ɓi ɗaa, kil lə nji gə kasə rogo-rogo ɗe dəbə dɔ-je gə rigim. Ɗaa ndu dəw ɓar mə kil lə nji gə le na: ꞌNe gə nee le n-to Ngon njigi lə-m, gə n-to ngira rɔləl lə-m, oje tar t-ɛ gə.

Matiye 21:22

Ne tɔ̰y gə a dəjije Luba gə takagə le, a kingaje ja.

Marəke 11:24

To gə be ɓa, m-pa m-ar-si: Ne tɔ̰y gə ꞌdəjije Luba le ꞌtaje kagə to gə ingaje nam ɗaa, Luba a ɗa kar-si.

Jean 14:13

Ne tɔ̰y gə a dəjije gə ri-m le, m-a ɗa mba kar Bɔ dəwje inga rɔnduba ɗəw gə lə Ngon.

Jean 15:10

To gə ɓo ꞌngom-je ndu-m nama sisəy um-je sə-m naa gə dɔ njigi gə lə-m ɗəw kara to gə ꞌma m-ngom ndu Bɔy le ɗaa m-um ne sə-a naa gə dɔ njigi gə lə-a tɔ.

Jean 15:7

To gə ɓo um-je sə-m naa gə ngaɓa uwaje tar lə-m mə-si gə nama ꞌdəjije ne gə mə-si njigi, ɗaa sisəy a kingaje.

Jean 6:29

Jeju ila-je kəne na: Kula lə Luba le, to mba kar-sisəy ꞌtaje kagə ye gə ꞌne ja n-ula-a.

Jean 8:29

Dəw gə njekula-m le ga̰ sə-m naa gə, n-ḭya̰-m gə kar-m ang, mba ꞌma m-ɗa ne gə ta kəm-e ja jaga-jaga.

Jean 9:31

J-a gərə to gə Luba o ndu no lə njeneɗaje gə kṵra̰y ang; ngaa to gə ɓo dəw ndɔy Luba ngaɓa ɗa mə njigi lə-a nama, nj-ɛ nee le, Luba o ndu no lə-a ja.

Koula 17:30

Luba le, ḭya̰ go neje gə dəw ɗa dɔ kar mbə gə ɗaa ɓogəne ila mbərə ar dəwje gə lo tɔ̰y ja mba kar ꞌturu kəji lə-je,

Koula 20:21

m-pa gə ɗaga m-ar Jiibije gə dəwje gə ꞌgərə Luba ang mba kar turu kəji gə rɔ Luba gə ngaɓa ꞌta kagə Mbayɓe lə-si Jeju.

Philippiendjé 4:18

M-inga ne tɔ̰y ɗaa m-isi dan may gə ngaa; mə-m ti mbidi, mba ne gə ar-je Epaporoditə ɗe ne le əndə ləl to to gə ba̰y kəndə mambo̰ gə əndə sa̰a̰ be, to gə nepolo gə Luba njigi ngaɓa ta kəm-e tɔ.

Colossiendjé 1:10

mba kar pa nja-si to ne gə may gə asə ləl Mbayɓe dan neje gə tɔ̰y, mba kar ꞌɗaje ne kulaje gə may-may ja tɔ̰y ngaɓa kar ꞌtɔgəje ne dɔ gərə Luba gə gə kede-kede nəm tɔ.

Ebərəje 13:21

may kar n-ar-si singa ɗa ne tɔ̰y gə may mba ɗa ne mə njigi lə-a; may kar n-ɗa ne gə ləl-e mə-si gə ɗəw gə lə Jeju Kirisi, gə rɔnduba to k-ɛ gə ɓalje ɓalje! Oyo!

Jacques 1:5

Ngaa, to gə ɓo kəm karə lal dəw kara horo-si gə nama, may kar-ɛ dəji Luba gə nje kar ne dəwje tɔ̰y gə go məmay lə-a lal dəji ndu-je le nama, n-a kar-ɛ ja tɔ.

Jacques 4:3

ꞌDəjije ne nama ingaje ang mba ꞌdəjije gə go ɗəb-e ang, ngaɓa dəjije mba tɔl ne ɓo neje gə uwa-si ɓərə gə ja baa.

Jacques 5:16

ꞌPaje tar neɗa gə kṵra̰y lə-si gə ɗaga no naa gə ɗaa dəjije Luba ɔji dɔ naa gə yo gə nee, mba kar ajije ne. Dəji Luba lə dəw gə gadə-gadə le, ɓar mii ngaɓa tɔg-e to ya̰ tɔ.

1 Jean 2:3

Be ɓa, to gə ɓo j-a ngom nduje lə-a gə maj-ɛ nama, ye ɓa a tɔji to gə j-a gər-e tɔ.

1 Jean 5:14

Oje ne gə arə si singa ɓa nee: to gə ɓo j-a dəji-e ne gə go mə njigi lə-a nama, n-o ndu-si.