1 Jean 3:18 - Mbede Lə Luba Kone Gə Sigi

¹⁸ Ngan-m gə gɔgɔ, j-a njigije naa gə ta-si gə tar gə may baa ang, ngaa ꞌtɔjije njigi lə-si ɗəw kula gə ngaɓa gə tar gə tɔgərɔ.

Testament ke Siki 1960 (Kabba Laka)

¹⁸ Ngandjé ke ngadji, ase kare djèdjè ndikina ke tar aséh ke ndò ang, a ke koula ke tar ke tokoro.

1 Jean 3:18 ပူးပေါင်းရင်းမြစ်များ

Lugu 7:5

N-njigi gəl kuji lə-sijee ngaɓa n-unda kəy nendo n-ar-si tɔ.

Jean 17:19

ꞌMa ja gə dɔ-m kara, m-sangə rɔ-m mba tar lə-je, mba kar ꞌjejee ja kara, d-unda-je gə losang-ɛ ɗəw tar gə tɔgərɔ gə.

Romaindjé 12:9

May kar njigi to njigi gə tɔgərɔ, ɔsəje ne gə kṵra̰y ngərəng, oreje kəm-si ndəng dɔ ne gə may gə.

Galatedjé 5:13

Sisəy ɗaa, ngan ko̰-mje, ꞌɓar-si kar dɔ-si to doy; ɗaa ne kara ɓa le, may kar unje dɔ to doy nee le ꞌnjaje ne ɗəw darɔ gə ang, ngaa go ɗəw njigi ɗaa, ꞌɗaje kula ar-je naa gə yo gə nee.

Ephésiendjé 4:15

Tar gə tɔgərɔ gə ja pa gə ndu nuji le, ja tɔgə ne kang-kang ɔji dɔ neje tɔ̰y ɗəw gə lə Kirisi gə ye ja ɓa to gə dəw dɔ ne.

1 Thessaloniciendjé 1:3

Kula takagə gə ꞌɗaje, gə rɔ-si gə ulaje ndubu mba njigi ngaɓa kuwa gə uwaje gədərə dɔ kunda mə dɔ Mbayɓe gə lə-si Jeju Kirisi le, mə-sijee ole kəne no-gɔl Bɔ-sijee Luba gə.

1 Piyɛr 1:22

Mba ꞌtogoje mə-si ɗəw kila kuji dɔ tar gə tɔgərɔ gə, ɓa mba kar ꞌnjigije naa gə maj-ɛ gə ngan ko̰ naaje le ɗaa, may kar uwaje ji njigi naa lə-si nee le kɛgə, gə mə gə arə ngadə,

1 Jean 2:1

Ngan-m gə gɔ-gɔ, m-ɗa mbede nee m-ar-si mba kar ꞌɗaje neɗa gə kṵra̰y ang. Ngaa to gə ɓo dəw oso dan neɗa gə kṵra̰y gə nama, njetadɔ-si ga̰ no Bɔ dəwje gə, Dəw nee le to Jeju Kirisi, n-to dəw gə gadə-gadə.

1 Jean 3:7

Ngan-m gə gɔgɔ, ar-je dəw ərə-si ang, dəw gə to nje ɗa ne gə gadə-gadə le to dəw gə gadə-gadə ja tɔ, to gə ꞌne kara n-to dəw gə gadə-gadə.

2 Jean 1:1

ꞌMa ngatɔgə, m-ɗa mbede nee m-ar Nembaje gə mbər-e, m-ar ngan-ɛ gə m-njigi-je gə njigi gə tɔgərɔ ngaɓa ꞌma gə kar-m baa ɓa m-njigi-je ang, ngaa dəwje tɔ̰y gə ꞌgərə tar gə tɔgərɔ –

3 Jean 1:1

ꞌMa ngatɔgə, m-ɗa mbede nee m-ar ngon gə m-njig-e ya̰, Gayus gə m-njig-e mə tar gə tɔgərɔ gə.