1 Jean 3:10 - Mbede Lə Luba Kone Gə Sigi

¹⁰ Ye ɓa tɔji to gə nganje lə Luba ꞌto dang gə nganje lə ꞌSɛ̰ngərɛ̰. Dəw gə ɗa-ɗa gə ɗa ne gə gadə-gadə ang le, to kar lə Luba ang, ɗəw kara baa to gə dəw gə njigi ngon ko̰-ɛ ang nama to dəw lə Luba ang tɔ.

Testament ke Siki 1960 (Kabba Laka)

¹⁰ Deo té nèn da kase geré na to ngandjé lo Allah, ke na to ngandjé lo Satan, doou ke da né ke gaté gaté ang to ngà Allah ang, aséh doou ke ndiki ngoköè ang.

1 Jean 3:10 ပူးပေါင်းရင်းမြစ်များ

Matiye 13:38

ndɔ le to dɔ nangə, kandə ko gə may to nganje gə ɓeko̰ to ɔji dɔ-je; waa da̰w to ngan lə njekundagusu;

Lugu 6:35

Ngaa sisəy le, ꞌnjigije njeba̰a̰je lə-si, ꞌɗaje may ngaɓa ar-je ꞌtuna si ne lal kunda mə-si kəne. Nekuga dɔ ji lə-si a bo ya̰ ngaɓa a toje nganje lə Nje kisi sam dara gə, mba ꞌNe le n-ɗa məmay gə nje ɗa gasəraje nəm gə njeməndulje nəm tɔ.

Jean 1:12

Ngaa dəwje tɔ̰y gə d-uwa-a gə rɔ-je gə ngaɓa nje gə ꞌta kagə gə ri-a ɗaa, n-ar-je singamongə ar ꞌtəl ꞌto ne gə nganje lə Luba.

Jean 11:52

Ngaɓa gə mba gəl kuji Ijirayɛl ja gə kar-ɛ baa ang, ngaa gə mba mbo̰ ne nganje lə Luba gə ꞌsɛ̰rɛ̰ naa le dɔ naa gə gə darɔ gə kara baa.

Jean 8:44

Sisəy ꞌtoje gə nje kar bɔ-sijee ꞌSɛ̰ngərɛ̰, ɗaa ꞌnjigije mba ɗaje ne gə uwa mə bɔ-sijee. ꞌNe le, n-to nje tɔl dəwje kede ləw baa lo kuma kudu neje gə nu; ꞌne n-pa tar gə tɔgərɔ ang, mba tar gə tɔgərɔ godo ɓə lə-a. Logə n-pa tar gə ɗəgərə ɗaa, n-pa tar ɔji dɔ ne gə to k-ɛ ꞌne ja, mba n-to nje ɗəgərə ngaɓa n-to bɔ tar gə ɗəgərəje tɔ.

Jean 8:47

Dəw gə to nje kar Luba nama o tarje lə Luba; to gə ɓo sisəy, mbi-si o tar ang nama, mba to gə ꞌtoje dəwje lə Luba ang.

Koula 13:10

ngaɓa pa na: ꞋI gə tar kərə gə məngo̰y ɗusu mə-i njḭ, ngon lə ꞌSɛ̰ngərɛ̰, njeba̰a̰ lə neɗa gə gadə-gadə tɔ̰y, kuwa tar gə tɔgərɔ lə Mbayɓe ndṵrḭ le a kunda ngang-ɛ ang gə no ja wa?

Romaindjé 13:8

Ar-je ɓangə lə dəw to dɔ-si gə ang, njigi ja baa ꞌnjigi-je naa gə yo gə nee; mba dəw gə njigi ngan mar-ɛje nama tɔl ta torondu.

Ephésiendjé 5:1

Sisəy le, ꞌtoje gə ngan njigije lə Luba, be ɗaa ꞌndəjije kəm-e,

Colossiendjé 3:14

Ngaa ne gə to ɓəəl unda neje gə əng tɔ̰y ja to njigi mba njigi ja ɓa to kula gə a tɔ-si naa gə kar ꞌmayje ne pɛdə.

1 Timoce 1:5

ꞌI a kun ndu nee le mba kar dəwje njigi naa gə yoo gə nee, njigi gə ḭ mə gə arə ngadə, kəji gə to gə maj-ɛ ngaɓa gə takagə gə tɔgərɔ.

1 Jean 2:29

To gə ɓo sisəy ꞌgər-eje gə dəw gə gadə-gadə nam, to gə ɓo dəw ɗa-ɗa ɓa ɗa ne gə gadə-gadə nama may kar ꞌgərəje to gə ꞌne ja n-uji-e.

1 Jean 3:1

Aje oje, pa njigi gə Bɔ dəwje njigi-si le ɓa ꞌɓar-si ne nganje lə Luba! Ɗaa, j-a to ngan-ɛ ja. Gəl ne gə dɔ nangə gərə ne si ang le ɓa nee: ꞌNe kara ꞌgər-eje ang tɔ.

1 Jean 3:2

Sisəy ngan ko̰-mje gə m-njigi-si ya̰, ɓisine j-a toje nganje lə Luba, ɗaa pa kunda rɔ-si gə dɔ ndɔ gə bara le kila rɔ-ɛ gə ɗaga ang ɓi, ngaa j-a gərə lo n-a kila rɔ-ɛ gə ɗaga nama, j-a ta sə-a naa mba j-a ko-e lo kunda rɔ-ɛ gə.

1 Jean 4:21

Ndu gə j-inga ji-a gə ɓa nee: Dəw gə njigi Luba nama a njigi ngon ko̰-ɛ tɔ.

1 Jean 4:6

Sijee le, j-a to dəwje lə Luba, nje gə gərə Luba ɓa d-o tar lə-si, dəw gə to dəw lə Luba ang le a ko tar lə-si ang; ɗəw gə nee ɓa j-a gərə ne Njil tar gə tɔgərɔ gə njil tar gə baa.

1 Jean 4:8

Dəw gə njigi to m-e ang le, gərə Luba ang mba Luba to njigi.

1 Jean 5:19

Sijee j-a gərə to gə j-a to kar Luba, ɗaa dɔ nangə nee tɔ̰y to gəl njeməkṵra̰y gə.

1 Jean 5:2

Ne gə j-a gərə ne to gə j-a njigi nganje lə Luba ɓa nee: sijee j-a njigi Luba ngaɓa j-a ngom ndu-e tɔ.

3 Jean 1:11

Ngon ko̰-m gə m-njigi-i ya̰, may kar ꞌndaji ne gə kṵra̰y ang, ne ꞌndaji ne gə may. Nje ɗa may le to nje kar Luba, ngaa nje ɗa ne gə kṵra̰y le o Luba ang.