1 Jean 2:27 - Mbede Lə Luba Kone Gə Sigi

²⁷ Sisəy le ɗaa, Njerɔsangə uwa dɔ-si gə ubu le nam, ɓo dəw a tɔji-si ne ang ngaa; ngaa mba ubu gə n-uwa ne dɔ-si le tɔji neje tɔ̰y, to gə n-to ne tar gə tɔgərɔ ja ɓo tar gə ɗəgərə ang, ɗaa umje sə-a naa gə to gə n-tɔji le.

Testament ke Siki 1960 (Kabba Laka)

²⁷ A tar kila oubou ke sésè ingaidjé dja té leo to mèsè té, ke sésè asidjé kare mare doou tòdjousè né ang, mbata tar kila oubou la tòdjousè né toï, ke to tar ke tokoro, to tar ngem ang, deo kadaba tokou nè ntòdjousè, isidjé mèa té.

1 Jean 2:27 ပူးပေါင်းရင်းမြစ်များ

Matiye 13:11

Jeju ila-je kəne na: Luba ar-sisəy ꞌgərəje tar ɓeko̰ gə dara gə to lokiya gə, ngaa n-ar ꞌjeje ꞌgərə ang,

Jean 14:16

ꞌMa, m-a dəji Bɔ dəwje kar-ɛ ar-si njekuul mə-si gə ɗangə kara, mba kar-ɛ isi gə si gə no.

Jean 14:17

Njil tar gə tɔgərɔ gə dəwje gə dɔ nangə gə nee d-a kasə kinga ang, mba d-o-e ang ngaɓa ꞌgər-e ang nəm tɔ. Sisəy ꞌgər-eje mba n-isi gə si gə naa gə, ngaɓa n-a kisi mə-si gə tɔ.

Jean 14:26

Ngaa njekuul mə, gə to Njil Njerɔsangə gə Bɔy a kula-a gə ri-m a ndo-si neje tɔ̰y ngaɓa a kole mə-si dɔ neje tɔ̰y gə m-pa tar-ɛ m-ar-si tɔ.

Jean 16:13

Logə Njil gə njetar gə tɔgərɔ a ɗe ɗaa, a kɔr no-si ɗəw tar gə tɔgərɔ gə ja tɔ̰y. Mba n-a pa tar gə dɔ rɔ-ɛ baa ang, nga tarje tɔ̰y gə n-a ko le ja ɓa n-a pa ɓi, ngaɓa neje tɔ̰y gə a ɗe le, n-a pa tar-ɛ kar-sisəy tɔ.

Jean 4:14

ngaa dəw gə a kay man gə m-a kar-ɛ le, kunda a tɔl-ɛ ang saar gə no-ɛ, ngaɓa man gə m-a kar-ɛ le a təl to gə ngira man rɔ-ɛ gə, ɗaa ngira man gə nee le a kar-ɛ təbə gə gə ndɔ gə ndɔ.

Jean 6:45

ꞌƊa mə mbede gə lə pajambərəje na: Dəwje tɔ̰y ja Luba a tɔji-je ne. Na-na ɓa o ndu Bɔ dəwje ngaɓa uwa nendo lə-a m-e gə nama ɗe rɔ-m gə.

1 Corinthiendjé 2:12

Be ɓa sijee le ɗaa njil gə dɔ nangə nee ɓa j-inga ang baa, ngaa Njil gə ḭ rɔ Luba gə, mba kar j-a gərə ne neje gə Luba ar-si gə go mənuji.

1 Corinthiendjé 2:13

Ngaɓa sijee kara j-a pa tar neje gə nee le gə ɗəw tar kəm karə gə dəwje ꞌtɔji ang, ngaa gə ɗəw gə Njil tɔji sijee, ja tɔji ne neje gə kar Njil j-ar nje gə Njil Luba to mə-je gə.

2 Corinthiendjé 1:21

Dəw gə ula jingaw mə-sijee gə, gə mə-sisəy gə ɗəw gə le Kirisi ngaɓa uwa dɔ sijee gə ubu le to Luba.

Ephésiendjé 4:21

ngaa to gə ɓo ꞌne ja to gə tɔgərɔ ɓa ꞌpa tar lə-a d-ar-si oje ose to gə ɓo ꞌne ja ɓa ꞌndo-si neje gə ɔji dɔ-ɛ ɗəw tar gə tɔgərɔ gə ḭ rɔ Jeju ɗaa:

Colossiendjé 2:6

Be ɓa mba ꞌtaje Kirisi Jeju gə Mbayɓe ɗaa may kar-si ꞌnjaje ɗəw gə lə-a,

1 Thessaloniciendjé 2:13

Gəl-e gə nee ɓa j-a ɗa Luba oyo taar-taar mba tar lə Luba gə j-a pa gə oso mbi-si gə le, oje gə tar gə ta dəwje gə baa ang, ngaa oje gə tar gə tɔgərɔ ja, gə tar lə Luba gə ɗa kula mə-sisəy nje ta kag-eje gə.

1 Thessaloniciendjé 4:9

Tar gə ɔji dɔ nuji kuwa gə horo-si gə le, sisəy a kaw-je ndoo-e kar dəw ɗa ne mbede ar-si ang, mba sisəy ja kara Luba tɔji-si kar-si ꞌnjigije naa gə yo gə nee.

1 Timoce 2:7

Kudu tar-ɛ gə nee le ɓa, Luba təl-m ne to gə njetɔji tar ngaɓa to njeka̰ykula, mba kar m-tɔji tar dəwje gə ꞌgərə Luba ang ɗəw takagə gə ɗəw tar gə tɔgərɔ gə. M-pa tar gə tɔgərɔ ɓo m-ɗəgərə ang.

1 Piyɛr 1:23

Sisəy gə ꞌtəl d-uji-si to gə sigi ɗəw gə lə ko ne gə a busu ang, ngaa ɗəw gə lə ko ne gə a to saar gə no, gə to tar lə Luba gə to kəm baa ngaɓa a kunda nangə ndɔ kara ang;

1 Jean 2:28

Ɗaa nganje, ɓisine ɗaa, umje naa gə sə-a, mba kar dɔ ndɔ gə n-a tɔji rɔ-ɛ gə ɗaga ɗaa j-a ɓəəl ang, ngaɓa rɔ kul a kuwa-si ndɔ təl gə lə-a ang.

1 Jean 3:24

Dəw gə ar dɔ ndu-e gə le, um naa gə gə Luba ngaɓa Luba kara um sə-a naa gə tɔ, ye ɓa sijee ja gərə ne to gə n-um gə si naa gə, ɗəw gə lə Njil gə n-ar-si.

2 Jean 1:2

mba tar gə tɔgərɔ gə to mə-si gə le, a nay gə sijee gə ndɔ gə ndɔ.