1 Jean 2:19 - Mbede Lə Luba Kone Gə Sigi

¹⁹ Nje kəm tarje lə Kirisi le ꞌce horo-sijee gə ja ɓa d-aw, ngaa ꞌto kar-sijee ang ngaa; mba to gə ɓo ꞌto dəwje lə-si nama d-a kisi gə si; ngaa, to arə ngadə to gə ꞌjejee tɔ̰y ja ꞌto dəwje lə-si ang.

Testament ke Siki 1960 (Kabba Laka)

¹⁹ Dèdè ntéh horodjè té, a dèdè nto ngädjè ang, mbata tokou dèdè nto ngädjè a lé da nai kedjè, a dèdè ntéh mbä ta tòdjou tesèrè dèdè toï nto ngädjè ang.

1 Jean 2:19 ပူးပေါင်းရင်းမြစ်များ

Matiye 24:24

Mba kirisije gə gə mbɔr-ɛ baa gə Pajambərəje gə gə mbɔr-ɛ baa d-a ɗe ɗa netɔjije gə to ɓəəl to ɓəəl, gə neje dang-dang gə kəm dəw o ndɔ kara ang, mba kar ɗəw to nama kərə ne dəwje gə Luba mbərə-je ja kara nəm.

Marəke 13:22

Mba kirisije gə gə mbɔr-ɛ baa gə pajambərəje gə gə mbɔr-ɛ baa d-a ɗe ɗa netɔjije gə neje dang-dang gə kəm dəw o ndɔ kara ang, mba kar ɗəw to nama kərə ne dəwje gə ꞌmbərə-je.

Lugu 8:13

Kandə kər gə um dɔ ranga gə le to to gə dəwje gə d-o tar, ɗaa ꞌta tar le gə tɔg-ɛ ɓa gə rɔləl, ngaa tar le ula ngira-a mə-je gə gə maj-ɛ ang; logə ꞌta kagə ɓa ɓo nena inga-je nama ꞌmbadə takagə lə-je.

Jean 15:2

Bar kəm kagə bḭyə̰ gə ɗa-ɗa gə uba kar-m gə ɓa ɓo andə ang ɗaa n-tuga-a gə ɗangə; ngaɓa bar kəm kagə bḭyə̰ gə andə ɗaa n-ndər dɔ-ɛ mba kar-ɛ andə gə kede-kede.

Jean 4:14

ngaa dəw gə a kay man gə m-a kar-ɛ le, kunda a tɔl-ɛ ang saar gə no-ɛ, ngaɓa man gə m-a kar-ɛ le a təl to gə ngira man rɔ-ɛ gə, ɗaa ngira man gə nee le a kar-ɛ təbə gə gə ndɔ gə ndɔ.

Koula 15:24

J-o tar-ɛ to gə dəwje gə kɛm d-ḭ ɓe lə-sijee nee d-aw ꞌpa tar ꞌjɔgə-si ne gə ꞌtuji ne kəji lə-si. Ngaa to dəwje gə j-un ɗəw j-ar-je ang baa.

Koula 20:30

ngaɓa horo-sisəy gə ja kara dəwje gə kɛm d-a kuba nangə kḭ pa tarje gə ngabula mba kɔr ne ngan njenendoje kum neje go-je gə.

Romaindjé 9:6

Ə̰ə̰ə̰, tar lə Luba oso nangə baa ang. Mba dəwje tɔ̰y gə d-uji-je gəl ka Ijirayɛl gə ja ɓa to gə Ijirayɛlje ang,

1 Corinthiendjé 11:19

Mba kəm kar kay naa to horo-si gə ja tɔ ɓa, d-a gərə ne nje gə d-uwa gədərə ta nena gə.

2 Timoce 2:10

Gəl-e gə ne ɓa m-uwa ne gədərə dan ne gə tɔ̰y mba kar nje gə Luba mbərə-je le d-inga ne kaji gə ḭ rɔ Kirisi Jeju gə, gə riɓar gə a to gə ndɔ gə ndɔ.

2 Timoce 2:19

Tar gə tɔgərɔ gə Luba ja ula ngira nangə: Mbayɓe gərə dəwje tɔ̰y gə to njeka-ɛje, ngaɓa ɓo na-na ja ɓa pa na n-to nje kar Luba nama a kɔsə neɗa gə dɔ buguru rəw ɓa.

2 Timoce 3:9

Ngaa d-a kaw-je ne gə kede ang mba kula mbə lə-je a kila rɔ-ɛ gə ɗaga kəm dəwje gə to to gə kar Janɛs je gə Jambɛrɛs be ɓi.

Ebərəje 10:39

Sijee le, j-a to dəwje gə d-ɔr rɔ-je mba tuji ang, ngaa j-a to dəwje gə ta kagə mba kar kəm lə-si aji ne.

2 Jean 1:7

Be ɓa, nje kərə dəwje bula ꞌce dɔ nangə nee, ꞌjejee gə ꞌpa na Jeju Kirisi ɗe ɗəw darɔ ang. Oje dəw gə pa ta gə bənəng le to nje kərə dəwje, nje kəm tar lə Kirisi.

Jude 1:1

ꞌMa Jude, gə m-to ngon njekula lə Jeju Kirisi nəm, ngaɓa m-to ngon ko̰ Jagə, m-ɗa mbede nee m-ar-sisəy gə Luba gə Bɔ njigi-si, ɓar-si ngaɓa ngom-si mba Jeju Kirisi.

Jude 1:19

Oje, dəɓ-eje nee le, ꞌto nje cḭ dəwje. Kəji lə-je to kəji lə daje ngaɓa Njil godo mə-je gə.