1 Jean 2:18 - Mbede Lə Luba Kone Gə Sigi

¹⁸ Ngan-m gə gɔgɔ, oje, j-isi dɔbo̰ ndɔ gə, to gə sisəy oje tar-ɛ na nje kəm tar lə Kirisi aw ɗe; ngaɓa ɓogəne ne kara nje kəm tarje lə Kirisi bula ꞌga̰ nee, gəl-e gə nee ɓa sijee ja gərə ne to gə dɔbo̰ ndɔ ɗe nam.

Testament ke Siki 1960 (Kabba Laka)

¹⁸ Ngandjé ke ngadji, to dòbon ndò ke goukou, tokou sésè woidjé leo ndjè kembaa lo Christ a dé, ke bashénè nèn to ndjè kembaadjé lo Christ nya dé mbä, mbata yèn djèdjè ngeré nto dòbon ndò ke goukou.

1 Jean 2:18 ပူးပေါင်းရင်းမြစ်များ

Matiye 24:11

Pajambərəje gə gə mbɔr-ɛ baa bula d-a kərə dəwje bula.

Matiye 24:24

Mba kirisije gə gə mbɔr-ɛ baa gə Pajambərəje gə gə mbɔr-ɛ baa d-a ɗe ɗa netɔjije gə to ɓəəl to ɓəəl, gə neje dang-dang gə kəm dəw o ndɔ kara ang, mba kar ɗəw to nama kərə ne dəwje gə Luba mbərə-je ja kara nəm.

Matiye 24:5

Mba dəwje bula d-a ɗe gə ri-m, d-a pa na: ꞌMa ja m-to Kirisi, ngaɓa d-a kərə ne dəwje bula.

Marəke 13:6

Mba dəwje bula d-a ɗe gə ri-m ngaɓa d-a pa na: To ꞌma ja. Ngaɓa d-a kərə ne dəwje bula.

Jean 21:5

Jeju pa ar-je na: Ngan-m, nekusa lə-si ga̰ kəne əng wa? D-ila-a kəne na: Ə̰ə̰ə̰.

Romaindjé 13:11

May kar ꞌgərəje dɔ ndɔ gə j-isije kəne nee gə maj-ɛ: To dɔ kar gə asə mba kar ꞌndol-je ne dɔ ɓi gə, mba logə j-un kudu ta kagə ja ɓa kaji to gə si dəb.

Romaindjé 13:12

Londul aw nday ngaa, ɗaa lo aw arə tɔ. May kar j-a tɔrje neje gə londul gə rɔ-si gə gə gugu ɗaa j-odoje ne ɗɔje gə kar ɗɔ ne dan kara j-um-je rɔ-si gə.

Ebərəje 1:2

ngaa dɔ ɗudu ndɔje gə nee ɗaa n-pa gə si tar gə ndu ngon-e. N-unda-a gə njekuwa nduba neje tɔ̰y, ngaɓa n-unda neje tɔ̰y ɗəw gə lə-a.

1 Piyɛr 1:20

ꞌmbər-e kede nam ɓa d-unda dara gə dɔ nangə ngaa ɓisine ꞌkila gə ɗaga dɔ ɗudu ndɔ gə nee mba tar lə-si.

1 Piyɛr 1:5

Sisəy gə ꞌtaje kagə Luba le, Luba ngom-si gəl singamongə gə, mba kaji gə a kila rɔ-ɛ gə ɗaga ɓisine baa dɔ ɗudu ndɔ gə.

1 Piyɛr 4:7

Ɗudu neje nay njɛ̰ baa, ɗaa ꞌcibije dɔ rɔ-si gə ang ngaɓa undaje kəm karə dɔ rɔ-si gə ɗəw dəji Luba gə.

2 Piyɛr 2:1

Be ɓa kede ləw kara pajambərəje gə gə mbɔr-ɛ ꞌga̰ horo dəw mə ɓeje gə, ɗəw kara baa, horo-sisəy gə kara njenetɔjije gə gə mbɔr-ɛ ꞌtɔji neje gə baa gə kar kuba tuji ngaɓa ꞌturu gir-je d-ar Mbayɓe gə ndogo-je, mba kar tuji uba-je ne nangə bus.

2 Piyɛr 3:3

May kar-si ꞌgərəje kede nam to gə, dɔ ɗudu ndɔ nama, njekogo dəwje d-a ɗe kunda-si kogo ne, ɗaa d-a nja gə go ɓo neje gə o̰ dɔ-je,

1 Jean 2:22

Na ɓa to nje ɗəgərə wa? Dəw gə nje ma̰y to gə Jeju to Kirisi ang. Dəb-e nee le to nje kəm tar lə Kirisi, ꞌne gə n-ma̰y to gə n-gərə Luba gə Bɔ gə Ngon.

1 Jean 4:1

Ngan ko̰-mje gə m-njigi-si ya̰, ꞌtaje kagə njil tɔ̰y baa ang, ngaa ꞌnaje njilje oje se ꞌtoje kar Luba ja wa; mba pajambərəje gə gə mbɔr-ɛ bula ꞌɗe dɔ nangə nee.

1 Jean 4:3

ngaa ɓo njil gə ɗa-ɗa gə gərə Jeju ang nama, to njil lə Luba ang, ɗaa to njil lə nje kəm tar lə Kirisi, to gə oje tar ɗe lə-a le, ɗaa ɓisine n-ga̰ dɔ nangə gə nee nam ngaa.

2 Jean 1:7

Be ɓa, nje kərə dəwje bula ꞌce dɔ nangə nee, ꞌjejee gə ꞌpa na Jeju Kirisi ɗe ɗəw darɔ ang. Oje dəw gə pa ta gə bənəng le to nje kərə dəwje, nje kəm tar lə Kirisi.

Jude 1:18

ꞌPa d-ar-si na: Dɔ ɗudu ndɔ nama, dəwje d-a kunda-si kogo ne ngaɓa d-a nja gə ɓo neje gə kṵra̰y gə uwa mə-je ngaɓa d-a gərə Luba ang.