1 Jean 2:17 - Mbede Lə Luba Kone Gə Sigi

¹⁷ Ɗaa neje gə dɔ nangə nee a nday gə ɓo-e tɔ̰y; ngaa dəw gə nje ɗa mə njigi lə Luba a kisi kəm baa gə ndɔ gə ndɔ.

Testament ke Siki 1960 (Kabba Laka)

¹⁷ Nange nèn a ndai ke booè to, a nè ke nda né ke Allah ndiki, nè nisi ke ndò ke ndò.

1 Jean 2:17 ပူးပေါင်းရင်းမြစ်များ

Matiye 21:31

Horo nganje gə joo nee le, na ɓa ɗa mə njigi lə bɔ-ɛje wa? D-ila-je kəne na: Ye gə dɔngɔr. Ɗaa Jeju təl pa ar-je na: Tɔgərɔ, m-pa m-ar-si, njembo̰ lar gədə ɓeje gə jene kayaje d-a ce mə ɓeko̰ gə dara no-si gə kede.

Matiye 24:35

Dara je gə nangə d-a nday, ngaa tarje lə-m d-a nday ang.

Matiye 7:21

Dəw gə pa t-ɛ gə na: Mbayɓe, Mbayɓe baa ɓa a kandə ne mə ɓeko̰ gə dara ang, ngaa dəw gə ɗa mə njigi lə Bɔy gə isi mə dara gə ja ɓa a kandə ɓeko̰ gə lə-a.

Marəke 3:35

Dəw gə ɗa-ɗa gə ɗa mə njigi lə Luba ɗaa, nj-ɛ əng le ɓa to ngon ko̰-m, ko̰ nan-m gə ko̰-mje.

Jean 4:14

ngaa dəw gə a kay man gə m-a kar-ɛ le, kunda a tɔl-ɛ ang saar gə no-ɛ, ngaɓa man gə m-a kar-ɛ le a təl to gə ngira man rɔ-ɛ gə, ɗaa ngira man gə nee le a kar-ɛ təbə gə gə ndɔ gə ndɔ.

Jean 6:58

Ye gə nee le ɓa to mbə gə ḭ dara, unda rɔ-ɛ ɓədə gə ye gə ka-sijee je d-usa ɗaa d-uy. Ngaa dəw gə usa mbə gə nee le nama a kaw kəm baa gə ndɔ gə ndɔ.

Jean 7:17

To gə ɓo dəw njigi mba ɗa mə njigi lə Luba nama, a gərə to gə netɔji gə nee le ḭ rɔ Luba gə ose, to ꞌma ɓa m-pa tar gə dɔ rɔ-m wa?

Romaindjé 12:2

May kar-si ꞌndajije pa neɗa lə dəwje gə d-aw ɗa dɔ nangə nee ɓisine ang ngaa ḭya̰je rɔ-si yag arje kəji negərə lə-si turu to gə sigi, mba kar-si ꞌgərəje ne mə njigi lə Luba, ne gə may, gə ta kəm-e ngaɓa may pɛdə.

1 Corinthiendjé 7:31

ngaɓa nje kuba mayje gə dɔ nangə nee kara may kar ꞌɗa to to gə d-uba may ang be, mba dɔ nangə gə lo kunda rɔ lə-a d-a nday.

Colossiendjé 1:9

Gəl-e gə nee ɓa sijee kara, un kud-e dɔ ndɔ gə j-o ne tar-ɛ ja, j-a dəji Luba ngɔɔgɔ-ngɔɔgɔ mba sisəy ngaɓa j-a dəji-e mba kar n-ar gərə mə njigi lə-a ɗusu mə-si, gə kəm karə gə negərə tɔ̰y gə ɗəw Njil gə,

Colossiendjé 4:12

Epapəras gə to nje baa ɓe lə-si kara na m-o-si m-ar ꞌne tɔ. N-to njekula lə Kirisi Jeju, n-ɗa ɗɔ mba tar lə-si ngɔɔgɔ-ngɔɔgɔ ɗəw dəji gə, mba kar uwaje ne gədərə ꞌmayje ne pɛdə ꞌɗaje ne ne gə mə Luba njigi ja tɔ̰y.

1 Thessaloniciendjé 4:3

Ne gə Luba njigi le, to sangə rɔ lə-si, kar ɔsəje kaya ngərəng,

1 Thessaloniciendjé 5:18

Dan neje gə tɔ̰y le, ꞌɗaje oyo; mba to gə mə njigi lə Luba gə ɔji dɔ-si ɗəw gə lə Kirisi Jeju.

Ebərəje 10:36

Ne gə kəm kar-si ꞌɗaje ja to kuwa gədərə, mba logə ꞌɗaje mə njigi lə Luba nam ɗaa a kingaje ne gə d-uwa dɔ gɔl-ɛ mba-si ja.

Jacques 4:14

Sisəy gə ꞌgərəje ne gə a ɗa təbə lə-si mə ndɔ gə bara ang! Mba ꞌtoje gə kundu ne gə lu mbu kur-e əw ɓəl be, a ɓo go-e gə ɗaa sɛ̰rɛ̰ kadə tɔ.

1 Piyɛr 1:5

Sisəy gə ꞌtaje kagə Luba le, Luba ngom-si gəl singamongə gə, mba kaji gə a kila rɔ-ɛ gə ɗaga ɓisine baa dɔ ɗudu ndɔ gə.

1 Piyɛr 4:2

mba kar ɓo neje gə darɔ gə d-ɔ̰ dɔ-ɛ ang ngaa, ngaa kar ndɔ kisi kəm baa lə-a nay ɓi nama mə njigi lə Luba ɓa n-ɗa.