1 Jean 2:16 - Mbede Lə Luba Kone Gə Sigi

¹⁶ mba ne tɔ̰y gə to dɔ nangə nee: ɓo gə darɔ gə, kəm kə̰y gə kunda kar mba nekinga gə, neje nee le ḭ rɔ Bɔ-sijee Luba gə ang, ngaa neje le ɗe gə ɗew nemayje gə dɔ nangə nee.

Testament ke Siki 1960 (Kabba Laka)

¹⁶ Mbata né toï ke to nange nèn, boo ke da rò té, boo ke kem té, ke boro ke rò té, ï rò Bòi Allah té ang, a ï nange té nèn.

1 Jean 2:16 ပူးပေါင်းရင်းမြစ်များ

Matiye 4:8

ꞌSɛ̰ngərɛ̰ ɔr-ɛ aw sə-a dɔ ər gə ndəw ya̰ ɓa tɔj-ɛ ɓeko̰je tɔ̰y gə dɔ nangə nee gə nemayje gə kəne,

Matiye 5:28

Ngaa ꞌma, m-pa m-ar-si to gə: Dəw gə a jene ji ɓa ɓo njinga-a m-e gə ɗaa nj-ɛ ɓogo lo to nam.

Lugu 4:5

ꞌSɛ̰ngərɛ̰ ɔr-ɛ aw sə-a dɔ ər gə ndə̰w̰ ya̰ gə ɗaa, kəm naa gə nee ja tɔj-ɛ ɓeko̰je tɔ̰y gə dɔ nangə nee.

Romaindjé 13:14

Ngaa, Mbayɓe Jeju Kirisi ɓa may kar-si ula-aje gə kubu rɔ-si gə, ɓo ar-je ɓo gə darɔ gə o̰ dɔ-si ar-si ꞌɗa-je mə njigi lə-a ang.

1 Corinthiendjé 10:6

Be ɓa neje gə nee le to nekɔji mar-ɛ mba sijee, mba kar j-ar ɓo neje gə kṵra̰y o̰ dɔ sijee to to gə d-o̰ ne dɔ ꞌjejee be ang.

Galatedjé 5:17

Mba neje gə kar darɔ tila kəm kar Njil, ngaɓa kar Njil kara tila kəm kar darɔ; neje lə darɔ gə neje lə Njil, ꞌtɔsə kəm naa ɓa gə mba kar ꞌɗaje neje gə mə-si njigi ang.

Galatedjé 5:24

Ɗaa nje kar Kirisi Jeju-je le ɓərə darɔ gə ɓo neje gə uwa-je ɓərə gə kagə dəsə gə.

Ephésiendjé 2:3

Sijee tɔ̰y kara, ja to to gə ꞌjejee be tɔ, ɗaa kede le ja nja gə go kəm kə̰y gə darɔ-si ɓa ɔji, ja ɗa ne mə njigi lə darɔ-si gə tar kəjije lə-si, ar-si ja to ne gə dəwje gə d-uwa dɔ gɔl si d-ɔji ne dɔ wungu, gə ne gə d-uji-si ne gə kuji, to gə nje gə kɛm be tɔ.

Tite 2:12

Mənuji lə Luba le tɔji-si ɗəw kila kuji dɔ ne gə lə Luba ngaɓa mba kar ɓo neje gə dɔ nangə nee tɔ-si ang, be ɓa kar-si j-a njaje ne gə kəm karə gə neɗa gə gadə-gadə dɔ ndɔje gə ɓogəne, gə kila ne kɔji dɔ ne gə lə Luba nəm tɔ,

Tite 3:3

Mba kede ləw le sijee ja kara j-a gərə ne kara ang. J-a mbadə koso kul no Luba gə nəm, j-a ndəəm nəm, j-a to ɓərəje lə ɓoje gə darɔ gə gə mal neje dang-dang. Ja to gə njeməngo̰yje, gə nje ɗa məje, kəm njigi-si ang ngaɓa ja njigi naa ang gə yo gə nee tɔ.

Jacques 3:15

Kəmkarə gə kən le, to ye gə ḭ dara ang; ngaa, to ye gə ḭ dɔ nangə nee, gə to gə kar darɔ, gə kar ꞌSɛ̰ngərɛ̰.

Jacques 4:16

Ngaa ɓisine ɗaa sisəy ɔsəje gaji rɔ-si undaje ne kar-si. Kɔsə gaji rɔ gə bənəng le kṵra̰y baa.

1 Piyɛr 1:14

ꞌƊaje to gə nganje gə d-ila kuji, ɗaa ꞌnjaje gə go ɓo neje gə d-o̰ dɔ-si to gə kede ləw d-o̰ ne dɔ-si dɔ mbə gə le ang;

1 Piyɛr 2:11

Ngan ko̰-m gə m-njigi-si ya̰, may kar-si ꞌgərəje to gə ꞌtoje nje kaw taarje ngaɓa gə mbaje dɔ nangə nee, ɗaa aje rɔ-si dɔ ɓo neje gə darɔ gə, gə d-aw ɗɔ gə si le.

2 Piyɛr 2:10

ꞌJejee gə gə go mal neje gə mina, ꞌsangə ne go rɔləl gə darɔ gə ɗaa ꞌdabə ne singamongə lə Mbayɓe dasəra ja ɓa a kədərə gə je. ꞌTo nje mə bo nekusaje, nje gasəraje, ꞌɓəəl taji nekundaje gə dara gə riɓar to dɔ-je gə ang,

2 Piyɛr 2:18

ꞌPa tarje gə baa ja d-ɔsə ne rɔ-je ngaɓa gə go ɓo neje gə darɔ gə d-ərə ne nje gə kar be ɓi ɓa ꞌkɔdɛ rɔ-je d-ɔr ji njendəəmje gə;